السلام و علیکم،

امید ہے آپ سب لوگ خیریت سے ہونگے۔

کچھ عرصہ پہلے آئی ٹی کی ایک کمپنی سے مجھے جاب کی آفر آئی، جو کچھ انٹرویوز سے گزرنے کے بعد اب آخری مراحل میں ہے۔ ویسے تو کمپنی کا آفس کراچی میں‌ بھی ہے مگر جس فیلڈ سے میرا تعلق ہے اس کا کام فی الحال لاہور، فیصل آباد اور اسلام آباد میں ہو رہا ہے۔ اس لیے مجھے کچھ عرصے بعد اپنی فیملی سمیت لاہور منتقل ہونا پڑے گا۔ فی الحال اس کمپنی سے میرا کونٹریکٹ ایک سال کا ہے، جس کا مطلب یہ ہے کہ مجھے لاہور میں اپنا بندوبست ایک سال کے لیے ہی کرنا ہے۔ ویسے تو ایک سال بعد اسی کمپنی میں پرمیننٹ ہونے کے قوی امکان ہیں مگر میں کم از کم ایک سال کو ہی ذہن میں رکھ کر یہ سب پلان کر رہا ہوں۔ معاہدے کے مطابق مجھے تین مہینے یہاں کراچی میں کام کرنا ہوگا اور اگست سے انشاءاللہ لاہور میں کام شروع کرنا ہوگا۔

اب مجھے لاہور شہر میں رہنے کے متعلق مندرجہ ذیل معلومات چاہئیں:

• گلبرگ ا ا ا کے علاقے میں 4 کمروں کا مکان ماہانہ کتنے کرائے پر مل سکتا ہے اور اس کے لیے ایڈوانس کتنا دینا پڑے گا ؟
  
• رینٹ اے کار سے مہران کار ایک مہینے کے لیے کم از کم کتنے کرائے پر مل سکتی ہے ؟
  
• مجھے اپنے بیٹے کے لیے ایک ایسے اسکول کی بھی ضرورت ہوگی جس میں دنیاوی تعلیم کے ساتھ ساتھ دینی تعلیم بھی دی جاتی ہو۔ میرا بیٹا یہاں بھی ایک ایسے ہی اسکول میں‌ پڑھ رہا ہے جہاں بچہ میٹرک یا او لیول بھی کرلیتا ہے اور حفظ بھی کرلیتا ہے۔
  
• مجھے یہ معلومات بھی چاہئیے کہ 'کے جی' کلاس میں اگست کے مہینے میں بیٹے کا داخلہ ہو بھی سکتا ہے یا نہیں ؟
  
• لاہور میں فرنیچر کی کیا قیمت ہوتی ہے۔ مثال کے طور پر ایک کمرے کا فرنیچر کتنے کا آجاتا ہے ؟