اردوزبان

ہم نے سوچا پہلی بار فورم پر آئے ہیں تو پیروں کی زیارت پہلے کرتے ہیں۔

منتظمین

سرورق کے لیے پیش کریں

فیصل ناصر

میاں یہ تو پیروں فقیروں کی سرزمین ہے
بہت سے پیر ملیں کے یہاں آپکو جب ان سے فرصت ملے تو اپنا تعارف بھی کردیجئے گا

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عدنان دانی

راجہ بھائی پیر کب سے ہوگئے اور یہ مرید کہا سے پیدا کئے ۔۔؟
کوئی ہمیں بھی درشن کرا دے

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !

ھارون اعظم

السلام علیکم،

بہت اچھی تصویر کشی کی ہے آستانے کی۔ شائد پیر صاحب خوش ہوجائیں۔
اچھی تحریر ہے۔

عبدالقدوس

معذرت لیکن میرا خیال تھا کہ آپ کو بھی فتاویٰ جاری کرنے کے علاوہ کوئی کام نہیں آتا لیکن آپ تو تنقید اور تشبیہ بھی اچھی دے لیتے ہیں۔۔۔زبردست یار

__________________

عبداللہ آدم

پیر صاحب ابھی تک تجاھل عارفانہ سے کام لے رہے ہیں شاید.................

راجہ اکرام

السلام علیکم
برادران و خواہران
پیر ناقص کے احوال سے آگاہی ہونے کے بعد اب کے کیا تاثرات ہو سکتے ہیں اس بارے میں یہ تو آپ ہی بہتر جانتے ہیں
لیکن عبد اللہ بھائی کو تو ٹھڈ پے گئی ہو گی، شاعر کی روح سے معذرت کے ساتھ
یا
خواب تھا جو دیکھا جو سنا افسانہ تھا

احوال کچھ یوں ہے کہ
عبد اللہ آدم بھائی کا میسج ملا کہ آپ سے ملاقات کرنے کی خواہش ہے
ہمارا کون سا کوئی سیکیورٹی رسک تھا جو جھجھکتے اور نہ کوئی ایسی پریشانی تھی کہ ملنے سے شرمائے
ہن نے فورا پتہ ارسال کیا اور ان کی خواہش کی تکمیل کا انتظام کر دیا،
مطلوبہ دن اور وقت پر جناب نے رابطہ کیا اور جاوید اخلاص پلازے کا مقام طے کر لیا گیا
اس کے بعد درویشوں کے ڈیرے پر پہنچنے تک کے احوال سے تو آپ آگاہ ہو ہی چکے ہیں۔
ویسے عبد اللہ بھائی کے مراسلات اور تحاریر دیکھ کر میرا ان کے بارے میں خیال تھا کہ دبلے پتلے اور شرارتی قسم کے نوجوان سے ملاقات ہو گی
لیکن ماشاء اللہ مناسب قد و قامت کے ساتھ متین شخصیت کے مالک چہرے پر سنت رسول سجائے ایک نوجوان سے ملاقات ہوئی۔
آنکھوں پر موٹے شیشوں والی عینک موصوف کے کثیر المطالعہ ہونے کی غمازی کر رہی تھی۔
بات چیت شروع ہوئی لیکن کوئی نہیں کہ سکتا تھا کہ یہ پہلی ملاقات ہے۔ دیکھنے والوں نے یہی سمجھا ہوگا کہ دیرینہ ساتھی ہیں ،،
بلکہ پاک نیٹ کا ماحول ہی کچھ اس طرح کا ہے کہ جن جن سے بھی ملاقات ہوئی ، سرمد بھائی، کامران تبسم بھائی، بدر بھائی اور پھر عبد اللہ آدم بھائی ، کسی کی بھی ملاقات پہلی ملاقات کا تاثر نہیں دے رہی تھی۔

آئے تو اسلامی یونیورسٹی میں داخلے کے حوالے سے رہنمائی لینے تھے لیکن ’’پیراں دا پڑھائی نال کی کم ‘‘۔
اپنی حکمت کے خم و پیچ میں ایسا الجھایا کہ جب یونیورسٹی کا خیال آیا تو وقت کوچ ہوا چاہتا تھا ۔

بہر حال تعلیم کے حوالے سے تو میں کیا رہنمائی کر سکتا تھا دلاسے اور تسلی دے کر ان کا دل اور اپنا ضمیر مطمئن کیا ۔۔
اور بطور مثال خود کو پیش کیا کہ بعض اوقات بغیر محنت کے بھی نکل جاتا ہے۔ اور اللہ کا شکر ہے کہ عزت رہ گئی اور عبد اللہ بھائی نے داخلے کے امتحان کے بعد بتایا کہ بہت اچھا ہو گیا۔ اور ان کا داخلہ بھی ہو گیا ۔ اللہ کامیاب کرے ۔۔ آمین
لیکن یہ نصیحت میں نے انہیں بھی کی اور باقی طالب علموں سے بھی ہے کہ پڑھائی کے دوران نیٹ کو بہت کم استعمال کریں ورنہ میری طرح کسی کام کے نہیں رہیں گے ۔۔

اب وقت ہوا چاہتا تھا کھانے کا، عبد اللہ بھائی جانے کے لئے اصرار کر رہے تھے اور دل میرا بھی مصر تھا کہ ’’راجہ جان دیو‘‘
لیکن پھر خیال آیا کہ کل کلاں کوئی تھریڈ لگا پاک نیٹ پر تو ۔۔۔۔۔۔۔۔۔
پھر جب ہوٹل پر پہنچے اور آرڈر دینے کا وقت آیا تو پھر وہی گومگو کی کیفیت کہ دال ماش یا دال چنا
لیکن پھر یہ پاک نیٹ کا تھریڈ نظروں کے سامنے آ گیا جس نے فیصلہ کرنے میں کافی آسانی مہیا کی

بہر حال کھانا کھایا اور اس دوران کافی باتیں ہوتی رہیں جن کا ذکر ایک کتاب کا متقاضی ہے ۔۔

سچ یہ ہے کہ عبد اللہ بھائی سے مل کر بہت خوشی ہوئی ، خاص طور اس دور میں دین سے وابستگی اور امت کا درد رکھنے والے نوجوان سے مل کر بہت خوشی ہوتی ہے۔
جاتے جاتے یہ طے ہوا کہ یہ صرف ایک ملاقات نہیں بلکہ ایک اچھے تعلق کا آغاز ہے۔

انشاء اللہ اگلی ملاقات عبد اللہ بھائی کے ہاں ہو گی اگر زندگی نے ساتھ دیا تو

__________________
محتاج اصلاح و دعا

عبداللہ آدم

ماشاء اللہ میرے لیے بڑی سعادت کی بات ہے کہ پیر صاحب نے کامل تین دن غور وخوض کے بعد راہنمائی فرمائی ہے..........

اب سنا ہے پیر صاحب افطاری کا انتظآم فرما رہے ہیں.................مریدین خاص کے لیے................
اللھم زد فزد.........

پیر صاحب کب حاضری دے جائے کہ مسترشد مرشد کے فراق میں نڈھال ہے................

راجہ اکرام

اصل میں بھائی غور و خوض نہیں تھا میں ۔۔ آپ نے اتنا بھرپور لکھ دیا تھا کہ اس کے بعد لکھنے کے لئے واقعی تیاری کی ضرورت تھی۔۔
کل کمر ہمت کو باندھا اور لکھ دیا
آپ کی بھاری بھرکم شخصیت اور پھر اتنی بھر پور تحریر کا جواب دینے لئے سوچنا تو پڑھتا ہے ناں


اور افطاری کے لئے مرشد بھی تیار ہے بس ساتھ کسی مرید کی تیاری کا انتطام کر رہا ہوں جو آمد و رفت کے اخراجات اور ذرائع کا انتظام کر دے۔
جیسے ہی کوئی ایسا سر پھر ملا ہم آپ کی خدمت میں حاضر ہو جائیں گے

سحر

بھائیوں آپ لوگ آسان زبان میں گفتگو نہیں فرماسکتے کیا

shafresha

بہن یہ ان کی آسان زبان ہی تو ہے!
مشکل زبان تو خاص تخلیہ میں‌ہی استعمال کرتے ہیں!

سلونی

اوہ مائی گاڈ
چند ایک الفاظ کے سوا کچھ بھی پلے نہیں پڑا

عدنان دانی

میں بھی بہت جلد آپ کا مرید بننے والا ہوں۔