طلحہ

پاکستانیوں کے کے لیے شرم کا مقام ۔ اہل وطن٬کسی شعبے میں تو "بندے کے پتر" بن جاؤ۔

مرزا عامر

یہ نا ممکن ہے۔ ہم نے قسم کھائی ہے مشہور ہونے کی ۔ ہم دنیا کے اخبارات کی سرخیوں میں رہیں گے۔ ہے کوئی مائی کا لال جو ہمارا مقابلہ کر سکے۔

__________________

میں اک دن لَوٹ کے آوں گا

یاسر عمران مرزا

ہمارے لوگوں کا رد عمل بہت شدید ہوتا ہے۔ ہم میں سے کسی کو یقین نہیں کہ یہ الزامات سچ ہیں یا ان کے پیچھے کوئی اور امر کارفرما ہے۔ اگر ہم انگلینڈ میں‌اپنی ٹیم کے دوروں کی تاریخ دیکھیں تو وہ ایسے واقعات سے بھری پڑی ہو گی۔ آسٹریلین امپائر ڈیرل ہیر کا جھگڑا ہو یا ثقلین مشتاق کی بالنگ پر تھرو کا الزام، شعیب اختر پر بال ٹمپرنگ کا الزام ہو یا ڈبلیوز کی جوڑی پر بال ٹمپرنگ کا الزام۔۔۔ گوری قوم پاکستانی ٹیم کو ذلیل کرنے کا کوئی موقع ہاتھ سے جانے نہیں دیتی۔ ایک پرانی کہانی بھی ہے، کہ دنیا بھیڑ چال ہے۔ جس طرف ایک بھیڑ گئی سبھی بھیڑیں اسی کے پیچھے جائیں گی۔

جس طرح کا یہ رد عمل پاکستانیوں کی طرف سے آیا ہے ، گالیاں ، الزامات، نفرت انگیز تبصرے، مجھے یہ کہنے میں‌کوئی عار نہیں، کہ یہ سو فیصد اسی رد عمل کی طرح ہے جس طرح کا رد عمل سیالکوٹ میں دو بھائیوں کو ایک آدمی کی طرف سے چور ڈاکو قرار دینے پر وہاں کی پبلک کی طرف سے آیا۔ سب نے یہی کہا، مار دو ان کو، یہ ڈاکو ہیں، کوئی کہتا ہے سر پر مارو، کوئی کہتا ہے اسکو ٹھڈا مارو، کوئی کہتا ہے اسکو جلا دو، کوئی کہتا ہے الٹا لٹکا کر مارو، کسی نے بھی یہ نہیں کہا کہ ہو سکتا ہے یہ ڈاکو نہ ہوں ، اور کہنے والا جھوٹ بول رہا ہو، کسی نے یہ نہیں سوچا، جس نے ڈاکو کہا اس کی کریڈیبلٹی کیا ہے، وہ کوئی جھوٹا مکار فریبی غنڈا ہے یا کوئی نیک سیرت انسان جس کی بات پر اعتبار کیا جا سکے۔

سچ کہوں تو پاکستانی قوم ، تماشا چاہتی ہے، عزتیں اچھالنے میں اسے سکون ملتا ہے، دوسروں کو تکلیف دینے میں اس کی تفریح ہوتی ہے، ہم لوگ تماش بین بن چکے ہیں۔

مجھے پاکستانی ٹیم پر لگائے گئے الزامات کی صحت کے بارے میں نہیں پتہ ، وہ سچ ہیں‌یا جھوٹ، لیکن جس انداز میں تمام اخبارات نے بغیر تحقیق کیے اس بات کو شہ سرخیوں پر جگہ دے دی ہے ان کے طرز عمل پر یقیننا افسوس ہوا ہے۔ ابھی زیادہ دن تو نہیں گزرے جب مغربی میڈیا نے پاکستان کو پورنستان کہا، ان اخبار والوں کا رویہ تب بھی ایسا تھا، سبھی نے اس خبر کو اردو ترجمہ کر کے شہ سرخیوں میں جگہ دے دی۔ واہ

