سحر

آپ کی بات صحیح ہے
لیکن میں نے بہت سے لوگ دیکھے ہیں جو اسلام پر عمل بھی کرتے ہیں اور ان کی کسی وجہ سے دو بیویاں ہیں توان میں عدل بھی کرتے ہین ۔ میری ایک دوست ہے جس کے شوہر نے دو شادیاں کی ہے اور وہ پہلی بیوی ہے اور وہ اپنے شوہر اور اپنی سوکن کی بہت تعریف کرتی ہے اس کی وجہ صرف عدل ہے ۔

جہاں تک اس بات کا تعلق ہے کہ کوئی عورت یہ پسند کرے گی کہ اس کا شوہر دوسری شادی کرے
تو میری تو ہمت نہیں کہ میں اللہ کی دی ہوئی اجازت کے خلاف جاؤں
اس لیے میں نے تو اپنے شوہر کو دل سے اجازت دی ہوئی ہے دوسری شادی کی ۔

دیکھیں ہمارے معاشرے میں بہت سی لڑکیاں بے سہارا ہیں جن کو صرف تحفظ کی ضرورت ہوتی ہے ۔ ہم نے مردوں کے اوپر یہ پابندی لگا کر ان لڑکیوں کے ساتھ ذیادتی کی ہے
میں صرف ان مردوں کی بات کررہی ہوں جو اسلام پر عمل کرتے ہیں اور جن کےاندر اللہ کا ڈر ہے

راجہ اکرام

محترم شاہ صاحب
آپ نے ایک اچھے موضوع کو بحث کے لئے پیش کیا ہے۔ اور آپ کے معروضات کسی حد تک دل کو اپیل بھی کرتے ہیں لیکن۔۔۔۔۔۔۔۔۔
دوسری ، تیسری اور چوتھی شادی کا حق اسلام نے تمام مردوں کو تفویض کیا ہے، اس سے اگر کوئی خود دستبردار ہونا چاہے تو اس کی مرضی لیکن ہم معاشرے کے چلن، بعض افراد کی ہوس پرستی اور رسم و رواج کے باعث اسے مسترد یا موقوف نہیں کر سکتے۔
آپ نے سوال کیا ہے کہ کیا کوئی اپنی بیٹی یا بہن کے لئے یہ پسند کرے گا؟
تو میں یہ سوال کروں گا کہ کیا بیٹی کو ساری عمر گھر بٹھانے سے دوسری شادی میں دے دینا زیادہ بہتر نہیں۔ میرے خیال سے آپ کا جوب اثبات میں ہی ہو گا۔

اگر چہ آپ کے تحفظات اپنی جگہ بالکل بجا ہیں‌لیکن موجودہ حالات میں خواتین کی تعداد مردوں سے زیادہ ہوتی جارہی ہے۔
اگر آپ کے خیال میں یہ اجازت مخصوص حالات میں دی گئی تھی تو موجودہ حالات بھی اسی مخصوص حالت سے چنداں مختلف نہیں ہیں۔

اس لئے میرا خیال ہے کہ اگر انصاف کی بنیادی شرط پوری کرنے کا جس میں حوصلہ ہو، اور اسے اپنے اوپر اتنا اختیار ہو کہ زیادتی کا ارتکاب نہیں کرے گا تو اس کے لئے آج کے حالات میں دوسرے شادی ضروری ہو گئی ہے۔
لمبی عمر تک بن بیاہے رہنے سے گناہ کے ارتکاب کا سخت اندیشہ ہوتا ہے۔ اس تاخیر کا باعث اکثر اچھے رشتے کا نہ ملنا ہوتا ہے۔ اگر ایک اچھا اور شریف انسان ہے، دو شادیوں کی استطاعت بھی رکھتا ہے۔ تو اسے ضرور یہ سنت ادا کرنی چاہئے۔

یہ میرا خیال ہے۔

مزید اہل علم کی روشنی ہمارے علم میں اضافہ کرے گی۔

__________________
محتاج اصلاح و دعا

wajee

اگر وہ مرد شرط پوری کرتا ہے تو دوسری شادی کر سکتا ہے

شاہ جی 90

دیکھیں میں نے یہ نہیں کہا کہ میں اسلام کی اس رعایت کے خلاف ہوں لیکن اسلام کے وہ قوانین جو کہ اپنے فائدے اور دوسروں پر ظلم کرنے کے لیے استعمال کرتے جو کہ اپنی جگہ ایک بے ایمانی ہے ، میں نے ایسی بہت سی مثالیں دیکھی ہیں جن میں ایک مرد نے دوسری شادی کی اور پہلی بیوی کو بھلا دیا یا کم از کم اس سے التفات کم کر دیا ، تو اس نے تو اپنی جان پر اور اپنی پہلی بیوی کی جان پر ظلم کیا ۔ ان مردوں کے لیے آپ کیا کہیں گی ۔ عدل تو یہ ہے کہ جتنی محبت سے آپ ایک کی طرف دیکھیں اتنی ہی محبت سے آپ دوسری کی جانب بھی دیکھیں اور جذبات دونوں کے لیے برابر ہونے چاہئیں ۔
لیکن دیکھا یہ گیا ہے کہ پہلی بیوی کو تو اللہ کے ڈر سے بیگار سمجھہ کر بھگتایا جاتا ہے اور دوسری بیوی سے جو نئی آئی ہوتی ہے اس سے دل سے محبت جتائی جاتی ہے۔ کامل عدل کرنے والے تو شاید ہزاروں میں ایک ہوں گے ۔ میں اپنی مثال آپ کو دے سکتا ہوں ،میرے پرانے دوست جب کافی عرصہ مجھے نہیں ملتے اور کسی نئے ماحول میں نئے دوست بن جاتے ہیں تو پرانے دوست مجھے یاد بھی نہیں آتے ، یہی انسانی فطرت ہے ، کہ جب اسے نئی گاڑی مل جائے تو اگرچہ کہ اسے اپنی پرانی کار بہت پسند ہوتی ہے لیکن وہ جس خوشی اور شوق سے نئی کار ڈرائیو کرتا ہے اس خوشی اور شوق کا پرکاہ بھی پرانی کار میں اسے نہیں ملتا ،
آپ کی بڑی ہمت ہے آپ نے اجازت دے دی لیکن بھائی صاحب اس سے فائدہ کیوں نہیں اٹھاتے وہ کسی کو سہارا دینے کا باعث بن سکتے ہیں
انا اور ہٹ کو ایک جانب رکھہ کر دیکھیں تو احساس ہوتا ہے کہ موجودہ دور میں اس رعایت سے ناجائز فائدہ زیادہ اٹھایا جا رہا ہے ۔

شاہ جی 90

اسلام نے ایک حق دیا ، لیکن بات تو وہی آتی ہے کہ ہم اس حق کو استعمال کیسے کرتے ہیں ۔ میں نے سحر بہن کے مراسلے کا جواب دیا ہے۔ اسے پڑھئیے گا ۔ مانا کہ خواتین کو سہارے کی ضرورت ہوتی ہے اور ان کو اگر کوئی شخص استتاعت رکھتا ہو اور انصاف کر سکتا ہو تو اس کو ان خواتین میں سے کسی کو سہارا دینا چاہئیے ، لیکن شرط تو انصاف ہے نا جس کی وضاحت میں نے اوپر کر دی ہے ۔
رشتے تو اللہ بھیجتا ہے ، تمام لڑکوں‌اور لڑکیوں کے لیے ، ایک اچھے رشتے کو دیکھتے ہوے شادی شدہ مرد کے ساتھہ بیٹی بیاہنے سے پہلے یہ بھی تو دیکھنا چاہئیے کہ کیا پہلی بیوی نے اسے خوشی سے اجازت دے دی ہے لیکن ہمارے معاشرے میں کون اتنے لمبے چکروں میں پڑے گا۔

