عبدالقدوس

شکر ہے میں تو بچ گیا

موجو

السلام علیکم
بھائی آپ بال بال بچے ہیں سچی راجہ صاحب نے بارہا آپ کا تذکرہ کیا کہ آپ کے ساتھ مل کر پروگرام بنایا جائے۔

عبداللہ آدم

عبداللہ آدم بقلم خود روز ولیمہ کا احوال باقی ماندہ لے کر حاضر خدمت ہے:::

تو عزیزان و عزیزات!!

پیر صاحب کا حکم موصول ہوا کہ ٹیسٹ 1 بجے ہے اور مجھ سے اب 2:15 پر رابطہ کیا جائے..............جو حکم پیر دا.............بس اب کیا تھا مرید خاص نے بائیک نکالی اور ٹھیک 2:00 بجے قریب از مقام ٹیسٹ ایک دوست کی طرف پہنچ گیا اور لگا پیر صاحب کا انتظار کرنے.............

2:15 پھر 2:30 ہوئے لیکن پیر صاحب کو لگتا تھا کہ ٹیسٹ سے زیادہ ہی لگاؤ پیدا ہو گیا ہے اور وہ دوسری دفعہ ٹیسٹ دے رہے ہیں .................ادھر وقت دوپہر اور بھوک.........................پھر میسج بھیجنے شروع کیے کہ جوں ہی سیل فون آن ہو تو رابطہ ہو جائے................

موجو صاحب سے بھی خط وکتابت اوہ سوری ایس ایم ایس جاری تھے کہ راجہ صاحب ٹیسٹ کو ایچ ای سی کے منہ پہ مار کر ولیمہ کی موہوم امیدیں لیے باہر آئے.....................مرید کو فون کیا اور فشوں.................لیکن ہائے افسوس بلکہ پٹھان بھائیوں کے الفاظ میں "اپسوس" کہ اب "ولیمہ مقصود" ہاتھ سے نکل چکا تھا.................دولہا میاں نے جوں ہی اس متوقع خبر سے آگاہ کیا......................مرید اینڈ موجو نے پیر صاحب سے استفادہ کرنے کا "تہیہ" کر لیا............

باقی اوپر آپ پڑھ ہی چکے ہیں کہ کس طرح اس ::تہیے:: کو عملی جامہ پہنایا جانے تک دونوں افراد نے پیر صاحب کی قدم قدم پر مکمل "لاجسٹک سپورٹ" کی........................تا آنکہ بدر بھائی کے الفاظ میں ))پیر صاحب سے مفذرت کے ساتھ((
""راجہ کا بج گیا باجہ""

ویسے ایک بات ہے کہ راجہ نے خرم کا ولیمہ کھلا کر دوستی کا حق ادا کر دیا.................!!!

اللہ پیر صاحب کو سبکے حقوق کا خیال رکھنےوالا اور اپنے فرائض ادا کرتے رہنے کی توفیق عطا فرمائیں.

منتظمین

دونوں‌کو ملا کر سرورق کے لیے پیش کریں

مزمل فاروق

پیر صاحب کا بیان بھی آلینے دیں ساتھ ہی سرورق کی زینت بنایئے گا -

عبدالقدوس

جی ہاں آخری لمحات تک عدنان بھی اس بات پر ہی مُصر تھے کہ اتوار لیکن جب ہفتہ کا دن ہوا تو مجھے یہ ٹیسٹ کی خبر موصول ہوچکی اور عدنان نے بھی شکر کے نوافل پڑھے

__________________

ام طلحہ

واہ مزا آگیا۔ کمال ہی کردیا بڑے بڑے رائٹرز کو پیچھے چھوڑ گئے آپ دونوں۔
پیر صاحب کے بیان کا انتظار رہے گا

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

راجہ اکرام

پیر صاحب اس ولیمہ بے دولہا کے آفٹر شاکس تا حال محسوس کر رہے ہیں ۔ اس لئے مکمل جانبر ہونے کے بعد ہی کچھ عرض کرنے کی پوزیشن میں ہوں گے ۔
ایک ٹیسٹ NTS(وہ بھی ایسا جس کا میرے تعلیمی پس منظر سے کوئی تعلق نہیں ) دوسرا ولیمہ مس ہونے اور خرم بھائی کی ناراضگی کا خوف ، اور تیسرا وہ جس کا سوچ سوچ کر جھٹکے محسوس ہوتے ہیں ۔

