پاکستانی لڑکی

عید کے دن میں نے آغاز رونے سے کیا، کیونکہ میری مہندی نہیں لگی تھی!
پھر امی نے دلاسہ دے کر خاموش کروایا کہ کوئی بات نہیں ابھی لگا لو، پھر میں نے مہندی لگائی۔۔۔
تیار ہوئی! اور پھر سب کو فون کر کے عید کی مبارک دی۔۔۔
اسکے بعد اپنے انکل کے گھر چلی گئی اور رات تک وہیں رہی!

اخترحسین

السلام علیکم

میں نے عید کے دن کا آغاز نماز فجر سے کیا

پھر کچھ دیر پاک نیٹ کا دیدار کیا

پھر غسل کرکے نئے کپڑے پہنے

پھر سینڈوچ کے ساتھ ناشتہ کیا

پھر اپنے بیٹے کو ساتھ لیکر بڑے بھائی کے پاس گیا اور ان کو ساتھ لیکر عید گاہ پہنچا

عید گاہ کے باھر پہلے الرحمت ٹرسٹ کے نمائندے کو فطرہ ادا کیا

پھر دوسری صف میں جگہ ملنے پر وہاں بیٹھ کر مولانا صاحب کا واعض سنا

جب جماعت کھڑی ھوئی تو مجھ کو اگلی یعنی پہلی صف میں جگہ مل گئی

جس پر میں نے اللہ کا شکر ادا کیا

خطبہ سننے کے بعد بے شمار مسلمانوں سے گلے مل مل کر دل خوش ھوگیا

کھر آکر سب سے پہلے اپنی ماں سے گلے مل کر خوب اچھی طرح عید کی مبارک دی اور ماں کا پیار لیا

پھر وہ ھوا جو ھر عید پر ھوتا ھے

ھر عید کی طرح اس عید پر بھی سارے محلے کے پیارے پیارے بچے رنگ برنگے کپڑوں میں ملبوس میرے گھر کا طواف کرنے لگے

گھر میں بچوں کی ریل پیل ھو گئی

کوئی اندازے کے مطابق 70 یا 80 بچے آئے

ارے آپ سوچ رھے ھوں گے کہ اتنے بچے کیو میرے گھر آتے ھیں

تو جناب


میری ماں ان تمام بچوں میں عیدی تقسیم کرتی ھیں جو عید کے دن میری ماں سے عید ملنے اور پیار لینے آتے ہیں

آپ یقین مانیں جب پیارے پیارے معصوم بچے میرے گھر آتے ہیں اور خوش خوش گھر سے رخصت ھوتے ہیں تو میری ماں اور میرے دل میں ٹھنڈک پڑ جاتی ھے

بس آج عید کے دن کی یہ سب سے اہم کاروائی ھے

اس کے بعد شام میرا بڑا بھائی ماں اور مجھ سے ملنے آیا

کھانا ہمارے ساتھ کھانے کے بعد ابھی کچھ ٹائم قبل رخصت ھوا

اور میں پھر پاک نیٹ کا دیدار کر رہا ھوں

معظم

السلام علیکم!

صبح بسترے سے اٹھا تو 7 بج رہے تھے ۔۔ نماز کا وقت 8:45 کا تھا تو لاوئنج تک جاتے وہیں ڈھیر ہو گیا۔
پھر 8 بجے ابو کی ڈانٹ کے ساتھ آنکھ کھلی تو فٹافٹ تیار ہو کر سب گھر والوں‌کو لے کر نماز کے لیے نکلا۔ اور ہاں سویاں بھی کھائی۔۔
جو لوگ وہاں موجود تھے ان سے عید ملی اور گھر واپسی کا ارادہ کیا۔ امی کا آرڈر ہوا کے واپسی کے لیے مختلف راستہ استعمال کیا جائے تو جناب گاڑی دوسری طرف بھگا دی ۔۔ تھوڑا دور جا کر احساس ہوا کے مرکزی عید گاہ کے قریب پہنچ گئے ہیں اور وہاں ابھی نمازنہیں ہوئی ، سڑک کے تمام اطراف پارکنگ لگی ہوئی تھی۔۔ اور پولیس کی نفری جابجا دکھائی دے رہی تھی ۔۔ خیر بڑی مشکل سے راستہ بناتا ہوا نکلا اور فراٹے بھرتا ہوا گھر ۔۔۔
پھر ۔۔ تایا ابو سے ملنے والد صاحب کے ساتھ گیا۔ تھوڑی دیر بیٹھ کر واپس آئے ۔ تو گھر پر کچھ مہمان تشریف لائے ۔۔ ان سے ملے ۔۔ تو دوپہر سے کچھ پہلا تایا جی اور کزن کی آمد ہوئی ۔۔ کافی تگڑی بحث چلتی رہی ۔۔ اور پھر چچا کی جانب سے دوپہر کے کھانے کا پیغام آیا۔
وہاں سبھی چچا اور پھوپھو سے ملاقات ہوئی ۔۔ دوپہر کے کھانے کے بعد وہیں لم لیٹ ہو گیا۔۔ آنکھ کھلی تو شام کا وقت ہوا چاہتا تھا۔۔
چائے نوش کر کے گھر کی طرف روانگی ۔۔ اور اس وقت سے کمپیوٹر پر بیٹھا کچھ پنگے کرنے میں مصروف ہوں‌۔۔
اور اب احساس ہوا کے سونا چاہئے ۔۔۔

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

اخترحسین

شکریہ بھائی۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔معظم

شاہ جی 90

چاند رات کو تقریبا تین بجے تک ہم آفس میں تھے ، گھر آ کر کمپیوٹر آن کرنے لگے تو زوجہ محترمہ نے دفعہ 144 کا نفاذ کر دیا ، سو چپکے سے بیڈ‌پر چلے گئے اور آنکھیں بند کر کے سونے کی کوشش فرمانے لگے مقصد یہ تھا کہ کسی طرح بیگم سو جائیں تو پاک نیٹ کا ایک دورہ ہو جائے لیکن توبہ صاحب وہ عورت ہی کیا جو ضد چھوڑ دے ، ان کے سونے کا انتظار کرتے کرتے ہمیں نیند آ گئی اور صبح نماز کے لئیے ہمیں جھنجوڑ جھنجوڑ کر بلکہ توڑ مروڑ کر اٹھایا گیا ، بچوں اور ابو کے ساتھہ نماز کے لئیے گئے ، وہاں کچھہ مومنین نے اس قدر گرم جوشی دکھائی عید ملنے میں کہ ہمیں اپنی پسلیوں کی مضبوطی کا یقین ہو گیا ، پھر انتقاماً ہم نے بھی بازئوں کو عمر رفتہ کی طرح آواز دی اور اس کے بعد جو ہم سے مل رہا تھا اس کے چہرے کا تاثرات دیدنی ہوتے تھے ، خیر گھر آئے ، والدہ سے عید مل کر اور دعائیں لے کر اپنے بچوں کی اماں کی خدمت میں حاضری دی اور عید مبارک کہا ، اس کے بعد کمپیوٹر آن کیا اور ابھی ہمارے پاک نیٹ پر کچھہ ہی منٹ ہوے تھے کہ ابو نے جلدی مچا دی ، جی جناب کم از کم تین عیدوں کے بعد ہمارا گائوں‌جانے کا پروگرام تھا ، گائوں‌میں اپنے دادا ابو ، دادی اماں ، پھپھو ، نانی اماں کے قدموں کو چھو کر عید مبارک کہا کہ وہ اس شہر کے مکین ہیں جہاں نہ بولنے کی سکت نہ جواب دینے کی فرصت ، ان کے لئیے دعا کی اور خدا حافظ کہنے سے پہلے اپنے چھوٹے بھائی کے سرہانے کی جانب بیٹھہ کر چپکے سے کتبے کو چوم لیا ، جی ہاں ہم زندہ رہ جانے والے بے بس و مجبور انسان اپنی محبت کا اظہار ایسے ہی کر سکتے ہیں ، اس کے بعد زمینوں پر گئے جہاں تایا ابو رہائش پزیر ہیں انتہائی محبت سے ملے اور تائی اماں نے بہت پیار سے ہمارا ماتھا چوما ، تو دل کو ایک سکون کا احساس ہوا جو بیان سے باہر ہے ،ہمارے چھوٹے ماموں ہمارے ساتھہ ہی گئے تھے بڑے ماموں سے بھی وہیں ملاقات ہو گئی ان سے بھی دعائیں لیں اور وہاں سے گائوں پہنچے اور چھوٹے چچا اور پھپھو سے عید مل کر گھر واپس آ گئے ہاں اس دوران ہمارا سونی DV مسلسل چلتا رہا ، گھر واپس پہنچے تو بیگم نے باتیں شروع کر دیں اور ہم کہ نیند سے آنکھیں بند ہو رہی تھیں اور پھر وہی ہوا جس کا ڈر تھا یعنی کہ ہم سو گئے ، ایک ڈیڑھ گھنٹے کے بعد بیگم صاحبہ نے جگایا کہ آفس نہیں جانا کیا ، تو ہمیں خیال آیا کہ ہمیں‌تو ایک گھنٹہ پہلے وہاں ہونا چاہئیے تھا ، بھاگم بھاگ آفس پہنچے اور وہاں سے واپسی ساڑھے بارہ بجے رات کو ہوئی ، اب آپ کے سامنے اپنی پیاری سی دنیا میں حاضر ہیں اور سب بہن بھائیوں کو عید مبارک کہتے ہیں ۔

