پل صراط کا سفر

سب سے پہلے تو پاک نیٹ انتظامیہ کا شکریہ جنہوں مجھ پر اعتماد کیا اور پاک نیٹ کے اسلامی سیکشن کی نظامت کی ذمہ داری مجھ کو دی

پاک نیٹ سے میری محبت تو خیر سے من تو شدم و تو من شدی والے سٹیج تک پہنچ چکی ہے لیکن میری سوچ کی پرواز کبھی اسلامی سیکشن کی نظامت تک نہیں پہنچی

یقینا اس میں میرے رب کی طرف سے کوئی امتحان ہے
اللہ سے دعا ہے کے وہ مجھے اس امتحان میں سر خرو کرے


اپنی کم علمی کا اعتراف کرتے ہوئے مجھے یہ کہنے میں کوئی عار نہیں کے میں اسلامی سیکشن میں حصہ لینے والے تمام ممبران میں سب سے کم علم ہوں لیکن میں اپنا شمار ان طالبعلموں میں ضرور کرنا چاہونگا جو اس سیکشن سے کچھ سیکھنے کا جذبہ رکھتے ہیں
عبداللہ حیدر جیسے اسلامی علوم پردسترس رکھنے والے اور کنعان بھائی جیسے جہاندیدہ ناظمین کا سیکشن میں ساتھ ہونا میرے لئے باعث اعتماد ہے

مجھے امید ہے سیکشن کو بہتر انداز میں چلانے کے لئے تمام ممبران کا تعاون ہمارے ساتھ ہوگا

ہم سب مل جل کر کوشش کریں گے پاک نیٹ کے پلیٹ فارم سے ایک عام آدمی کو دین کے بارے میں بہترین آگاہی میسر آسکے اور دین کے ہر پہلو کو روشناس کرایا جاسکے
اس توقع کے ساتھ کے ہم اختلاف کو اسکی حدوں تک محدود رکھ کر آپسی محبت و احترم میں کوئی کمی نا آنے دینگے
اس یقین کے ساتھ
"ہدایت تو بس اللہ ہی دینے والا ہے "


کل طاہر القادری صاحب اپنے ایک بیان میں فرما رہے تھے
“ علم اور ادب کا آپس میں رشتہ آٹے اور نمک جیسا ہے ۔ آٹے جتنا ادب سیکھو گے تو نمک جتنا علم حاصل ہوگا “


آپ کی دعاؤں کا طلبگار

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں