14 فروری ہر سال ویلنٹائن ڈے کے طور پر منایا جاتا ہے۔ اس کی حقیقت جو کچھ بھی ہے اس سے ہمیں غرض نہیں۔ لیکن یہ ایک غیر اسلامی تہوار ہے۔
عیسائیت کے پیروکاروں کے لئے اس کی مذہبی اہمیت ہے اس لئے مسلمانوں کو اس سے اجتناب کرنا اور زیادہ ضروری ہے گیا ہے۔

ہماری ذمہ داری ہے کہ اپنے اپنے دائرہ کار میں لوگوں کو ایسے تہواروں میں شرکت کرنے اور انہیں منانے سے روکیں۔ کیوں کہ اب یہ ایک اجتماعی سرگرمی کی شکل اختیار کر گیا ہے۔ اور یہ یاد رہےکہ فطرت افراد کو تو معاف کر دیتی ہے لیکن اجتماعی غلطیوں کی سزا بڑی سخت ہوتی ہے


فطرت افراد سے اغماض بھی کر لیتی ہے
کرتی نہیں کبھی ملت کے گناہوں کو معاف