السلام علیکم،

رسم اور رویات کیسے جنم لیتے ہیں اس سلسلے میں سائنسدانوں نے ایک تجربہ کیا

پانچ بندروں کو ایک پنجرہ میں بند کیا گیا۔ اس پنجرے میں ایک سیڑھی رکھی گئ جس کے اوپر کچھ کیلے رکھ دیئے گئے۔

جب کوئی بندر کیلوں کے لالچ میں سیڑھی پر چڑھنا شروع کرتا، سائنسدان، اس پر ٹھنڈے پانی کی بوچھاڑ کر دیتے۔

اس کے بعد سے جب بھی کوئی بندر سیڑھی پر چڑھنے کی کوشش کرتا تو کمرے میں موجود بندر اس کو کھینچ لیتے تاکہ اس پر پانی نہ پڑے۔

اس طرح کیلوں کے لالچ کے باوجود، کسی بندر کو ہمت نہیں ہوئی کہ وہ سیڑھی پر چڑھ سکے۔

کچھ عرصے بعد سائنسدانوں نے فیصلہ کیا کہ پنجرے میں ایک بندر کع بدل دیا جائے۔ ایک نیا بندر پنجرے میں داخل کیا گیا جس نےآتے ہی سیڑھی پر چڑھ کر کیلے کھانے کی کوشش کی۔ پنجرے میں موجود چار پرانے بندروں نے اسے مار مار کر سیڑھی سے گرا دیا۔کئی دفعہ پٹنے کے بعد نئے آنے والے بندر نے سوچا کہ وہ کبھی بھی سیڑھی کی طرف نہیں جائے گا، مزے کی بات یہ تھی کہ اسے یہ معلوم نہیں تھا کہ کہ ایسا کیوں ہے اور اس کی پٹائی کیوں ہوتی ہے۔

اس کے بعد سائنسدانوں نے دوسے بندر کو تبدیل کیا، اس کا حشر بھی یہی ہوا۔ دوسرے کے بعد تیسرا اور تیسرے کے بعد چوتھا، سب کا حشر ایک سا ہوا۔ سارے پرانے بندر نئے بندروں‌سے تبدیل ہوگئے لیکن، سیڑھی پر کیلوں کیلیئے کوئی نہ چڑھ سکا۔

اب پینجرے میں صرف نئے بندر تھے جن پر کبھی بارش نہیں‌برسائی گئی لیکن پھر بھی وہ سیڑھی پر چڑھنے والے بندر کی پٹائی کرتے تھے۔

اگر یہ ممکمن ہوتا کہ بندروں سے پوچھا جائے کہ تم سیڑھی پر چڑھنے والے کی پٹائی کیوں کرتے ہو؟ تو شرطیہ ان کا جواب ہوتا کہ "مجھے معلوم نہیں"، ہم نے تو سب کو ایسا کرتے دیکھا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔

کیا خیال ہے، یہ جملہ خاصا مانوس نہیں لگ رہا ؟؟؟

والسلام

طاہر