کچھ تفصیلات شام کو ان شا ء اللہ

__________________
محتاج اصلاح و دعا

راجہ اکرام

عدنان بھائی کو ٹیسٹ کا اس لئے بتایا تھا کہ وہ اتوار کو ہی آ جائیں کیوں کہ میں جہلم نہیں آ سکوں گا
لیکن پھر ان کی آپس میں کوئی ساز باز ہو گئی اور
اسی بیٹھے رہ گئے چوپدے گنڈیریاں انار کوئی ہور لے گیا

موجو

السلام علیکم
گڈیریاں وی پِھکیاں سن نا؟

عبداللہ آدم

تازہ ترین خبروں کے مطابق پیر صاحب بذریعہ موکلات ""کلکلائیل اور چلچلائیل"" کے ذریعے ٹیسٹ بھی پاس کر چکے ہیں.......................لیکن ہم تو یہی کہیں گے کہ:::::::::؛

کر بھلا.....................ہو بھلا
























آہو

عبداللہ آدم

راجہ اکرام

السلام علیکم
شادی ایک المیہ اگر کہا جائے تو اچھنبا نہیں ہوتا کیوں کہ یہ بات اب زبان زد عام ہے۔۔ لیکن نکاح اور ولیمہ بھی المیہ کی صورت اختیار کر سکتے ہیں یہ بات کچھ عجیب لگتی ہے۔
لیکن جو بھائی برادم خرم کی شادی کے احوال بالتفصیل جانتے ہیں انہیں یہ بات اب عجیب نہیں لگتی ہو گی۔
کیوں کہ جو ان کے ساتھ بیتی اور جو ہمارے ساتھ بیتی ۔۔۔ اسکی تٍفاصیل اس کو المیہ ثابت کرنے کے لئے کافی ہیں۔

اگر ہم ذرا پیچھے چلے جائیں اور اس دن سے حالات و واقعات کا جائزہ لیں جب خرم بھائی نے متحدہ عرب امارات سے شادی کا قصد لے کر پاکستان آنے کا پروگرام بنایا۔
سب سے پہلے فلائٹ کینسل ہو گئی، اور محترم گھر والوں کو جو سرپرائز دینے کا خیال دل میں لیئے بیٹھے تھے وہ برے طریقے سے ناکام ہوا۔ اللہ اللہ کر کے اگلے دن کی ٹکٹ لی ۔۔ جہاز وہاں سے روانہ تو ہو گیا لیکن پاکستان پہنچ کر اسلام آباد کے بجائے لاہور ایئر پورٹ پر اتر گیا ۔۔۔۔ موسم کی خرابی کے باعث ۔۔۔ دولہے میاں کا سفر حقیقتا suffer بن گیا ۔۔
جیسے تیسے جناب گھر پہنچے کئی گھنٹے تاخیر کے ساتھ ۔۔
اب جناب کی رسم نکاح کا دن آن پہنچا، صبح سویرے جانے کا پروگرام تھا کہ شام تک واپسی ممکن ہو لیکن ۔۔۔ دولہا حضور کے چچا حضور 9 بجے تک تیار ہی نہ ہو سکے۔ اب دولہے میاں کے ابا جان وہاں اور دولہا میاں یہاں چچا جان کے انتظار میں ۔۔ کیا کہنے
چچا جان بھی تیار ہو لئے اور گاڑی جہلم کے لئے روانہ ہوئی ۔۔ سواریاں تو جہلم جانا چاہتی تھی لیکن گاڑی کی نیت کچھ اور تھی جس کا بروقت علم نہ ہو سکا ۔۔۔
جہلم سے قبل کسی شہر کے قریب گاڑی صاحبہ نے نئی نویلی دلہن کی طرح نخرے کرنے کا مظاہر شروع کر دیا۔
اب کیا تھا، دولہا میاں بمع احباب کے گاڑی کو دکھا لگا رہے ہیں۔ پسینے سے شرابور، کپڑوں کا برا حال ۔۔۔
لیکن مرتے کیا نہ کرتے ۔۔ گاڑی کو کسی ٹھکانے پر تو پہنچانا تھا ۔۔ قریب ڈیڑھ گھنٹے کی دھکم پیل کے بعد گاڑی قریبی شہر میں پہنچی، لیکن تا حال وہ بضد تھی کہ یہاں سے آگے نہیں جانا۔ اور شادی کے المیے میں کسی طرح “شریک جرم” نہیں بننا۔
وہاں سے نئی گاڑی لی گئی اور منزل مقصود پر پہنچے ۔۔ یاد رہے اس دوران دولہے میاں کے سسرال میں رابطہ کر کے نیا سوٹ استری کرنے کے صدارتی احکامات جاری کر دیئے گئے تھے ۔۔ ہے کہ نہیں المیہ؟؟

بہر حال ان تمام مراحل کا مردانہ وار مقابلہ کرتے ہوئے دولہا محترم سسرال پہنچے، رسم نکاح بخیر ادا ہو گئی۔

اب مرحلہ تھا بارات اور پھر ولیمے کا۔ خرم بھائی نے بہت پہلے سے کہا تھا بارات کے ساتھ جانے کا اور پھر ولیمے کا بھی ۔ اور پاکستان آمد پر وہ خود میرے پاس بھی آئے ، ۔۔ میں نے سوچا کوئی بھاری بھرکم شخصیت ہو گی ، لہذا موجو میاں اور عبد اللہ آدم کو بھی بلا لیا ۔ جب ملاقات ہوئی تو ایک معصوم سے نوجوان، ہنس مکھ، انتہائی شائستگی سے گفتگو کرنے والا، نپے تلے جملے، وجیہہ شخصیت۔ پہلی ملاقات ہی خوشگوار اثرات چھوڑ گئی۔
وہی پاک نیٹ کی خصوصیت جس کا میں پہلے بھی ذکر کر چکا ہوں کہ ایسے گھل مل جاتے ہیں جیسے برسوں سے شناسا ہوں۔
اس ملاقات میں بھی حسب معمول گفتگو کا مرکز و محور پاک نیٹ ہی رہا اور ساتھ ہی منتظمین بھائی کی “پر اسرار” شخصیت بھی۔۔ تا ہم اردو ادب، اردو بلاگز، اردو فورمز اور شاعری جیسے موضوعات بھی زیر گفتگو رہے۔ کچھ دیر کی یہ ملاقات کافی معلوماتی تھی۔
اسی دوران برادرم خرم نے یہ داستان الم سنائی جس کا مختصر ذکر درج بالا سطور میں آپ نے پڑھا ہے۔

خرم بھائی نے بہت پرزور دعوت دی ہم سب کو اور ہم نے بھی عزم صمیم کر لیا اور اسی روز سے پروگرام کی تیاری بھی شروع کر دی
اکثر یہی دعوت ہمارے ایس ایم ایسز کا موضوع رہتی ۔ لیکن فارسی کا مقولہ ہے کہ “تدبیر کنند بندہ تقدیر کنند خندہ” بندی تدابیر کر رہا ہوتا ہے اور تقدیر ہنس رہی ہوتی ہے ۔ بس یہاں بھی کچھ ایسا ہی منظر ہوا۔ بھر پور تیاری میں تھے کہ اچانک دو روز قبل نیشنل ٹیسٹنگ سروس کی جانب سے ایک خط موصول ہوا جس میں 26 تاریخ کو ہمیں ٹیسٹ دینے کے لئے مدعو کیا گیا تھا۔
اب ایک ننھی سی جان اور دو دو دعوت نامے ۔ بصد مجبوری قبول کرنا پڑا کیوں کہ کوئی اور چارہ نہ تھا۔
دعوے نامے پر ٹیسٹ کا وقت 1 بجے کا تھا ۔۔ 25 کی بارات کا پروگرام کینسل کیا کہ 26 کو 2 بجے تک فارغ ہو کر ولیمہ تناول کرنے کے لئے مرید خاص اور موجو میاں کی ہمراہی میں وقوعہ پر پہنچ جائیں گے۔ لیکن ٹیسٹ انتظامیہ نے یہ خواب بھی شرمندہ تعبیر نہ ہونے دیا۔
مقررہ دن اور پھر مقررہ وقت آیا، میں اپنے تئیں تیار ہو کر نکلا اور دونوں صاحبان کو بھی ہر طرح کے حالات سے نمٹنے کے لئے مکمل تیار رہنے کی ہدیات دینے کے بعد رزمگاہ میں داخل ہوا۔ وہاں پہنچ کر احساس ہوا کہ ایک المیہ اور رونما ہو گیا ہے۔۔ اصل شناختی کارڈ جو امتحان میں شمولیت کے لئے اولین شرط تھی میں ڈیرے پر ہی بھول آیا تھا ۔ ہمارے تو ہاتھوں کے طوطے اڑنے ہی تھے ساتھ ہی ہوائیاں بھی اڑ گئیں۔ فورا موبائل نکالا اور موجو میاں جو کہ کچھ ہی لمحات قبل ہمیں رزمگاہ تک پہنچانے کا فریضہ سرانجام دے کر واپسی کے لئے عازم سفر ہوئے ہی تھے کہ کو ہم بذریعہ موبائل کال آن لیا۔۔ اور عرض کی کہ جناب ذرا جلدی سے ہمارا شناختی کارڈ ہی پہنچا جائیے ۔۔ ہم بے چینی کے عالم میں انتظار گاہ کے باہر ٹہل رہے تھے کہ ایک موٹر سائکل ہمارے سامنے آ کر رکی دیکھا تو موجو میاں ہاتھ میں کارڈ لئے معنی خیز مسکراہٹ سے ہمارے جانب دیکھ رہے تھے اور ان کی آنکھیں کہہ رہی تھیں کہ “ ایے گلاں چنگیاں نئیں” ۔۔ ہم نے دل ہی دل میں ان کے لئے ڈھیروں دعائیں کیں اور تیز تیز قدم اٹھاتے امتحان ہی طرف بڑھ گئے۔ گھڑی 1:30 بجا رہی تھی لیکن تا حال امتحان شروع ہونے کے کوئی آثار تا حد نگاہ نظر نہیں آ رہے تھے۔ پتہ چلا کہ 2 بجے شروع ہو گا۔
پھر ہماری کیا حالت ہو گی۔۔ آپ خود کو ہماری جگہ پر رکھئے اور سوچیئے۔۔ روہانسی شکل بنا کر بیٹھ گئے اور لگے انتظار کرنے۔۔؂ یہ ستم اس لئے کر لیا گوارا کہ اس کے سوا کوئی چارہ نہ دیکھا

ہمارا خیال تھا کہ یہ پیپر ہمارے تعلیمی پس منظر سے نہیں ہے اس لئے جیسا تیسا تکا لگائیں گے اور نکل لیں گے۔ نتیجہ مقدر کے حوالے ۔۔ لیکن جب پڑھا شروع کیا تو پتہ چلا کہ ہمیں تو انگلش سمجھ آ جاتی ہے کسی حد تک ۔۔
ریاضی کے سوا باقی حصہ جب پڑھ کر کیا تو اچھا خاصہ وقت لگ گیا۔۔ جب باہر نکلے تو 3:40 ہو چکے تھے ۔

فوران مرید خاص کا نمبر ڈائل کیا جو کہ ہماری ہدایت پر پہلے ہی رمزگاہ سے قریب ہی کسی کمین گاہ میں ہمارے منتظر تھے۔ وہ فورا پہنچے اور ہم نے خرم بھائی کا نمبر ملا دیا ۔ علیک سلیک کے بعد جب ولیمہ کی جگہ کا دریافت کیا تو جواب سن کر ہم پر جو قیامت ٹوٹی وہ صرف محسوس کی جا سکتی ہے۔
دولہا میاں فرمانے لگے کہ اب تو برتن دھونے کا مرحلہ آن پہنچا ہے ۔۔ بہت زیادہ افسوس ہوا کہ خرم بھائی کی اس عظیم خوشی کے کسی بھی فنکشن میں شریک نہ ہو سکے ۔ ڈھیروں مبارک اور دلی معذرت کی اور عنقریب دعوت ولیمہ کا قرض اتانے کے لئے دوبارہ حاضر ہونے کی یقین دہانی کراتے ہوئے اجازت چاہی ۔۔
اس دوران عدنان بھائی کا بھی فون آیا تھا جس کے احوال پہلے کسی مراسلے میں آ چکے ہیں


