ہم میں سے بیشتر افراد سردرد کی شکایات میں مبتلا رہتے ہیں۔ خواہ سردرد کی وجہ کوئی بھی ہو اس کی وجہ سے ہماری روز مرہ روٹین بری طرح متاثر ہو جاتی ہے۔ سردرد کو دو حصوں میں تقسیم کیا گیا ہے۔ پرائمری اقور سیکنڈری سردرد۔ پرائمری سردرد بذات خود ایک درد ہے جس کی وجہ کوئی اور صحت یا ہیلتھ کے مسائل نہیں بنتے جبکہ سیکنڈری سردرد کسی نہ کسی جسمانی پرابلم کی وجہ سے ہوتا ہے مثلاً سر کی چوٹ' ٹیومر' شریانوں کے مسائل' کسی دوا کے ردعمل کے طور پر ہونے والے سردرد سیکنڈری ہوتے ہیں۔ سردرد کی بہت سی اقسام میں بعض اوقات ان کی علامات سیریس صورت اختیار کر لیتی ہیں۔ اگرچہ ادویات یا ڈاکٹرز سے رجوع کرنا سردرد میں کمی کا سبب بنتا ہے لیکن اگر یہ درد ورزش کرنے سے ہو' سر میں چوٹ لگنے سے' یادداشت کی کمزوری کی علامت یا غنودگی طاری رہے تو فوراً اس کا علاج کرانا چاہئے تاکہ کسی سیریس کنڈیشن کی نوبت نہ آئے۔ اس مضمون میں ہم سردرد کرنے کیلئے میڈیکل کی رو سے مختلف طریقہ علاج کا ذکر کر رہے ہیں جو کسی بھی قسم کے سردرد میں یکساں مفید و معاون ثابت ہو سکتے ہیں۔
آکوپریشر:
کیلی فورنیا کے آکو پریشر انسٹی ٹیوٹ کے ڈائریکٹر مائیکل ریڈ گیچ کے مطابق آکو پریشر طریقہ علاج سے نہ صرف سردرد بلکہ گردن کے درد سے بھی نجات ملتی ہے۔ اس طریقے میں معالج دونوں ہاتھوں کے انگوٹھوں کو گردن کے درمیانی حصے میں رکھ کر ایک دائرے کی صورت میں انگوٹھے پریس کرتا ہے جس سے بہت جلد مریض کو سکون حاصل ہوتا ہے۔
اروماتھراپی:
خوشبو کے ذریعے یا اروماتھراپی سے بھی سردرد میں کمی واقع ہو سکتی ہے ۔دھنیے کا تیل سردرد سے نجات دلا سکتا ہے ۔تیل کی خوشبو سونگھنے' ناک میں چند قطرے ڈالنے یا کانوں کے پچھلے حصے میں تیل لگانے سے درد دور ہو جاتا ہے۔
ہائیڈرو تھراپی:
سردردکا بہترین معالج یا علاج پانی ہے جتنا زیادہ پانی پیا جائے گا اتنا ہی صحت کیلئے مفید ہوگا ۔پانی کے استعمال سے خون کے بہائو میں کسی قسم کی رکاوٹ نہیں ہوتی اور خون کا دورانیہ مسلسل برقرار رہتا ہے۔ پورٹ لینڈ کے نیچرو پیتھک میڈیسن کے کالج کے فزیشن پروفیسر ٹوری ہڈسن کے مطابق سردرد کی صورت میں نیم گرم پانی میں پائوں ٹخنوں تک ڈبوئیں اور ماتھے پر برف کا ٹکڑا رکھیں کچھ دیر یونہی بیٹھے رہیں۔ یہ علاج بہت متاثر کن ثابت ہوگا اور سردرد سے نجات ملے گی۔
یوگا:
یوگا سے نہ صرف سردرد میں آرام ملتا ہے بلکہ جسمانی صحت بھی متاثر ہوتی ہے ۔اس لئے اپنی روز مرہ زندگی کی روٹین میں سے کچھ وقت یوگا کیلئے نکالیں۔
فوڈ تھراپی:
نیو انگلینڈ سنٹر آف Headache کے ڈائریکٹر فریڈ شیفٹیل نے سردرد میں مبتلا رہنے والے افراد کو تجویز کیا ہے کہ سردرد کی صورت میں ایک کپ کافی پئیں تاکہ اس میں پائی جانے والی کیفین سے خون کی شریانیں کھلی ہو جائیں اور خون کا بہائو تیز ہو۔