کیا یہ سوچنے والی بات نہیں کہ محمد عامر جیسے بالر جو انگلش ٹیم کو ناک آؤٹ کرنے کی صلاحیت رکھتے ہوں کو پاکستانی ٹیم سے ہٹانے کے لیے کوئی حربہ بھی آزمایا جا سکتا ہے ؟ محمد آصف بھی اسی طرز کا ایک بالر ہے جو مستقبل میں خطرناک ثابت ہو سکتا ہے۔ کیا ہماری بغل میں انڈیا جیسا دشمن نہیں جس نے پاکستان کو دنیا سے الگ کرنے کے لیے اپنی تمام طاقت صرف کر رکھی ہے ۔لیکن کیا کریں، ہم تو سوچنے سمجھنے کی صلاحیت ہی نہیں رکھے ، بس جو مغربی میڈیا نے کہا وہی سچ ہے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

آبی ٹوکول

اسلام علیکم میرے بھائی آپکے جذبات کی قدر کرتا ہوں اور کسی قدر آپکے تبصرے سے بھی متفق ہوں کہ کرکٹ میں سدا سے ہی گوروں کی حکمرانی رہی اور انھوں نے ایشیائی ٹیلنٹ کو ہمیشہ انڈر پریشر اور بدنام کرنے کی کوشش کی مگر دوسری طرف یہ بھی مت بھولیے کہ ہم اور ہماری قوم کا اجتماعی نصب العین کیا بن چکا ہے قطع نظر الزامات کہ درست یا غلط ہونے کہ ایک بات آپکو بتلادوں کو جو معاشرہ سر لیکر پاؤں تک کرپشن میں غرق ہوچکا ہو اس سے کوئی بعید نہیں۔۔۔۔۔۔۔۔۔۔۔۔۔۔۔۔۔۔
رہ گئی عامر جیسے بالرز کی بات تو آپ پر ایک بات واضح کردینا چاہتا ہوں کہ میں نے خود بھی بہت کرکٹ کھیلی ہے اور بے شمار کھیلی ہے میں آپکو یقین دلاتا ہوں اس جیسے لاکھوں عامر دھکے کھاتے پھرتے ہیں گلیوں میں کوئی ان کے ٹیلنٹ کو پوچھنے والا نہیں اور جب کوئی اس جیسا عامر اپنی خوش قسمتی یا پھر گندے سفارشی نظام کی وجہ سے ملکی سطح پر نمائندگی کے لیے سلیکٹ ہوجاتا ہے تو پھر وہی عامر جو کل تک گلیوں کی خاکروبی کے بھی قابل نہ تھا اس کو پر پرزے نکل آتے ہیں کبھی وہ کہتا ہے کہ مجھے لڑکیوں والے اسٹینڈ کے قریب فیلڈ پوزیشن کیوں نہیں دی جاتی تو کبھی کچھ اول فول کہتا پھرتا ہے ۔ ۔ ۔ ۔تب وہ بھول جاتا ہے کہ وہ تو کل تک کچھ بھی نہیں تھا کل تک اسے کوئی پوچھتا بھی نہ تھا مگر یہ ملک ہے اور اسکی عوام ہے کہ جس نے اسے سر آنکھوں پر بٹھایا اور چوم چاٹ کر آنکھوں سے لگایا ۔ ۔ ۔ ۔مگر افسوس کہ وہ یہ سب باتیں بھول جاتا ہے اسے یاد رہ جاتی ہے تو بس اپنی انفرادی کارکردگی یاد رہ جاتی ہے اور پھر وہ کہنے لگتا ہے کہ میں اپنے بل بوتے پر آیا ہوں یہ میرا حق کہ پیسہ کماؤں چاہے جس طرز پر مرضی کماؤں ۔ ۔ ۔چھوڑو بھائی کیا کیا بتلاؤں ان لوگوں کہ قصے ان بے غیرتوں کو زرا بھی احساس نہیں ہوتا کہ جب کبھی بھی یہ باہر ملک کی نمائندگی کرنے جاتے ہیں تو انکی اپنی ذاتی حیثیت کچھ بھی نہیں ہوتی اور نہ ہی انکا کچھ کمال ہوتا ہے یہ تو اللہ کی ان پر نعمت ہوتی ہے کہ لاکھوں ان جیسے ہی صلاحیت رکھنے والوں کہ درمیان سے فقط ان کو چن لیا جاتا ہے (چاہے وہ کسی بھی طریق سے ہو ) لہذا ان کو خدا یاد رہنا چاہیے ملک یاد رکھنا چاہیے ۔ ۔ ۔ چاہے یہ کتنے ہی بڑے نامور کرکٹر کیوں نہ بن جائیں انکو یہ یاد رکھنا چاہیے کہ انکو یہ امارت نام و شہرت فقط اس ملک کی بدولت ملی وگرنہ ان سے بڑے بڑے با صلاحیت لوگ ساری عمر دھکے کھاتے رہ جاتے ہیں اور انکو گلی کا کتا تک نہیں جان پاتا ۔۔۔۔۔۔