بقیہ کچھ دیر بعد ملاحظہ کیجئے

راجہ اکرام

گزشتہ سے پیوستہ
خرم بھائی سے اجازت لینے کے بعد میں مرید خاص کے ساتھ “درویشوں کے ڈیرے ” کی جانب عازم سفر ہوا۔
یاد رہے کہ جب ہم ولیمے سے لیٹ ہو چکے اور ساتھیوں کو یقین ہو چلا کہ اب وہاں کچھ ہاتھ نہیں آنے والا، تو میری امتحانی مصروفیت سے فائدہ اٹھاتے ہوئے مرید خاص اور موجو نے اندرون خانہ سازش کا جال بننا شروع کر دیا، جس کا براہ راست اثر مجھ پر پڑنے والا تھا۔
ڈیرے پر پہنچے تو موجو میاں بھی گویا رکاب پر پاؤں رکھنے کے لئے بیتاب تھے۔ ہر طرح سے تیار، لباس ولیمہ میں ملبوس، انتہائی سلیقہ سے پلکیں و زلفیں سنوارے، عینک کے شیشوں پر کپڑا مار رہے تھے۔
اگرچہ یہ تیاری خرم بھائی کے ہاں جانے کے لئے تھی لیکن اب اس سازش کو عملی جامہ پہنانے کے لئے استعمال ہو رہی تھی جو اندرون خانہ پہلے ہی تیار ہو چکی تھی۔
کچھ دیر ڈیرے پر آرام کیا، امتحانی تھکاوٹ کچھ دیر گپیں لگا کر دور کی، اور پھر چل نکلے راجہ کے خون کی قربانی دینے کے لئے ۔۔۔
پھر ایک ہی بائیک پر تین دیوانے یہ گنگناتے ہوئے نکل پڑے کہ ۔۔ دیوانے چلے جب ساتھ ۔۔
پہلے گجرانوالہ ہوٹل پر گئے سنا تھا کہ وہاں کی کڑاہی مشہور ہے۔۔ لیکن گئے چونکہ بے وقت تھے اس لئے جواب ملا کہ “کڑاھی” تو بن جائے گی لیکن روٹی گھر سے لانی پڑے گی
میں نے تو سوچا کہ شاید یہ بلا ٹل گئی ۔۔ پھر نہ میں پکڑائی دوں گا اور نہ کڑاھی کا بوجھ پڑے گا اس جسم ناتواں پر۔
لیکن یہ بھی کشتیاں جلا کر آئے ہوئے تھے ۔۔ اور مرید خاص تو ہیں بھی اسی علاقے کے، ایک ایک گلی محلے سے ایسے واقف تھے جیسے “پزا ہٹ” پر کام کرتے رہے ہوں ۔
وہاں سے “سیور فوڈز” کی جانب روانہ ہوئے ۔۔ یہاں پلاؤ کے علاوہ کھانا بھی مہیا جاتا ہے ۔۔
کڑاھی کا آرڈر دیا گیا، بہت لذیذ پکائی گئی تھی ۔۔ ہم سب مزے لے لے کر کھانے لگے۔ اس وقت سب کچھ بھول گیا کہ یہ مزا بعد میں صورت عذاب اس جیب پر نازل ہو گا جو ہمیشہ تہی دامن ہونے کا رونا روتی ہے ۔

جب کھانا ختم ہوا اور بل لے کر ایک صاحب ہمارے سامنے ایستادہ ہوئے تو مجھے اس وقت وہ اپنے سب سے بڑے دشمن محسوس ہوئے ۔۔ لیکن مرتا کیا نہ کرتا۔۔ بل دیا اور ہوٹل سے باہر آ گئے ۔
“““یہ ایک اور المیہ تھا جو مجھ اکیلے نے برداشت کرنا تھا““
نماز عصر میں کافی تاخیر ہو چکی تھی جلدی سے قریبی مسجد میں گئے، موجو میاں کی اقتداء میں نماز باجماعت ادا دی ۔۔ اور مغرب کا انتظار کرنے لگے ۔
بعد از نماز مغرب ایک بار پھر ڈیرے کی جانب عازم سفر ہوئے ۔ پھر گپیں لگائیں ۔
اس دوران سنجیدہ موضواعات بھی زیر بحث رہے۔ اور وقت کے استعمال کو بہتر بناے کے لئے ایک اسٹڈی سرکل کا پروگرام بنایا گیا جو کم از کم مہینے میں ایک بار منعقد ہوگا ۔ انشاء اللہ
اس بار کا موضوع “وجود باری تعالی ” رکھا گیا تھا ۔۔ دعا کریں کہ یہ منصوبہ عملایا جا سکے۔

پھر کہا سنا اور کھایا پیا معاف کرا کر مجلس کو برخاست کرنے کا اعلان ہوا اور سب لوگ پر امن طور پر منتشر ہو گئے ۔۔

یہ تھی ہماری بپتا ۔۔ امید ہے پسند آئی ہو گی۔۔ نہ بھی آئے تو خیر ہے ، ہم پر تو بیت چکی