نماز جمعہ کی ادائیگی کے بعد میں گھر آ کر بیٹھا نہیں بس سائیکل لیا اور ملتان روڈ پر پہنچ گیا۔تارکول سے بنی مضبوط اور پائیدار سڑک پر سائیکل جیسے چل نہیں پھسل ریا تھا۔خوشگوار موسم پیاری ہوا کا لطف اٹھاتے ہوۓ میں ادھر اُدھر دیکھتے ہوۓ سائیکل بھگاۓ جا رہا تھا۔
نۓ زیر تعمیر تھانہ فتح پور مسجد فیضان مدینہ کمپیوٹرایز کنڈا اور بچیوں کے کالج کے قریب سے گزرتا ہوا میں داسو نہر پر پہنچ گیا۔
سبحان اللہ کیا خوب صورت منظر ہے۔نہرکنارے دور دور تک درخت نظر آ رہے ہیں۔گھاس قالین کی طرح بچھا پڑا ہے۔ نہر میں پانی آہستہ آہتہ رواں دواں ہے۔پرندوں کا چہچہانا اور ہوا سے درختوں کے پتوں کا لہرانا بہت بھلا محسوس ہوتا ہے۔
میں نہر کے ساتھ ساتھ سائیکل چلاتے اس جگہ پہنچتا ہوں جہاں ایک سے دو نہریں بنتی ہیں۔ان دونوں پر پل بنا ہوا ہے۔قریب ہی بڑے بڑے درخت سر اٹھاۓ کھڑے ہیں۔پانی کا شور گونج رہا ہے۔میں کچھ دیر ان مناظر سے لطف اندوز ہو کر واپس گھر آ جاتا ہوں۔