(منظور قادر کالرو)
بعض گھرانوں میں لڑائی کی مثال مرغن غذا کے ساتھ سلاد یا فروٹ کھانے جیسی ہے۔ ان گھروں میں بہت سے ذائقوں کی موجودگی میں بھی اہلِ خانہ کی زبان بے ذائقہ رہتی ہے جب تک کہ چھوٹی موٹی لڑائی جھگڑا نہ ہو۔اِن گھرانوں میں لڑائی جھگڑے کو رونق کے معانی میں لیا جاتا ہے۔گویا ان گھرانوں میں لڑائی علامہ اقبال کے شعر ’ پلٹنا’ جھپٹنا پلٹ کر جھپٹنا لہو گرم رکھنے کا ہے اک بہانہ‘ کی عملی تفسیر ہوتی ہے۔ لڑائی محض وارم اپ کے لئے یعنی جسمانی چستی اور تازگی کے لئے لڑی جاتی ہے۔ بعض جو ڑے دن میں دو چار بار اگر جھگڑا نہ کریں تو انہیں جمائیاں اور انگڑائیاں آنے لگتی ہیں۔ بعض جوڑوں کے تو جبڑے ہی درد کرنے لگتےہیں اگر پورا دن لڑائی جھگڑے کے بغیر گزر جائے۔ یہ مانا کہ لڑائی جھگڑا زندگی کا حصہ اوررونق شونق ہوتی ہے لیکن رونق شونق سے جب بات آگے بڑھتی ہے توپڑوسیوں کی رونق شونق بن جاتی ہے۔ سوال ےہ پیدا ہوتا ہے کہ اس ہنگامہ پروردور میں لڑیں تو کیسے لڑیں جس سے عادت بھی پوری ہو جائے اور فساد بھی نہ پھیلے۔

پہلی بات تو یہ کہ لڑائی کو کرنٹ افیر تک محدود رکھنا چاہےے اورماضی کو گھسیٹ کر لڑائی جھگڑے میں شامل نہیں کرنا چاہےے اس لئے کہ فریقِ دوم بھی تاریخی دستاویزات رکھنے لگتا ہے اور اگلے دنگل میں وہ بھی اپنا ریکارڈ کھول بیٹھتا ہے جس کی وجہ سے دونوں فریقین کے چھپے گوشے بے نقاب ہونے لگتے ہیں اور ان گوشوں سے بہت سی مکھیاں مچھر اور چوہیاں چوہے نکل آتے ہیں۔ جھگڑا جس بات سے شروع ہوا ، جھگڑے کو اس بات پر ہی محدود رکھنا چاہےے۔ ایک ہی مسئلہ پرتوجہ مرکوز رکھنے سے ذہانت بھی بڑھتی ہے اور فی البدیہہ بولنے کا تجربہ بھی حاصل ہوتا ہے۔ ہمارے ملک میں فی البدیہہ موضوعات پر بولنے کے لئے تربیت کا باقاعدہ کوئی ادارہ نہیں، اس لئے ایسے موقعوں سے تربیت کو غنیمت سمجھنا چاہےے۔ لڑائی جھگڑے میں قریبی اور دور کے رشتے داروں کو نہیں گھسیٹنا چاہےے اس سے انہیں خواہ مخواہ کی اہمیت ملتی ہے۔ وہ خواہ مخواہ وی آئی پی بن جاتے ہیں اور اپنے گھر میں اتراتے پھرتے ہیں کہ ہمارا چرچا چاہے لڑائی جھگڑے میں ہی سہی دوسروں کے گھروں میں رہتا تو ہے۔ بعض رشتہ دار پرائی لڑائی کے لئے بارودی مواد کا ذخیرہ کئے رکھتے ہیں۔ دوسروں کی لڑائی جھگڑے کے وقت یہ رشتہ دار اس بارودی مواد کو ٹسٹ کرتے ہیں کہ کہیں ےہ ایکسپائر تو نہیں ہو گیا۔ ایسے رشتہ داروں پر چھوٹی موٹی شرلی پٹاخہ چلا دینے میں کوئی مضائقہ نہیں تاکہ اُن کی زبان کا ذائقہ بھی بد ل جائے ۔

جھگڑے کے وقت رشتے دار اپنی ڈکشنری کو اپ ٹو ڈیٹ کرنے کے لئے آ جاتے ہیں۔ وہ خامیوں اور کمزوریوں کو edit کر کرکے الگ کرتے جاتے ہیں اور اپنی ڈکشنری کا حصہ بناتے جاتے ہیں۔اس مواد کو چھو منتر کے طور پر استعمال کر کے کسی بھی فریق کے غبارے سے ہوا نکالنے کے لئے استعمال کرتے ہیں۔دوسروں کی ڈکشنری کو اپ ٹو ڈیٹ کرنے سے گریز کرنا چاہیے۔ لعنت ملامت سے دوسرے اس طرح لطف اندوز ہوتے ہیں جیسے گرمی کے دنوں میں کلفی کھا رہے ہوں۔ان کو ٹھنڈک اور تسکین پہنچتی ہے۔میرے ایک جاننے پر لڑائی میں ایک شخص نے لعنت کی اُس نے فریقِ مخالف سے التجا کی کہ یار ایک دفعہ پھر کرنا ریح خارج ہو رہی ہے۔ اگر ڈھیٹ پن کا ےہ رتبہ حاصل نہ ہو تو اس لپھڑے میں پڑنا ہی نہیں چاہےے۔ ےہ مانا کہ گالی کے بغیر لڑائی نہ تو چٹخارے دار بنتی ہے اور نہ ہی اس میں رعب پیدا ہوتا ہے۔ جب تک بارعب گالی سے فریقِ مخالف پر حملہ آور نہ ہوا جائے اُس کا بال بھی بیکا نہیں ہوتا۔ بہت سے صاحبِ زبان گالی سے ڈنڈے کا کام لیتے ہیں ۔ لیکن اگر فریقِ مخالف بھی آتشیں اسلحے سے لیس ہو کر حملہ آور ہو تو ضارب کی بجائے بندہ مضروب بن جاتا ہے۔

اس طرح کی لڑائی سے وہی لطف اندوز ہو سکتے ہیں جن کا گالی سن کر بھی زبان کا ذائقہ کرکرا نہیں ہوتا۔بعض اوقات لڑائی کی نوبت ہاتھا پائی تک بھی پہنچ جاتی ہے۔زود وکوب کرنے والی لڑائی ماضی بعید میں لڑی جاتی تھی۔ اس لئے کہ اُن وقتوں میں خوراک کھا دکے بغیر تیار ہوتی تھی ۔ اُس پر زہریلی دواﺅں کے سپرے نہیں ہوتے تھے ۔ اس لئے لوگوں میں طاقت تھی اور اُن کے مظاہرے کے لئے وہ بہانے تلاش کرتے رہتے تھے۔آجکل طاقت کا ےہ عالم ہے کہ گرم جوشی سے مصافحہ کیا جائے تو کندھا اتر جاتا ہے، جھک کر پنسل اُٹھانے لگیں تو چُک نکل جاتی ہے۔ ایسے میں جسمانی لڑائی صرف اکھاڑے میں پہلوانوں کو لڑتے دیکھ پر اپنے دانت کھ

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر