گورنر کے قتل کی بحث عروج پر ہے۔ حمایتی اور مخالف دونوں طرف والے اپنی اپنی رائے کا اظہار کر رہے ہیں۔ کچھ لوگ اس عمل کو ماورائے آئین اقدام قرار دے رہے ہیں۔ بیشک یہ عمل قانون کو ہاتھوں میں لینے کے برابر ہے مگر قانون کے رکھوالوں سے چند سوالات ہیں

آخر کن محرکات کی بنا پر یہ قدم اٹھایا جانا پڑا ؟

کیا جب قانون کو غلط قرار دیا گیا اور قانون کا مذاق اڑایا گیا تو کتنے لوگوں نے اس کیخلاف پرچہ درج کرایا؟

کتنی اسلامی تنظیموں نے اس پر قانونی احتجاج کا راستہ اپنایا ؟

کیا گورنر کا یہ اس قانون کو کالا قانون کہنا توہین اسلام نہ تھا ؟

کیا اس کے یہ جملے توہین قانون نہ تھے؟

کیا ملکی قانون کو کھلم کھلا کالا قانون کہنا ملکی قانون کا مذاق نہ تھا؟

کیا اس قانون کو بنانے والے اس کیلیے نہایت تندہی سے دلائل دینے والوں کی توہین نہ تھی ؟

کیا اس قانون پر عدالتوں میں بحث نہ ہویئ تھی ؟

کیا اس قانون کو بنانے والے سارے ہی اپنے مفاد کو دیکھ رہے تھے ؟


کتنی عدالتوں نے اسلام کی توہین ، قانون کی توہین ، قانون دانوں کی توہیں ، اور عدالتوں کی توہیں پر سوموٹو ایکشن لیا ؟

اس سارے قانونی پہلو کی انجام دہی نہ ہو نے کا ذمہ دار قانون ہے؟ قانون بنانے والے ؟ قانون نافذ کرنیوالے ؟ سب کچھ جاننے کے باوجود قانونی چارہ جوئی نہ کرنیوالے ؟

آکر کیا وجہ ہے ہم سب کو پہلے نہ قانون نظر آیا ، نہ قانون کی توہین نظر آئی ، نہ ہم نے جاننے کے باوجود اس کے لیے جدوجہد کی اس کے باوجود ہم صرف ایک میٹرک پاس نوجوان کو مجبور ہو کر ایک انتہائی قدم اٹھانے پر انگلی اٹھاتے ہیں ؟