ایک دفہ کا زکر ہے
ایک بے روزگار شخص نے دفتری کی حیثیت سے مائیکروسافٹ میں درخواست دی ۔ ایچ آر مینیجر نے اس کا انٹر ویو کیا اور پھر اس سے فرش کی صفائی کروا کر اس کا ٹیسٹ لیا ۔ تمہیں ملازمت دی جاتی ہے ، اپنا ای میل ایڈریس دے دو تا کہ تمہیں اطلاع دی جا سکے کہ تم نے نوکری پر کب حاضر ہونا ہے ایچ آر مینیجر نے کہا ۔ آدمی نے جواب دیا کہ جناب نہ تو میرے پاس کمپیوٹر ہے اور نہ ہی ای میل ایڈریس ۔ مجھے افسوس ہے ایچ آر مینیجرنے کہا ، اگر تمہارا ای میل کا پتہ نہیں تو اس کا مطلب ہے کہ تم وجود ہی نہیں رکھتے اور ناموجود بندے کو ہم ملازمت کیسے دے سکتے ہیں ۔
وہ شخص سخت ناامیدی کی کیفیت میں مائیکرو سافٹ کے دفتر سے نکلا اسے سمجھ نہیں آ رہی تھی کہ اس کی جیب میں پڑے دس ڈالر اس کا کہاں تک ساتھ دیں گے جو اس کی کل جمع پونجی تھی ۔
آخر اس نے ایک فیصلہ کیا اور سپر مارکیٹ پہنچ گیا ، وہاں سے اس نے دس کلو کا ٹماٹر کا کریٹ لیا اور گھر گھر جا کر وہ کریٹ بیچ دیا ، دو گھنٹے سے بھی کم وقت میں اس کی رقم ڈبل ہو چکی تھی ، وہ پھر سپر مارکیٹ پہنچ گیا اور ایک اور کریٹ خرید کر دوبارہ گھر گھر بیچنے لگا ، شام تک اس نے تین چکر لگائے اور گھر کی طرف جاتے ہوے اسے اطمینان تھا کہ اس کی جیب میں ساٹھ ڈالر موجود ہیں ۔
اس آدمی نے اندازہ لگایا کہ گزارے کے لیئے یہ کام بھی بہتر ہے
وہ روزانہ صبح سویرے گھر سے نکل جاتا اور دن بھر خوب محنت سے ٹماٹر بیچتا شام کو دیر سے گھر لوٹتا ۔ دن پہ دن گزرتے گئے ، اس نے پہلے ایک ریڑھی لی اور اس پر سبزی گھر گھر پہنچانی شروع کی ، پھر ایک دن ایک ٹرک لے لیا اور ایک دن ایسا بھی آیا کہ اس کا گاڑوں کا اپنا فلیٹ تھا جن پر وہ سبزیاں لوگوں کو سپلائی کرتا تھا ۔
پانچ سال بعد وہی شخص امریکہ کے چند بڑے سبزی فروشوں میں سے ایک تھا ۔
اس نے اپنے اہل خانہ کے مستقبل کی منصوبہ بندی شروع کی تو اس کو ایک انشورنس پلان کی ضرورت محسوس ہوئی ۔
انشورنس ایجنٹ سے اس کی میٹنگ کے خاطمے پر ایجنٹ نے اس سے اس کا ای میل کا پتہ دریافت کیا ، آدمی نے کہا
میرا کوئی ای میل ایڈریس نہیں ہے ۔
ایجنٹ بولا ، آپ کا ای میل نہیں ہے اور آپ نے اتنی ترقی کر لی ، اگر آپ کا ای میل ہوتا تو کیا آپ نے کبھی سوچا ہے کہ آپ ترقی کی کس انتہا پر ہوتے ۔
ہاں میں مائیکرو سافٹ میں آفس بوائے ہوتا ، آدمی نے جواب دیا ۔
کہانی سے کیا سبق ملتا ہے
1۔ انٹر نیٹ زندگی گزارنے کا کوئی حل نہیں ہے
2۔ اگر آپ کے پاس انٹر نیٹ نہیں ہے اور آپ محنت کرتے ہیں تو آپ ارب پتی ہو سکتے ہیں
3۔ اگر آپ یہ پیغام انٹر نیٹ پر پڑھ رہے ہیں تو آپ کو مبارک ہو جلد ہی آپ کو مائیکرو سافٹ جیسے ادارے میں آفس بوائے / گرل کی نوکری مل سکتی ہے۔