ام طلحہ

یہ سب بھی اپنی جگہ درست لیکن کیا سہارا دینے کیلئے غیر شادی شدہ مرد کم ہو گئے ہیں دنیا میں؟مسئلہ یہ ہے کہ آجکل ماں باپ بھی اپنی اولاد کیلئے خود غرض ہو چکے ہیں۔ بیٹی کیلئے جو رشتہ آتا ہے اس میں سب کچھ ڈھونڈا جاتا ہے۔ اعلٰی تعلیم بھی ہو،بہترین روزگار بھی ہو اپنا گھر بھی ہو لڑکا بیحد سمجھدار بھی ہو۔ اب یہ تمام خصوصیات کم عمر غیر شادی شدہ لڑکوں میں بمشکل ہی یکجا ہوتی ہیں۔ جب تک یہ شرائط پوری ہوتی ہیں لڑکا کم ازکم 30 کراس کر چکا ہوتا ہے۔ جب یہ خواص کسی شادی شدہ مرد میں نظر آتے ہیں تو والدین بیٹی کے مستقبل کو محفوظ تصور کرتے ہوئے یہ رشتہ قبول کر لیتے ہیں حالانکہ جو مرد پہلی بیوی پر دوسری لا سکتا ہے تو دوسری پر تیسری کیوں نہیں۔ مانا کہ اس سلسلے میں شرعی اجازت ہے۔ حضوراکرم صلی اللہ علیہ وسلم کی مثال ہمارے سامنے ہے ۔لیکن ہم مثال کا حوالہ دیتے ہوئے یہ تو یاد رکھتے ہیں کہ شادی کاحق ملا ہوا ہے لیکن مکمل پیروی نہیں کرتے جس درجہ کا انصاف ہمارے نبی نے امہات المومنین کے ساتھ فرمایا۔ ہم تو انکی خاک پا کے برابر بھی پیروی کا حق نہیں ادا کرسکتے۔ ہم وہ کمزور لوگ ہیں کہ اپنے خون، اپنی اولاد میں بھی کامل انصاف نہیں کر پاتے تو دو بیویوں میں کہاں
کل ہی فیلڈ پر جانے کا اتفاق ہوا تو ایک خاتون سے ملاقات ہوئی۔یہ خاتون جو اپنے خاندان کا بوجھ اٹھانے کی خاطر غیر شادی شدہ رہیں۔ ان خاتون کو کینسر کا مرض لاحق ہے اورآجکل کیموتھراپی کے تکلیف دہ عمل سے گزر رہی ہیں۔ اس عمل کے دوران خون بالکل جل جاتا ہے اور بال کا ایک رواں بھی باقی نہیں رہتا۔ بھوک ختم، منہ پک جاتا اور لرزہ طاری ہوتا ہے۔ دماغ خصوصا یادداشت بھی متاثر ہوتے ہیں۔ ان خاتون نے اپنے لئے زندگی کی دعا کی درخواست کی کیونکہ وہ اپنی بوڑھی والدہ، ایک طلاق یافتہ بہن اور تین بن ماں کے بھتیجے بھتیجیوں کی واحد کفیل ہیں۔بہن کو طلاق صرف اس بنا پرشادی کے محض 3 ماہ بعد ہو گئی کہ انکے شوہر سے پوچھے بنا رشتہ کیا گیا تھا اور انہوں نے محض ماں باپ کی بات رکھنے کیلئے شادی کی اور بنا کوئی واسطہ رکھے انہیں 3 ماہ رہنے دیااور پھر چھوڑ دیا۔ طلاق کے صرف 2 ماہ بعد اپنی کزن سے دوسری شادی کرلی جو کہ انکی اصل پسند تھی۔اور وہ بچے بن ماں ضرور تھے بن باپ نہیں۔ ان بچوں کے باپ نے بیوی کی موت کے دو ماہ بعد بچوں کے نام پر شادی کی اور نئی شادی سے پہلی اولاد ہوتے ہی ان بچوں کو اپنی بہن کے حوالے کر کے اسلام آباد شفٹ ہو گیا۔
پڑھنے والوں کیلئے شاید یہ صرف کہانیاں ہوں لیکن یہ وہ تلخ حقائق ہیں جوجن پر گزرتے ہیں وہی سمجھ سکتے ہیں
طوالت اور تلخی اگر میرے انداز سے جھلک گئی ہو تو معذرت۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

