یں کسی بھاری بھرگم وجود سے ٹکرائ - ٹکر اتنی زبردست تھی سر گھوم گیا ایسے میں لوگوں کی آنکھوں کے سامنے تارے ناچنے لگتے ھیں مگر میری آنکھوں کے سامنے سے تو سورج ھی غائب ھوگیا سائیں سائیں کرتے ھوئے کانوں میں ایک آواز ائ جو مجھے دیکھ کر چلنے کی ھدایت دے رھی تھی میں نے سوری کہا اور جلدی سے کتابیں اٹھا کر کلاس میں آ گئ
اردو کا پیریڈ تھا ٹیچر نے سب کا نام پوچھا انھوں نے کہا آج پہلا دن ھے اس لیے آج پڑھائ نہیں ھوگی مگر میں چاھتی ھوں سب سٹوڈنٹ حاضر دماغ کے ساتھ اسکول آیا کریں ھر کسی سے ٹکراتی نہ پھریں انگریز جاتے جاتے ایک اچھا لفظ سیکھا گئے ھیں ۔۔۔۔ سوری ---- جہاں کوئ بات ھو لوگ سوری کہہ کر سمجھتے ھیں بڑا احسان کیا اپنی غلطی بھول جاتے ھیں میں پریشان ھو رھی تھی یہ سب باتیں مجھے دیکھ کر کیوں کر رھی ھیں پھر احساس ھوا سائیں سائیں کرتے ھوئے کان والی آواز اور ہماری ٹیچر کی آواز بہت مل رھی ھے پھر احساس ھوا یہ ایک ھی آواز ھے
میں نے سوچا تھا اب سے اردو پوری سنجیدگی سے پڑھنی ھے مگرپہلےدن ھی ٹیچر پہ امپریشن اچھا نہیں پڑا

کسی بھی زبان کا حسن دیکھنا ھو یا سمجھنا ھو تو اس کے ادب کا مطالعہ کرنا چاھیے پھر ایک کے بعد ایک شعر غالب کی شاعری کی گہرائ میر تقی میر کی شاعری کی لطافت ۔۔ اقبال کی شاعری کا مقام بنا رکے اتنا کچھ کہا جو ھم نے منہ کھول کہ سنا سمجھ کچھ بھی نہیں آیا خدا خدا کر کے پیریڈ ختم ھوا میری ایک دوست اسے شعر الف بے کی طرح رٹے ھوئے تھے وہ جھوم جھوم کہ مس کی تعریف کر رھی تھی اور میں دل میں لاحول پڑھ رھی تھی

اگلے دن ھاف ٹائم میں نئ کلاس اور کتابوں کا زکر ھو رھا تھا میں نے کہا
میرا دل کرتا ھے سب شاعروں کا گلا دبا دوں
ابھی میں ان نارد خیالات کا اظہار کر رھی تھی سامنے دیکھا تو اردو کی ٹیچر کھڑی تھیں
میری دوست نے میرے کان میں گھس کے آنے والی عزت افزائ کی خوش خبری سنائ جسے سنتے ھی دل ھولے ھولے کانپنے لگا
اردو کا پیریڈ شروع ھوا حاضری کے بعد ھمیں کتابیں کھولنے کو کہا
مس نے غالب کا ایک شعر جھوم کے پڑھا
جی سعدیہ آپ بتائیں اس شعر میں شاعر کیا کہہ رھا ھے
میں نے کھڑے ھو کر ایک بار با آواز بلند شعر پڑھا سر پر سے گزر گیا دوسری بار زیرِ لب دھرایا شعر پھر سابقہ اونچائ سے گزر گیا تھوڑی دیر سوچنے کے بعد کہا
مس اس شعر میں شاعر جو بھی کہہ رھا ھے ٹھیک کہہ رھا ھے ساتھ ھی اپنی سیٹ پہ بیٹھ گئ
سناٹے کا احساس ھوا دیکھا تو ساری کلاس منہ کھول کے سکتے کے عالم میں تھی ٹیچر ناک پہ چشمہ رکھے مجھے دیکھ رھی تھیں دو منٹ بعد سکتہ ٹوٹا
ماشاءاللہ سبحان اللہ آپ نے تو اردو ادب پہ بہت بڑا احسان کیا ھے اج تک کسی کو نہیں پتا تھا غالب نے جو کہا ھے وہ ٹھیک کہا ھے آج تو غالب کی روح کو سکون مل گیا ھو گا
( مسکرا مسکرا کر طنز کرنا اور بھگو بھگو کر جوتے مارنا میں نے ان سے ھی سیکھا تھا (

جی سعدیہ آپ کیا کہہ رھی تھیں تشریح کریں اشعار کی
میں نے ایک بار پھر دل ھی دل میں شعر پڑھے دائیں بائیں کندھوں بیٹھے اپنے فرشتوں سے صلح مشورہ کیا انھوں نے بھی بے خبری کا اظہار کیا
ہاں تو کیا ٹھیک کہہ رھے تھے غالب
دل تو کیا کہہ دوں میرے فرشتوں کو بھی خبر نہیں مگر میں ایسی بے ادب نہیں تھی
مس شاعر کہہ رھا ھے تو ٹھیک ھی کہہ رھا ھوگا
آہستہ سے کہا اور چپ کر کے بیٹھ گئ


ابھی جاری ھے