تصوراتی علاج:
تصورات انسان کو سکون فراہم کرتے ہیں ۔خصوصاً جب سردرد میں مبتلا انسان یہ تصوّر کرے کہ اس کے تمام اعصاب یا مسلز خواہ وہ گردن کے ہیں یا سر کے ایک لمحے کیلئے سپرنگ کی طرح Tight اور Loose ہو رہے ہیں اس عمل کو ہر گھنٹے بعد تقریباً 30 سیکنڈ تک دہراتے رہنے سے مسلز Relax ہو جائیں گے اور درد ختم ہو جائے گا۔
مساج تھراپی:
امریکن مساج تھراپی ایسوسی ایشن کے صدر ایلیئٹ گرین سردرد رفع کرنے کیلئے مساج سے علاج کو ترجیح دیتے ہیں۔ ان کے مطابق انگلیوں کی مدد سے ماتھے' کھوپڑی کا ایک دائرے کی صورت میں مساج کریں ۔گردن کے پچھلے حصے پربھی Rub کرنے سے سکون ملے گا۔ سردرد کی صورت میں دائیں ہاتھ سے بائیں کندھے پر مساج کرنے اور بائیں ہاتھ سے دائیں کندھے کا مساج کرنے سے بھی افاقہ ہوتا ہے۔
جوس تھراپی:
کیلی فورنیا کے ایک ڈاکٹر ایوکمپینالی کی نظر میں سردرد کی بہت عام وجہ قبض کا رہنا اور جگر کی خرابی ہوتی ہے۔ اس مقصد کیلئے مختلف قسم کے جوس کا استعمال سردرد سے نجات دلانے کا ذریعہ بنتے ہیں ۔ایک اونس پالک کے جوس میں 8 اونس سیب کا جوس مکس کر کے دن میں دو مرتبہ استعمال کریں۔ جگر کی بہتر کارکردگی کے لئے 8 اونس گاجر کے جوس میں 11 اونس چقندر کا جوس پئیں۔ یہ جسم سے غیر صحتمند Toxins باہر نکلانے کا بہترین طریقہ ہے۔
ہربل طریقہ علاج:
ورمونت کے نیچروپیتھک کلینک کے ڈائریکٹر اور فزیشن میری بو سردرد کے مریضوں کو اپنی تیار کردہ ہربل چائے پینے کا مشورہ دیتے ہیں۔ خشک ہربل جن میں wintergreen' Willowbak اور Meadousweet شامل ہو انہیں پائوڈر کی صورت میں ابلتے ہوئے پانی میں شامل کر کے 10 منٹ تک پکائیں ٹھنڈا ہونے پر پی لیں۔
آئیورویدک طریقہ علاج:
آئیورویدک میں سردرد کی مختلف اقسام کا علاج مختلف طریقوں سے کیا جاتا ہے ۔نیو میکسیکو کے آئیورو یدک انسٹیٹیوٹ کے ڈائریکٹر وسانت لیڈ کے مطابق ڈی ہائیڈریشن کی وجہ سے ہونے والے سردرد یعنی Vate سردرد کی صورت میں کھوپڑی اور پائوں کے تلوئوں میں Seasame آئل کا مساج گردن' کندھوں اور کمر کے اوپر والے حصے پر کرنے سے سکون میسر آتا ہے۔ فلو یا نزلے کی وجہ سے ہونے والے سردرد میں آنکھوں کے پچھلے حصے میں درد ہوتا ہے اور غنودگی طاری رہتی ہے۔ ایسی صورت میں صندل کی لکڑی کا پیسٹ ماتھے پر لگانے سے آرام ملتا ہے۔ بعض اوقات معدے کے مسائل سے جڑا سردرد کچھ میٹھا کھانے سے دور ہو جاتا ہے ۔اگر آپ کو بہار یا سردیوں کے موسم میں سردرد محسوس ہو جس کے ساتھ کسی الرجی یا بخار کی علامات بھی ظاہر ہوں تو ایک چائے کا چمچ ادرک کا سفوف' لونگ پسا ہوا چٹکی بھر اور ایک چائے کا چمچ دار چینی کو ایک کپ پانی میں ابال کر چھان لیں اور اسے پی لیں بہت جلد سر کا درد دور ہو جائے گا۔



بشکریہ مرحبا صحت