سحر

ام طلحہ آپ کی بات صحیح ہے
میں آپ کی اس بات سے متفق نہیں کہ ہم حضور اکرمصلی اللہ علیہ وسلم کی طرح عمل نہیں کرسکتے ۔ حضور اکرم صلی اللہ علیہ وسلم کی زندگی ہمارے عمل کے لیے ہی ہے ۔ صرف کتابوں میں پڑھنے کے لیے نہیں ۔
ہم اپنے گناہوں کی وجہ اسلام کے کسی اصول کو نہیں دے سکتے ۔
آپ نے جو مسئلہ بیان کیا اس میں صرف بغیر کسی وجہ کہ طلاق دینا ہی غلط نہیں ہے
ہمارے یہاں ماں باپ کا اپنے بچوں کی مرضی کے بغیر شادی کرنا بھی غلط ہے
ان خاتون کا ان کے والدین کا شادی نہ کرنا کسی بھی وجہ سے بھی غلط ہے
میں اس کی مثال دوں گی ، میرے ابو کا انتقال ہو ا ۔ اس وقت ہم سب بہن بھائی چھوٹے تھے ۔ صرف میری بڑی بہن ڈاکٹر تھی اور کماتی تھی ۔ سب نے امی کو مشورہ دیا کہ اپنی بیٹی کی اس وقت تک شادی نہ کرو جب تک تمھارے بیٹے کمانے کے قابل نہ ہوجائیں
لیکن میری امی نے کہا کہ میں اپنے اور باقی بچوں کے لیے اپنی بیٹی قربان نہیں کرسکتی ۔ اور اس کی عمر نکل گئی تو اس کی شادی نہیں ہو سکے گی ۔ اور ان حالات میں بھی امی نے میری بڑی بہن کی شادی کی
ہم سب بہن بھائیوں نے ٹیوشن پڑھا کر گزارا کیا اور اپنی پڑھائی مکمل کی ۔

اللہ پر بھروسہ ہو تو ہر طرح کے حالات کا مقابلہ کیا جاسکتا ہے ۔

فیصل ناصر

آپ کی طویل تحریروں کے تو ہمیشہ سے منتظر ہیں اور رہا تلخی تو آپ کو سات خون معاف ہیں اس لئے بے فکر ہوکر لکھے جایا کریں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

muhammad asif virani

حقوقِ نسواں کا علمبردار شاہ جی90

muhammad asif virani

آپ جیسی سوچ آجکل مفقودھے یہاں تویہ حال ھے سوکن یا سوتن(دونوں مستعمِل ھیں)کانام سنتےھی پہلی گھروالی کوغشی کےدورے پڑناشروع ھوجاتےھیں اِسی لئیےشایدمردوں میں چھپکردوسری شادی کرنےکارجحان جنم لےرہاھے۔

__________________
شائد کہ تِرےدل میں اترجائےمِری بات!

شاہ جی 90

ام طلحہ بہن جو میں کہنا چاہتا تھا وہی آپ نے کہا ہے ۔ اللہ آپ کو بہت سی خوشیاں عطا کرے آمین

شاہ جی 90

ہم اس جذبے کی قدر کرتے ہیں ہم یہ بھی کہتے ہیں کہ بچے شادی کی عمر کو ہنچ جائیں تو ان کی شادی جلد از جلد کر سینی چاہئیے ۔ لیکن کیا بچی کی شادی کسی شادی شدہ مرد سے کرنا ضروری ہے؟

شاہ جی 90

آپ بھی بن جائیے نا آپ کو ڈاکٹر نے پرہیز تو نہیں بتایا خواتین کے حق میں بولنے کو

شاہ جی 90

مجھے سمجھہ نہیں آتی کہ ایک شادی کے بعد لوگوں کو ایک بیوی کے ہوتے ہوے دوسری کی ضرورت ہی کیوں پڑتی ہے ، جو وہ چھپ چھپ کے شادیاں کرتے پھرتے ہیں