السلام علیکم،

جب کبھی آپ کی زندگی میں یہ وقت آئے کہ یوں لگے کہ چیزیں بہت ہیں اور دن کے 24 گھنٹے بہت کم تو اس وقت ایک خالی بوتل اور دو کپ چائے کا سبق ہمیشہ یاد رکھیں۔

پروفیسر فلسفے کی کلاس میں اپنی میز پر کچھ چیزیں لیئے کھڑے تھے۔ جب کلاس کا آغاز ہوا تو انہوں نے ایک چوڑے منہ کی بڑی سی بوتل اٹھائی اور اسے پنگ پانگ کی چھوٹی چھوٹی گیندوں سے بھرنا شروع کر دیا۔ کچھ دیر بعد انہوں‌نے کلاس سے دریافت کیا کہ آیا بوتل بھر گئی ہے کہ نہیں؟ تمام کلاس نے اثبات میں جواب دیا۔

اس کے بعد پروفیسر صاحب نے ایک ڈبے سے چھوٹے چھوٹے کنکر نکالے اور بوتل میں‌بھرنے شروع کر دیئے۔ بوتل کو ہلکے سے ہلانے پر تمام کنکر گیندوں کے آگے پیچھے ہوتے ہوئے تہہ میں چلے گئے۔ پروفیسر نے پھر کلاس سے دریافت کیا کہ آیا اب بوتل بھر گئی ہے کہ نہیں۔ کلاس نے کہا جی بھر گئ ہے۔

پروفیسر صاحب نے اب ایک ریت کی تھیلی اٹھائی اور اسے بوتل میں بھرنا شروع کیا، ہلکا سا ہلانے کے بعد بہت ساری ریت نے پوری بوتل کو بھر دیا۔ انہوں نے ایک بار پھر کلاس سے پوچھا، اب کیا خیال ہے؟ کلاس نے کہا کہ جناب اب تو بھر ہی گئ ہے۔

اب کی بار پروفیسر صاحب نے اپنی میز پر سے چائے کے دو کپ نکالے اور چائے کو آہستہ آہستہ بوتل میں انڈیلنا شروع کیا۔ اب کے جو جگہیں خالی تھیں وہ چائے نے مکمل طور پر بھر دیں۔ تمام کلاس نے ہنسنا شروع کر دیا

جب کلاس کی ہنسی تھمی تو پروفیسر صاحب نے کہنا شروع کیا کہ میں چاہتا ہوں کہ آپ اس بوتل کو اپنی زندگی کی طرح‌سمجھیں پنگ پانگ کی گیندیں آپ کی زندگی میں‌اہم ہیں، جیسا کہ خاندان، بچے، صحت، دوست احباب وغیرہ۔ زندگی میں اگر ہر چیز کھو جائے اور صرف یہ باقی رہیں تو بھی زندگی مکمل لگتی ہے۔ کنکر آپ کی زندگی میں کچھ ایسی چیزیں‌ہیں‌جو کہ آپ پر اثرانداز ہوتی ہیں جیسا کہ نوکری، گھر اور کار وغیرہ۔ ریت ان سب کے علاوہ سب کچھ ہے یعنی چھوٹی اور غیر اہم چیزیں۔

اگر آپ بوتل میں‌پہلے ریت ڈالیں‌گے تو اس میں نہ تو کنکروں‌کے لیئے کوئی جگہ ہوگی اور نہ ہی گیندوں کے لیئے۔ زندگی میں بھی ایسا ہی ہوتا ہے۔ اگر آپ اپنے وقت اور توانائی کو چھوٹی چیزوں میں ضائع کردیں‌گے تو آپ کی زندگی میں اہم چیزوں‌کے لیئے کوئی جگہ نہیں بچے گی۔ لہذا اپنی زندگی کی ان چیزوں پر توجہ دیں جو کہ آپ کی خوشی کے لیئے اہم ہیں۔
اپنی بچوں‌کے ساتھ کھیلیں
اپنی صحت کا خیال رکھیں
اپنی شریک حیات کا خیال رکھیں‌اور اسے اہمیت دیں
والدین کی قدر کریں اور انہیں‌وقت دیں

اپنی پنگ پانگ کی گیندوں پر پہلے دھیان دیں اور ان کا خیال رکھیں کیونکہ یہ وہ چیزیں ہیں جن کی واقعی آپ کی زندگی میں‌کوئی قیمت ہے، باقی سب ریت ہے۔

کلاس سے ایک شاگرد کھڑا ہوا اور اس نے پوچھا کہ جناب چائے کس چیز کو ظاہر کرتی ہے؟

پروفیسر نے مسکراتے ہو کہا کہ مجھے خوشی ہوئی کہ تم نے یہ سوال پوچھا۔

چائے صرف یہ دکھانے کے لیئے تھی کہ چاہے آپ کی زندگی کتنی ہی بھری پری اور مصروف ہو، اس میں ہمیشہ دوکپ چائے کی جگہ رہتی ہے، وہ چائے جو آپ کسی دوست کے ساتھ پیئیں۔



۔

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے