ھر قوم کی ایک پہچان ھوتی ھے چینی قوم ان کی پہچان مسلسل محنت اور دل کے صاف ھوتے ھیں ۔۔۔امریکی قوم مکمل سیاستدان جو ھر کام کرنے سے پہلے اپنا فائدہ دیکھتے ھیں ۔ انگریز چالیں سوچ کر چلتے ھیں مگر اپنی نفرت کا اظہار نہ چاھتے ھوئے بھی کر دیتے ھیں ان کے مقابلے پہ جرمن قوم وہ آپ کی مدد بھی کرینگے مگر ان کے دل کا حال جاننا بہت مشکل ھے غیر ملکیوں سے نفرت ھو بھی تو ظاھر نہیں کرتے - اس کے مقابلے پہ پاکستانی قوم ایک جذباتی قوم ھر فیصلہ فوراً ھوتا ھے ھر ردِ عمل ایک دم ۔۔۔ مستقبل کی پلاننگ نہ حکمران کرتے ھیں نا عام لوگ ۔ کوئ ایک آواز اٹھاتا ھے سب اس کے ساتھ مل جاتے ھیں اگر کوئ کہتا ھے آوے گا بھی آوے گا تو سارے لوگ ساتھ مل کر بولنے لگتے ھیں اگر جاوے گا بھئ جاوے کا نعرہ بلند ہوتا ھے تو اس کے ھم آواز ھو جاتے ھیں -- بہت بار سنا اور دیکھا ھے سڑک پہ کوئ کسی کو مار رھا ھے ایک آواز آتی ھے مارو مارو کئ راہ گیر بنا اس کا قصور پوچھے مارنا شروع کر دیتے ھیں - اگر شور اٹھتا ھے پکڑو پکڑو چور ھے کئ لوگ اپنا کام چھوڑ کر چور کے پیچھے بھاگنے لگتے ھیں اگر ھاتھ آجائے تو پٹائ بھی شروع کر دیتے ھیں یہ بھی نہیں پوچھتے اس نے کیا چرایا ھے
اگر پتا چلتا ھے کسی بے اولاد نے کسی سے تعویز لیا تھا تو اولاد ھوگئ تو ساری بے اولاد عورتیں جو بھی سنتی ھیں تعویز لینے بھاگتی ھیں - اگر پتا چلتا ھے کسی جگہ آسیب ھے تو اس جگہ سے لوگ گزرنے سے ڈرنے لگتے ھیں ھم عام سے لوگ - کتنے وھمی ھیں جلدی باتوں میں آجانے والے جذباتی فیصلے کرنے والے ھمارے دشمن ھمیں کتنی اچھی طرح جانتے ھیں وہ ھمیں ھماری کمزوریوں کو استعمال کرتے ھیں ھم استعمال ھو رھے ھیں مگر دشمن کی چالوں سے بے خبر ھیں ھمیں تو یہ بھی نہیں پتا ھمیں استعمال کون کر رھا ھے ھمارا دشمن کون ھے ھمارے ھی ملک میں ھمارے ھی آس پاس رھتے ھوئے کبھی مذہب کے نام پہ کبھی صوبائ اور لسانیت پہ ھمیں لڑاتے ھیں ھم کسی کٹ پتلی کی طرح وہی کرنے لگتے ھیں جو وہ چاھتے ھیں - ھم ھی قتل ھو رھے ھیں ھمیں قاتل ھیں ۔ ھم کٹ پتلی دوسروں کے اشارے پہ بھاگنے والے ۔ کٹ پتلیاں صفہء ھستی سے مٹ بھی جائیں تو کون روتا ھے کٹ پتلیاں تو تماشہ دیکھانے کے لیے ھوتی ھیں اور یہ حقیقت ھے ھم تماشہ بنے ھوئے ھیں اور ساری دنیا ھمارا تماشہ دیکھ رھی ھے جب ھم مرتے ھیں تو کوئ نہیں روتا جب ھم زندہ ھونے لگتے ھیں تو ھمیں مارا جاتا ھے سانس لینے کی کوشش کرتے ھیں تو کئ ھاتھ سانس بند کرنے کے لیے اٹھتے ھیں آنکھیں کھولنے کی کوشش کرتے ھیں تو آنکھوں کے سامنے کئ پردے ڈال دیے جاتے ھیں-کچھ سننا چاھتے ھیں تو ھمیں یاد دلایا جاتا ھے کہ ھمیں اس کا کوئ حق نہیں - ایک فون پر قوم کے رھنما کٹ پتلی کی طرح سر ھلانے لگتے ھیں برسوں گزر گئے ھمیں تماشہ بنے ھوئے ھماری پہچان یہی ھے کیا کبھی ھم دنیا میں انسان کے طور پہ پہچانے جائینگے ؟ کیا ھم اپنے فیصلے اپنی مرضی سے کر سکیں گے ؟ یا جب ھمیں نچانے والے تھک جائینگے تماشہ دیکھنے والے اکتا جائینگے تو کیا ھوگا ؟ کیا وہی جو بے کار چیزوں کا ھوتا ھے ؟