شروع سے ھی مجھے اردو بہت اچھی لگتی تھی بچپن سے ھی میں فر فر اردو بولتی تھی جب بڑی ھوئ تو پتا چلا اردو ھماری قومی زبان ھے تو جان کر خوشی ھوئ کہ شکر ھے اردو ھی ھماری قومی زبان ھے اگر انگلش ھوتی تو ھمارا کیا ھوتا

میں غصہ اردو میں کرتی تھی بلکہ ھر کام اردو میں کرتی تھی بچپن سے میں اور اردو ساتھ ساتھ چلتے رھے نہ کبھی اردو میرے راستے میں آئ نہ میں اردو کے راستے میں پہلا جھٹکا تب لگا جب میں ساتویں کلاس میں ھوئ اردو کا ھوم روک ملا محاوروں کو جملوں میں استعمال کریں آسان ھوم ورک تھا میں نے آرام سے کر لیا کلاس میں ٹیچر نے چلا کر پوچھا یہ کس کی کاپی ھے میں نے غور سے دیکھا تو ان کے ھاتھ میں میری کاپی تھی وہ میرے پاس آئیں انھوں نے نیلے پیلے ھوکر مجھے کہا جو لکھا ھے پڑھ کر سب کو سناؤ

سبز باغ دیکھانا --- میں اپنی پھوپھو کے پاس گئ انھوں نے مجھے کئ سبز باغ دیکھائے
دانت کھٹے کرنا --- میں نے املی کھلا کھلا کر اپنی دوست کے دانت کھٹے کر دئیے

میں آرام سےپڑھتی جا رھی تھی پتا نہیں کیوں ان کی سانسیں کسی فلمی ھیروئین کی طرح اکھڑنے لگیں میں نے جب سب پڑھ لیا تو انھوں نے کہا شاباش ماشاءاللہ بہت ذہین ھیں آپ

میں نے تعریف سن کر مسکرا کر شکریہ ادا کیا اور اپنی سیٹ پر بیٹھ گئ
نالائق کس نے کہا بیٹھنے کو
میں نے حیرت سے پل پل رنگ بدلتی ٹیچر کو دیکھا
اب ان کو کیا ھوا
یہ محاورے ھیں یہ داناؤں کی باتیں ھیں ان کی گہرائ میں دانائ کی بات چھپی ھوتی ھے
بات سر پر سے گزر گئ
سبز باغ کا مطلب ھوتا ھے دھوکا دینا جھوٹے وعدے کرنا
ھیں باغ میں دھوکہ کہاں سے آگیا
دانت کھٹے کرنے کا مطلب ھے بدلا لینا دشمن کا مزا چکھانا
میں سوچنے لگی یہ داناؤں‌کی باتوں میں دانائ اتنی گہرائ میں چھپی ھوئ کیوں ھوتی ھے کیا یہ محاورے صرف دانا لوگوں کے لیے ھوتے ھیں
اردو اتنی سیدھی سادھی زبان تھی یہ گرائمر اتنی مشکل کیوں ھے ھماری ٹیچر کو بھی ضد تھی انھون نے ھر بات مجھ سے پوچھنی ھوتی تھی میری ارو اردو کی دشمنی کی شروعات ھو چکی تھی
انھی دنوں میری ایک تحریر کو اخبارِ جہاں بچوں کے صفے پہ اس ماہ کی بہترین تحریر کا انعام ملا ٹیچر کو پتا چلا تو انھوں نے مجھے ایسے دیکھا جیسے میرے سینگ نکل آئے ھوں

آٹھویں کلاس میں میں نے کارٹون بنانے شروع کیے گانوں اور شعروں کی پیروڈی پہلے ھی کرتی تھی کلاس کی سب لڑکیاں اپنی دشمنوں کے کارٹون مجھ سے بنواتی تھیں ساتھ میں ایک پھرکتا ھوا شعر ---- اس سال کوئ بڑا معرکہ نہیں ھوا بقول ایک کلاس فیلوکے ھماری ٹیچر اللہ میاں کی گائے ھیں کام کیا تو ٹھیک نہیں کیا تو کوئ بات نہیں اردو کے بعد میتھ کا پیریڈ ھوتا تھا ان کے پیریڈ میں لڑکیاں میتھ کا ھوم ورک کرتی تھی وہ باتیں جو ھاف ٹائم میں نہیں ھو سکتی تھی وہ کی جاتی تھی بہت سکون سے وقت گزرتا تھا
ھنستے کھیلتے ھم کلاس نایتھ میں آگئے ھائ اسکول میں پہلا دن تھا میں بھاگتی ھوئ کلاس میں جا رھی تھی جلدی میں کسی سے ٹکر ھوئ میری ساری کتابیں گر گئیں
ایسا فلموں میں ھوتا ھے ھیرو ھیروئین اکثر ایسے ھی ملتے ھیں مگر اپنی ایسی قسمت کہاں ٹکر ھوئ بھی تو ٹیچر سے

------------- آگے کی کہانی پھر سہی -------- جاری ھے