یہ تو ہم سب پاکستانی جانتے ہیں کہ دہشت گردی ہمارے معاشرے کا ناسور بن چکی ہے۔ اہم تنصیبات ہوں یا اہم شخصیات، پبلک مقامات ہوں یا اجتماعات، مسجد ہو یا سکول، گھر ہو یا دفتر کوئی جگہ محفوظ نہیں رہی۔ دہشت گردی کے نتیجے میں ہزاروں بے گناہ افراد جن میں مرد، خواتین اور بچے شامل ہیں اب تک اپنی زندگیوں سے ہاتھ دھو بیٹھے ہیں۔ مارنے والے کو معلوم نہیں کہ وہ کس کو مار رہا ہے اور نہ ہی مرنے والے کو علم ہے وہ کس جرم کی پاداش میں مرا۔ دہشت گرد جب چاہیں جہاں چاہیں دھما کہ کر دیتے ہیں اور کتنے ہی گھروں میں قیامت سے پہلے قیامت کا سماں پیدا کر دیتے ہیں۔ مرنے والوں کے اقربا کی چیخ و پکار، آہ و زاری اور بہتے آنسوئوں کا منظر کسی قیامت سے کم نہیں ہوتا۔ یہ قیامتیں گزشتہ کئی سالوں سے ہمارے معاشرے میں دیکھی جا رہی‌ہیں اور اللہ جانے کب تک دیکھی جائیں گی۔

کیا یہ ہمارا مقدر بن چکا ہے یا اس کے سد باب اور روک تھام کی کوئی تدبیر ہمارے اعلیٰ دماغ حضرات کے بس سے باہر ہے جس کے باعث یہ مسئلہ نہ حل ہونے والے مسائل کی فہرست میں شامل ہوچکا ہے؟

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.