السلام علیکم،

ایک صاحب کسی میگزین کے مطالعہ میں مصروف تھے کہ ان کی چھوٹی پیٹی بھی برابر میں آکھڑی ہوئ، اور اچک اچک کر ان کے مطالعہ میں خلل ڈالنے لگی۔ تنگ آ کر صاحب نے برابر پڑے ہوئے پرانے اخبار سے دنیا کا نقشہ پھاڑا اور اس کے چھے سات ٹکڑے کر کے اس کے حوالے کیئے اور کہا کہ جاؤ اس کو جوڑ کر لے کے آؤ۔

ان کے خیال میں ان چھے سات ٹکڑوں کو جوڑنے میں کم از کم ایک دن لگے گا اور وہ اس دوران کچھ دیر کیلیئے میگزین سکون سے پڑھ لیں گے۔ لیکن، کچھ ہی دیر بعد بچی اخبار کے ٹکڑوں کو جوڑ کر دوبارہ لے آئ اور نقشہ بھی بالکل صحیح انداز میں جڑا ہوا تھا۔ حیرت سے انہوں نے پوچھا کہ یہ کس نے جوڑا ہے۔ کیا امی نے تمہاری مدد کی ہے؟ نہیں - پھر تم نے اتنی جلدی اسے کیسے جوڑ‌لیا؟

بچی نے جواب دیا، ابو، اس کے دوسری طرف ایک آدمی کی تصویر تھی میں نے اس کے چہرے کو جوڑا تو نقشہ مکمل جڑ گیا ! یہ کہہ کر بچی اپنے باپ کو حیران و پریشان چھوڑ کر کھیلنے چلی گئ۔

کہانی کا سبق !

دوستو ! دنیا میں جو کچھ بھی آپ کے مشاہدات میں آتا ہے اس کے دو رخ ہوتے ہیں۔ جب کبھی آپ کسی مشکل اور پیچیدہ صورتحال سے دوچار ہوں، اس کی دوسری طرف دیکھنا نہ بھولیں، ہو سکتا ہے تصویر کا دوسرا رخ‌آپ کو اس مشکل سے نکلنے میں مدد کر دے۔

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے