پاکستان کے حالات:
فی زمانہ پاکستان کے حالات یہ ہیں کہ ہر طرف طوائف الملوکی کا دور دورہ ہے۔ ملکی و غیر ملکی دہشت گردون نے قتل و غارت کا طوفان برپا کر رکھا ہے۔ مہنگائی کا عفریت آئے دن نت نئے شکار نگلتا چلا جا رہا ہے۔ ملکی ترقی کا پہیہ جام ہو کر رہ گیا ہے۔ کرپشن کا یہ عالم ہے کہ سپریم کورٹ سو موٹو ایکشن لے لے کر عاجز آ چُکی ہے۔ الغرض ایک نفسا نفسی کا سا عالم ہے۔

2012 اور پاکستان:
کئی علما گزشتہ دہائی سے اس بات کی طرف اشارہ کرتے دکھائی دیتے ہیں کہ 9/11 کا اصل نشانہ افغانستان نہیں بلکہ پاکستان تھا۔ شیطانی قوتیں در حقیقت اپنے عزائم کو بروئے کار لانے سے قبل اس بات کی یقین دہانی کرنا چاہتی ہیں کہ انکے راستے کی تمام رکاوٹیں پہلے ہی ختم کر دی جائیں تاکہ انکو للکارنے والا کوئی نہ ہو۔ اگر مسلم امہ میں سے ہم نظر دوڑائیں تو شیطانی قوتوں کا سامنا کرنے کی فوجی طاقت ماسوائے پاکستان کے کسی اور کے پاس نہیں ہے۔ کسی حد تک ایران کو بھی اس فہرست میں ڈالا جا سکتا ہے۔شیطانی قوتوں کا پاکستانی ایٹمی قوت کے خلاف عرصہ دراز سے جاری اور روز افزوں تیز تر ہوتا پروپیگنڈہ اور امریکہ کی ہاٹ پرسوٹ کی خواہش اور ارادے بار بار اس بات کی طرف نشاندہی کرتے دکھائی دیتے ہیں کہ پاکستان کے ایٹمی اثاثے کے گرد شیطانی قوتوں کا گھیرا تیزی سے تنگ ہوتا جا رہا ہے۔ اس سلسلے میں چند علما نے ایک دہائی قبل ہی اس بات کا اشارہ کر دیا تھا کہ یہ تبھی ممکن ہو گا جب پاکستان میں خانہ جنگی کی صورت حال پیدا ہو گی۔ اور خانہ جنگی کی صورت حال تبھی پیدا ہو گی جب پاکستانی مسلح افواج کے مختلف گروہ آپس میں ہی برسر پیکار ہو جائییں گے۔
امریکہ کا بار بار پاکستانی مسلح افواج میں موجود اُن عناصر کی طرف دھمکی آمیز رویہ کہ جو امریکہ کو نا پسند کرتے ہیں، شمالی وزیرستان آپریشن کے لیے دباؤ وغیرہ اس بات کی نشاندہی کرتے ہیں کہ پاکستان کی مسلح افواج اپنی تاریخ کے نازک ترین دور میں سے گزر رہی ہیں ۔ اور ذرا سی لغزش شیطانی طاقتوں کے مقاصد کو پورا کرنے کا سبب بن سکتی ہیں ۔ یعنی مسلح افواج میں بغاوت اور جس کا نتیجہ پاکستان میں خآنہ جنگی۔
چناچہ یہ اور ان جیسے دیگر کئی اشاریے ہم کو آگاہ کر رہے ہیں کہ یہ وقت انقلاب کا نہیں ہے۔
موجودہ مسلح انقلاب مثبت اثرات سے زیادہ منفی اثرات لا سکتا ہے۔ یعنی شیطانی قوتوں کو یہ موقع بہم پہنچانا کہ وہ پاکستان میں داخل ہو کر پاکستانی ایٹمی اثاثوں کا تباہ کر کے واپس چلی جائیں۔ اور 2012 ہو جائے ۔ یعنی شیطانی طاقتوں کا سامنہ کرنے والی کوئی قوت (بظاہر )باقی نہ رہ جائے۔

حیدر ریحان کا مشورہ:
گزشتہ کئی دنوں سے اس فورم کے ایک ممبر حیدر ریحان بھی انقلاب سے دور رہنے کا مشورہ دیتے دکھائی دیتے ہیں۔باوجود اس کے کہ وہ اپنی بات سمجھا نہیں پا رہے۔ بہر حال موجودہ حالات میں انکا مشورہ قابل غور ضرور ہے۔ لیکن اس کے ساتھ ہی یہ سوال بھی ذہن میں پیدا ہوتا ہے کہ پاکستان کے حالات کو نظر میں رکھتے ہوئے کیا ہم محض 2012 کے خوف سے ملک میں تبدیلی کی کوشش ہی نہ کریں؟
موجودہ حکمران شرافت سے کوئی بات مانتے دکھائی نہیں دیتے۔ یہ لوگ اچھا کام صرف تبھی کرتے ہیں جب ان پر شدید عوامی دباؤ آ جائے۔ورنہ اگر انکو معلوم ہو کہ کسی بھی وجہ سے عوان انکے خلاف نہیں اُٹھ کھرے ہوں گے تو یہ شیطانی آلہ کار بن کر دندناتے پھریں گے اور ملک کا بیڑہ ویسے ہی غرق کر کے رکھ دیں گے۔

اضافی معلومات:
جہاں تک میری یادداشت کام کرتی ہے نبی پاک صلی اللہ علیہ وسلم نے بھی فتنوں کے بیان میں یہی فرمایا تھا کہ ایک وقت ایسا آئے گا کہ روز نت نئے فتنے برپا ہوں گے۔اور ایسے وقت کے لیے نبی پاک صلی اللہ علیہ وسلم نے یہی تجویز فرمائی تھی کہ جو جہاں ہے وہیں رُکا رہے۔ایسے فتنوں کے وقت میں بیٹھا ہوا ، چلنے والے سے بہتر ہے۔ اور لیٹا ہوا، بیٹھے ہووں سے۔مجھے یہ نصیحت بھی یاد پڑتی ہے کہ نبی پاک صلی اللہ علیہ وسلم نے فرمایا تھا کہ تب تم اپنی تلوار کو توڑ ڈالنا (یعنی یہ چانس ہی نہ رہے کہ تم مسلح بغاوت کر سکو)۔ مجھے یہ بھی یاد پڑتا ہے کہ نبی پاک صلی اللہ علیہ وسلم نے نصیحت کی تھی کہ جہاں تک ممکن ہو شہروں سے دور ہو کر بیابانوں اور پہاڑوں میں چلے جانا۔ واللہ اعلم