یہ ان دنوں کی بات ہے جب میں فائنل ائیر کی اسٹیوڈنٹ تھی ۔ میں کالج کی طرف سے ایک کانفرینس میں پریزینٹیشن دینے کے لئے منتخب ہوئی۔ میں نے سوچا پریزینٹیشن ملٹی میڈیا پروجیکٹر کی مدد سے دوں گی تو تاثر اچھا پڑے گا ۔ میں نے معلوم کرایا تو اس کا کرایا پندرہ ہزار روپے تھا۔ میں اپنے پرنسپل صاحب کے پاس گئی اور اپنا مدعا بیان کیا ۔ انھوں نے کالج کے فنڈ میں سے مجھ کو پیسے دلادیے۔
پریزینٹیشن سے ایک دن پہلے مجھ کو معلوم ہوا کہ اسٹیوڈنٹ کو ملٹی میڈیا پروجیکٹر کی اجازت نہیں۔اس طرح وہ پیسے خرچ نہ ہو سکے ۔ پریزینٹیشن کے بعد میں پرنسپل صاحب کے پاس پیسے واپس کرنے کے لیے گئی ۔ ( یاد رہے یہ ایک گورنمنٹ کالج تھا۔ تو انھوں نے کہا ہمارے پاس ایسا کوئی قانون نہیں جس سے پیسے گورنمنٹ کو واپس ہوسکیں اس لیے یہ پیسے تم رکھ لو ۔ میں نے کہا سر یہ پیسے میرے لیے فالتو ہیں جب میں ان کو خرچ نہیں کرسکتی تو یہ میرے لیے ردی کاغذ سے

ذیادہ کچھ نہیں۔ سر نے کہا میں تم کو اجازت دیتا ہوں تم ان کو خرچ کرلو ۔
تو میں نے کہا آپ کے اجازت
دینے سے میرے لیے حرام حلال نہیں ہوجائے گا۔ تو سر نے میری طرف اس طرح دیکھا جیسے ان کے سامنے کوئی پاگل کھڑا ہے۔
میں پیسے لے کر واپس آگئی تو میرے پاس ایک اور استاد آئے اور انہوں نے مجھ کو کہا کہ وہ پیسے مجھ کو دے دو
میں نے اپنے سر کو کہا کہ کیوں
انہوں نے کہا تم کیا کرو گی ان پیسوں کا لاؤ مجھ کو دے دو
میں نے سر کو کہا جو پیسے میرے لیے جائز نہیں وہ آپ کے لیے جائز کیسے ہو گئے
سر نے کہا تم تو بالکل پاگل ہو اور یہ کہ کر وہ چلے گئے۔
پھر میری کلاس کے لڑکے اور لڑکیوں کو پتا چلا تو وہ میرے پاس آئے کہ اگر تم سے یہ پیسے کھائے نہیں جارہے تو ہمیں دے دو ہم کھا لیتے ہیں
میں نے ان کو کہا ان پیسوں میں سے نہ ایک پیسہ میں خود کھاؤں گی نہ کسی کو کھانے دوں گی۔
ان سب نے بیک زبان ہوکر کہا کہ تم پاگل ہو۔
میں اپنے ہیڈ آف ڈپاٹمنٹ کے پاس گئ اور کہا کہ یہ پیسے میں اس کالج پر خرچ کرنا چاہتی ہوں
انھوں مجھ کو مشورہ دیا اور ان پیسوں سے کالج میں فن فئیر کا انتظام کرایا
ہم نے بہت سی کمپنیوں کے اسپانسرز بھی لیے اس فن فئیر میں اور اس طرح ہمارے پاس کافی پیسے جمع ہوگئے
ہمارے کالج میں ایک ہی لیکچر ہال تھا اس میں کرسیاں نہیں تھیں ہم سیڑھیوں پر بیٹھا کرتے تھے
ان پیسوں سے لیکچر ہال میں کرسیاں لائی گئی۔ جو آج بھی موجود ہیں
ہمارا چونکہ فائنل ائیر تھا اس لیے ہم ان کرسیوں پر نہیں بیٹھ سکے
آج بھی لوگ مجھے یاد کرتے ہیں تو ایک پاگل کے طور پر

کیا واقعی میں پاگل ہوں