مرزا عامر

یہ میرے لیئے ایک بالکل نیا اور حیرت انگیز انکشاف ہے۔

یاسر عمران مرزا

جی یہ بات میں نے بھی سنی تھی کہ دو پاکستانی کھلاڑیوں کے درمیان جھگڑا ہو گیا تھا کہ جس جگہ لڑکیاں بیٹھی ہیں وہاں مجھے کھڑا کیا جائے۔

یاسر عمران مرزا

بھائی آپکی بات بھی ٹھیک ہے۔ ہمارے کھلاڑٰی اونچی ہواؤں میں اڑنے لگتے ہیں۔
لیکن پھر بھی ہمارے لیے یہ مناسب نہیں کہ ان پر غلط یا جھوٹا الزام لگا ہو اور ہم اس کی حمایت کریں۔ وہ جرم جو انہوں نے کیا ہی نہیں اسکی سزا انہیں دی جائے۔ لیکن اگر وہ قصوروار ہیں تو انہیں قرار واقعی سزا دی جانی چاہیے۔

کنعان

بریطانوی، پولیس چیف نے کہا ھے کہ ویڈیو فوٹیج کے ساتھ گواہوں کی بھی ضرورت ھے خالی ویڈیو سے کسی کو سزا نہیں دی جا سکتی۔

یاسر عمران مرزا

لیکن معاملہ تو اچھل گیا نا۔ پوری دنیا کے اخبارات نے اسے کیچپ لگا کر مزے لےکر کھایا۔

اگر عدالت سے یہ ثابت نہ ہو پائے تو اخبار کے خلاف ہتک عزت کا دعوی کیا جا سکتا ہے ؟

ویسے مختلف جگہوں سے مختلف خبریں آ رہی ہیں۔ کچھ لوگ کہہ رہے ہیں‌کہ سازشی صحافی کی بیوی انڈین ہے اسکی بیٹی کی شادی بھی انڈین سے ہوئی۔ اور کچھ لوگ کہہ رہے ہیں آفریدی نے سلمان بٹ اور کامران اکمل کی پراسرار سرگرمیوں کی اطلاع پی سی بی کو پہلے سے دی مگر انہوں نے کوئی کاروائی نہیں کی۔
شاید سلمان اور کامران واقعی میں مجرم ہوں اور عامر،آصف مفت میں رگڑے گئے ہوں۔۔
لٹس سی۔۔۔۔۔۔

مرزا عامر

یہ تو اچھی خبر ہے

کنعان

السلام علیکم

ابھی کچھ نہیں کہا جا سکتا کیونکہ سکاٹ لینڈ یارڈ جو انکوائری کر رہی ھے وہ صیغہ راز ھے۔ جو کچھ بھی ہو گا ان کی طرف سے ہی ہو گا۔ اتنی بڑی رقم کہاں سے آئی کہاں گئی کس کے کمرے سے کیا برآمد ہوا، منی لانڈرنگ، پھر پاکستان سے بھی انویسٹیگیشن ٹیم آئی ہوئی ھے، ہاں اس ملک میں یہ ھے کہ جن پر الزام لگایا گیا ھے اور جو اس سے کلیئر ہو جائے گا وہ کمپنسیشن کلیم کر سکتا ھے۔


والسلام

آبی ٹوکول

بھائی یہ بات میں نے غالبا ٹونٹی ٹونٹی ورلڈ کپ کہ دوران عزیزی صاحب (حسب حال از سہیل احمد ) سے سنی تھی ۔ ۔