سال انیس سو گیارہ 1911

سال انیس سو گیارہ 1911 · 02-01-11, 11:47 PM

انیس سو گیارہ 1911 اس دنیا کے لیے خاصا اہم تھا۔

چین میں قوم پرستوں کے ہاتھوں ڈھائی ہزار برس پرانی بادشاہت کا خاتمہ ہوا۔

میکسیکو میں بھی قوم پرست انقلاب آیا۔

اٹلی نے یورپ کے مردِ بیمار ترکی کے عثمانیوں سے طرابلس ( لیبیا) چھین لیا اور یہ شکست سلطنتِ عثمانیہ کے باضابطہ زوال کی پہلی گھنٹی بجا گئی۔

قطبِ جنوبی پر پہلی سائنسی مہم پہنچی۔

کوئلے کے بجائے ڈیزل سے چلنے والا پہلا بحری جہاز ڈنمارک کے سمندر میں اتارا گیا۔

ہالینڈ میں ہائک کمیرلنگ اونز نے سپر کنڈکٹوٹی دریافت کی جس نے بیسویں صدی کو پر لگا دیئے۔

پہلی شیورلٹ گاڑی مارکیٹ میں آئی اور آٹو موبیل انڈسٹری پر فورڈ کی اجارہ داری ختم ہوگئی۔

انسائیکلو پیڈیا برٹانیکا شائع ہوا۔پہلی مرتبہ عالمی یومِ خواتین منایا گیا۔

جنگلی حیاتیات و نباتات کے تحفظ کے لئے پہلا نیشنل پارک کینیڈا میں قائم کیا گیا ۔

انیس سو گیارہ میں سولہ ایسے لوگ بھی پیدا ہوئے جنہوں نے مختلف شعبوں میں آگے چل کر نوبیل انعامات حاصل کئے۔

عالمی ادب کے لیے بھی انیس سو گیارہ خاصا اہم تھا۔

امریکہ میں ڈرامہ نگار ٹینسی ولیمز، مصر میں نوبیل انعام یافتہ ناول نگار نجیب محفوظ اور ہندوستان میں اردو کے اہم شاعر فیض احمد فیض نے جنم لیا۔

برطانوی ہند کا دارلحکومت کلکتہ سے دہلی منتقل کیا گیا۔

جارج پنجم پہلے برطانوی بادشاہ تھے جنہوں نے ہندوستان کی سرزمین پر قدم رکھا۔

آخری نظام آف حیدرآباد میر عثمان علی خان کی تاجپوشی ہوئی۔ انہوں نے علما و فضلا اور اردو کی خاصی خدمت کی۔

مولانا محمد علی جوہر نے اردو ہفت روزہ ہمدرد اور انگریزی ہفت روزہ کامریڈ کی اشاعت شروع کی۔ دونوں رسالوں نے انگریز راج کے خلاف آگہی بڑھانے میں اہم کردار ادا کیا۔

اردو کا پہلا ٹائپ رائٹر بنا۔

ہندوستان میں پہلا سٹیل ملز ٹاٹا فیملی نے جمشید پور بہار میں لگایا جس سے ملک میں جدید صنعت کاری کی بنیاد پڑی۔

ہندوستان میں پہلا ہوائی جہاز الہ آباد سے نینی تک اڑایا گیا۔ یہ پرواز صرف تیرہ کلومیٹر کی تھی اور اسی پرواز سے پہلی ہوائی ڈاک بھی بھیجی گئی۔

اور انیس سوگیارہ کے آخری دنوں میں رابندر ناتھ ٹیگور کی ترتیب دی گئی دھن میں ’جن من گن ادھ نائک جے ہے‘ گایا گیا۔یہ گیت تینتیس برس بعد بھارت کا قومی ترانہ بن گیا۔

آج دو ہزار گیارہ 2011 کی کھڑکی میں بیٹھ کر انیس سو گیارہ 1911 کی دنیا بہت اچھی لگ رہی ہے۔ لیکن اب سے سو برس بعد اکیس سوگیارہ 2111 میں میری طرح کا ہی کوئی خواب گزیدہ بے وقوف کیا یہ لکھ پائے گا کہ

"دو ہزار گیارہ انسانی تاریخ کے اہم ترین برسوں میں شمار ہوتا ہے۔"

اس سال شمسی توانائی سے بڑے پیمانے پر بجلی تیار ہونی شروع ہوئی۔

پٹرول کے بجائے پانی سے چلنے والی گاڑی نے آٹوموبیل کی صنعت میں انقلاب برپا کر دیا۔

پہلی دفعہ گندم اور چاول کا ایسا بیج متعارف کروایا گیا کہ ایک ایکڑ سے ہزار من فصل اترنے لگی۔

ٹیلی مواصلات میں انقلاب آنے کے سبب پہلی مرتبہ ٹیلی یونیورسٹیوں کی تعداد روایتی یونیورسٹیوں سے زیادہ ہوگئی ۔

دو ہزار گیارہ میں آخری سیاسی قیدی بھی آزاد ہوگیا، یہ کوئی ایرانی تھا۔

تمام ایٹمی ممالک نے اپنے ہتھیار اقوامِ متحدہ کے حوالے کردیئے اس کے بدلے پہلی مرتبہ ہر ملک کو غیر فوجی سرگرمیوں کے لیے جوہری ایندھن سے استفادے کا حق مل گیا۔

یورپی یونین کے ایک بڑی اشاعتی ادارے نے پہلا ایسا سافٹ وئیر بنایا جس کی مدد سے دنیا کی پچاس بڑی زبانوں میں سے کسی ایک میں شائع ہونے والی کوئی بھی کتاب ایک ہفتے کے اندر باقی زبانوں میں بھی شائع ہو سکتی تھی۔

اس سال پہلی مرتبہ ایک عالمی کانفرنس میں اتفاق کیا گیا کہ اگلے پانچ برس کے دوران جو ملک بھی اپنے قومی بجٹ کا پچاس فیصد صحت ، تعلیم ، رہائش اور روزگار کے لیے وقف نہیں کرے گا اور اپنی مسلح افواج میں پچاس فیصد کی کٹوتی نہیں کرے گا۔اس کا اقتصادی و سفارتی بائیکاٹ کردیا جائے گا۔

آج 2011 میں جب ہم ماحولیاتی آلودگی سے پاک دنیا میں زندہ ہیں۔ ہر شخص کو چھت ، تعلیم ، صحت اور امن کی یکساں سہولت میسر ہے تو اس کے لئے ہمیں دو ہزار گیارہ کا شکر گذار ہونا چاہئیے جب ہمارے بزرگوں نے ایک سو برس پہلے انسانی تاریخ میں پہلی مرتبہ ایک فلاحی دنیا کی بنیاد رکھنے کی سنجیدہ کوشش کی۔’

دو ہزار گیارہ 2011 کی دنیا میں ایسے خواب دیکھنا خود کو پاگل پن کے سرٹیفکیٹ کا اہل قرار دلوانا ہے۔ لیکن جب تک ہم اس دیوانے پن کو عملی شکل دینے میں شامل نہیں ہوتے تب تک ہر برس ہیپی نیو ائر کی ہاؤ ہو سے کیا حاصل !

**فیصل ناصر** · 03-01-11, 12:36 AM

اقتباس:

پٹرول کے بجائے پانی سے چلنے والی گاڑی نے آٹوموبیل کی صنعت میں انقلاب برپا کر دیا۔

کہیں الٹا تو نہیں لکھ گئے ؟؟
کچھ یوں ہونا چاہئے میرے خیال سے
پانی جگہ پٹرول سے چلنے والی گاڑی نے آٹوموبیل کی صنعت میں انقلاب برپا کر دیا۔

**کنعان** · 03-01-11, 01:48 AM

اقتباس:

Petrol instead of water running in the car industry revolution has atumubyl

پٹرول کے بجائے پانی سے چلنے والی گاڑی نے آٹوموبیل کی صنعت میں انقلاب برپا کر دیا۔

السلام علیکم

اس انگلش کا ترجمہ تو اردو میں یہی بنتا ھے، آپ نے بھی جیسا لکھا تو دونوں طریقوں سے ناممکن ھے کیونکہ کار نہ پیٹرول کی بجائے پانی اور نہ پانی کی بجائے پیٹرول۔

سٹیم انجن ضرور ہو سکتا ھے۔ یا ہو سکتا ھے پانی سے چلنے والی کار بنائی گئی ہو اور پھر اسے کسی وجہ سے بند کر دیا گیا ہو یا ہو سکتا ھے کہ ٹائپنگ ایرر ہو مگر تحریر نکل کی گئی ھے اس لئے اس کو کیسے بدلوں۔

والسلام

**فیصل ناصر** · 03-01-11, 01:56 AM

اس کا مطلب ہے غلطیاں بی بی سی بھی کرتا ہے

**کنعان** · 03-01-11, 02:12 AM

السلام علیکم!

اگر میں نے یہ تحریر بی۔بی۔سی سے نقل کی ہوتی تو ضرور اس کا حوالہ بھی دیتا مگر یہ تحریر کسی نے میل میں بھیجی تھی اچھی لگی اسی لئے اسے پیش کر دیا اور آپ کے اشارہ سے اب چیک کیا تو یہ بی۔بی۔سی سے ہی سینٹ کی گئی ھے۔

والسلام

**عبدالقدوس** · 03-01-11, 06:41 AM

اقتباس:

اصل مراسلہ منجانب : کنعان

سٹیم انجن ضرور ہو سکتا ھے۔ یا ہو سکتا ھے پانی سے چلنے والی کار بنائی گئی ہو اور پھر اسے کسی وجہ سے بند کر دیا گیا ہو یا ہو سکتا ھے کہ ٹائپنگ ایرر ہو مگر تحریر نکل کی گئی ھے اس لئے اس کو کیسے بدلوں۔

والسلام

کافی پرانی بات ہے

**عبدالقدوس** · 03-01-11, 06:42 AM

YouTube - car using water as fuel

**محمدمبشرعلی** · 03-01-11, 05:58 PM

اقتباس:

اصل مراسلہ منجانب : عبدالقدوس

کافی پرانی بات ہے

اس کی خامیاں کیا تھیں جسکی وجہ سے یہ رہ گئی۔ ۔ ۔ ۔

**کنعان** · 03-01-11, 06:03 PM

اقتباس:

اصل مراسلہ منجانب : محمدمبشرعلی

اس کی خامیاں کیا تھیں جسکی وجہ سے یہ رہ گئی۔ ۔ ۔ ۔

خامیاں یہ ہو سکتی ہیں کہ سرد ممالک میں پانی جم جاتا ھے جس سے انجن نہیں چل سکتا۔

**عبدالقدوس** · 03-01-11, 07:58 PM

اقتباس:

اصل مراسلہ منجانب : کنعان

خامیاں یہ ہو سکتی ہیں کہ سرد ممالک میں پانی جم جاتا ھے جس سے انجن نہیں چل سکتا۔

کیا پٹرول نہیں جمتا؟؟ ویسے میرے اندازے کے مطابق تو ڈیزل نہیں جم سکتا شاید

**عبدالقدوس** · 03-01-11, 08:00 PM

اقتباس:

اصل مراسلہ منجانب : محمدمبشرعلی

اس کی خامیاں کیا تھیں جسکی وجہ سے یہ رہ گئی۔ ۔ ۔ ۔

جاپان کی ایک بڑی کمپنی نے لینڈ کروزر چلا کردیکھائی ہے اور انکی کوشش ہے کہ 2012 میں غالباً اس کو مارکیٹ میں لایا جائے۔۔۔ یوٹیوب پر ویڈیو بھی تھی لیکن اب میں بھول گیا ہوں کس نام سے تھی لیکن جیو پر دیکھنے کے بعد یوٹیوب پر سرچ کیا تھا اسے

**عروج** · 04-01-11, 08:41 AM

کنعان بھیا بڑی زبر دست خبریں دی جارھی ھیں آجکا پاک نیٹ پر۔

03-01-11, 01:56 AM	#4
فیصل ناصر Senior Member تاریخ شمولیت: Dec 2007 مقام: کراچی مراسلات: 17,523 کمائي: 298,195 شکریہ: 36,134 13,828 مراسلہ میں 40,302 بارشکریہ ادا کیا گیا	اس کا مطلب ہے غلطیاں بی بی سی بھی کرتا ہے Share Share this post on Digg Del.icio.us Technorati Twitter Facebook!

03-01-11, 02:12 AM	#5
کنعان ذیلی ناظم تاریخ شمولیت: Jun 2009 مقام: ENGLAND مراسلات: 5,511 کمائي: 118,807 شکریہ: 13,535 4,915 مراسلہ میں 16,722 بارشکریہ ادا کیا گیا	السلام علیکم! اگر میں نے یہ تحریر بی۔بی۔سی سے نقل کی ہوتی تو ضرور اس کا حوالہ بھی دیتا مگر یہ تحریر کسی نے میل میں بھیجی تھی اچھی لگی اسی لئے اسے پیش کر دیا اور آپ کے اشارہ سے اب چیک کیا تو یہ بی۔بی۔سی سے ہی سینٹ کی گئی ھے۔ والسلام Share Share this post on Digg Del.icio.us Technorati Twitter Facebook!

03-01-11, 06:42 AM	#7
عبدالقدوس Administrator تاریخ شمولیت: May 2007 مقام: گوگل عمر: 24 مراسلات: 25,294 کمائي: 2,346,385 شکریہ: 18,821 12,630 مراسلہ میں 29,420 بارشکریہ ادا کیا گیا	YouTube - car using water as fuel Share Share this post on Digg Del.icio.us Technorati Twitter Facebook!

04-01-11, 08:41 AM	#12
عروج Senior Member تاریخ شمولیت: Aug 2010 مقام: islamabad عمر: 40 مراسلات: 3,708 کمائي: 43,221 شکریہ: 11,479 2,270 مراسلہ میں 5,225 بارشکریہ ادا کیا گیا	کنعان بھیا بڑی زبر دست خبریں دی جارھی ھیں آجکا پاک نیٹ پر۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)

Similar Threads
موضوع	موضوع شروع کیا	فورم	جوابات	آخری مراسلہ
نشئی بیوروکریٹ نے پولیس کو جوتے مار کر ایس ایس پی سندھ بدر کرا دیا	جاویداسد	خبریں	2	25-02-12 06:59 AM
پنجاب میں گیس کی لو ڈشیڈنگ سو چی سمجھی سکیم کے تحت کی جارہی ہے :شہباز شریف	جاویداسد	خبریں	0	15-12-10 07:12 PM
پندرہ فیصد ریفا ر مڈ جی ایس ٹی کا مسو دہ منظور	جاویداسد	خبریں	0	26-10-10 11:44 PM
بندہ ہے یا جِن سو میٹر کی ریس 9.58 سیکنڈ میں	Real_Light	کھیل اور کھلاڑی	1	13-10-09 07:24 PM
دفعہ ایک سو چوالیس یا ۔ ۔ ۔	شازل	سیاست	6	17-03-09 01:33 PM