اخترحسین

شاہ جی 90 عید کے دن بھی آفس ؟

شاہ جی 90

جی ہاں ہم ان خوش نصیب لوگوں میں سے ہیں جن کا آفس 24 گھنٹے کھلا رہتا ہے
ہمارے ایک سیاست دان تھے ان کے سپورٹرز میں ایک جولاہا بھی تھا ، جب مشرف نے عوامی حکومت ختم کی تو دوسرے دن ان کے ڈیرے پر سبھی افسوس کرنے اکٹھے ہوے وہ سپورٹر بولا دیکھیں نا سردار صاحب ہماری حکومت چلی گئی اور لوگ اسی طرح کاروبار کر رہے ہیں آج بھی تحصیل بھر کی دوکانیں کھلی تھیں ،
وہ سیاست دان صاحب بولے بازاروں کی کیا بات کرتے ہو دین محمد یہ تو قیامت کے دن بھی کھلے رہیں گے ، راوی کہتا ہے کہ میں نے ان کی عقل پر ماتم کرتے ہوے سبحان اللہ کہا ۔
لیکن ہمارا آفس واقعی کبھی بند نہیں ہوتا۔

فیصل ناصر

لوجی تسی گلاں کرو
اسی چلے آں
رب راکھا !

شاہ جی 90

بھیا اتنی جلدی بھی کیا ہے جانے کی
اللہ آپ کو اپنی حفظ و امان میں رکھے آمین

فیصل ناصر

شاہ جی نیند نے ستایا ہوا ہے

شہزاد وحید

میں نے عید کی نماز پڑھی اور باقی سارا دن سو کر گزارہ

منتظمین

یارا اپ سادک ہو پر بھی اسی نام سے تھے ؟

J.S

اچھی گزری اور گزرے گی۔


یہ جھوٹ ہے سچ کچھ اور ہے خیر جانے دو سب خوش رہو

حیدر

بس گزر ہی گیا۔
صبح کی نماز پڑھ کر پاک نیٹ کا دیدار کیا اختر بھائی کی طرح۔ اور چند دیگر کام نبٹاے۔ پھر نہا کر فارغ ہی ہوا تھا کہ دروازے کی بیل بجی۔ باہر گیا تو دیکھا کہ داڑھی والا ایک شخص ہاتھ میں کچھ اٹھائے مجھے گھور رہا ہے۔ میں گھبرا گیا اور عرض کی کہ جان کی امان پاؤں آج آپکی آمد کچھ نیک محسوس نہیں ہوتی۔ کہنے لگا چلو باتیں نہ بناؤ ۔ ۔ ۔ چندہ اکھٹا کرنا ہے۔ میں نے کہا بھائی میرے عید کے دن تو سکون سے رہنے دیا کرو ۔ ۔ ۔ خیر بعد از کوشش بسیار حسب معمول کامیابی الخدمت فاؤندیشن والوں کی ہوئی اور میں عید نماز اپنے گھر والوں کے ساتھ پڑھنے سے محروم ہو گیا۔ ہمارے ذمہ جو علاقہ لگا تھا وہ غریب آبادی پر مشتمل تھا تو مجھے یقین تھا کہ "اس بار کوئی آمدنی نہیں ہوگی" مین سوچ رہا تھا کہ گزارا کیسے ہوگا۔ خیر نماز پڑھ کر باہر کو بھاگے اور جھولی پھیلا کر ۔ ۔ ۔ اررررر۔ ۔ ۔ میرا مطلب ہے بینر لگا کر کھڑے ہو گئے کہ ۔ ۔ ۔ سوات کے متاثرین و پاکستان کے غریبوں،مسکینوں ،ناداروں کے لیے الخدمت فاونڈیشن کے ساتھ تعاون کیجیے (جس علاقہ میں ہم لوگ موجود تھے مجھے نہیں لگ رہا تھا کہ میری غربت، ناداری میں کسی قسم کی کمی ہو گی بلکہ مجھے تو ڈر تھا لوگ مجھی سے نا مانگنا شروع کر دیں ۔ میں تو کسی امیر علاقہ کے خواب دیکھے بیٹھا تھا) لیکنلوگوں نے پتا نہیں کیوں اعتبار کر لیا۔اور پیسے دینے لگ پڑے۔
خیر ایک گھنٹا کی کوشش کے بعد کوئی 20 ہزار اکھٹے ہوئے ۔ ۔ ۔ میںخوش ہوا کہ میری ناداری میں کچھ دن تو گزارا ہو گا کہ ساتھی نے مجھے خشمگیں نظروں سے گھورتے ہوئے پیسے جھپٹا مار کر پکڑ لیے ۔میں نے زیر لب بڑ بڑاتے ہوئے اسے کوسا اور اجازت مانگی کہ اب تو گھر جاؤں تو کہنے لگا نہیں ساتھ چلو پیسے دفتر دے کر آنے ہیں۔ میں اپنی عید کو روتا ہوا اس کے ساتھ چل پڑا۔
کوئی بارہ بجے راغت ہوئی تو گھر والوں سے آ کر عید ملا۔ عیدی وصول کی اور آف کورس دینی بھی پڑی۔ حساب کتاب کے بعد معلوم ہوا کہ خالص نقصان کا معاملہ ہوتا جا رہا ہے یہ عیدی۔ میری حکومت سے اپیل ہے کہ عیدی پر سرکاری پابندی لگا دی جائے۔
پھر سونےکی کوشش کی تو ایک دوست کا نزول ہو گیا۔ اسکی جیب سے پیسے نکلوائے الخدمت کے لیے تاکہ آئیندہ مجھے ملنے نہ آئے۔ پھرنماز کے بعد 1 گھنٹا ریسٹ اور پھر کھانا اور پھر گپ شپ اور پھر ایک اور دوست کے پاس چلے گئے (شکر ہے اس نے میری جیب سے کچھ نہیں نکلوا لیا)۔
رات کو 11 بجے وہاں سے واپسی ہوئی۔ اور پاک نیٹ پر تشریف لائے۔ اور اسی دوران انٹا غفیل فرما کر ثواب حاصل کیا۔

نتیجہ کُل: عید کے دن کُل مل ملا کر 20000 سے زائد کا نقصان کیا