میری ایک دوست میرے پاس آئی ۔ وہ شکل سے بہت پریشان لگ رہی تھی۔ اس نے اپنی پریشانی اور اپنے دکھ مجھے بتانے شروع کردئے ۔ میں اس کی بات سنتی رہی لیکن مجھے پتا تھا کہ میں اس کی کوئی مدد نہیں کرسکتی ہوں۔اس کی باتوں کا لب لباب یہ تھا کہ میرا اس دنیا میں کوئی نہیں۔ اس کی بات سن کر میری آنکھوں میں آنسو آگئے۔
میر ی آنکھوں میں آنسو دیکھ کر وہ ایک دم خاموش ہوگئی ۔ اور کہنے لگی اب مجھے کوئی دکھ نہیں ۔ میں بغیر شکوہ کئے تمام تکالیف برداشت کرلوں گی۔ یہ سوچ کر کہ اس دنیا میں کوئی ہے جو میرے لئے روتا ہے۔
اپنے دکھوں پر تو سب ہی روتے ہیں کبھی دوسروں کے دکھوں پر رو کر دیکھئے ۔ اس سے آپ کو کتنا سکون ملتا ہے ۔ اور کوشش کریں آپ کی زندگی دوسروں کے لئے باعثِ
سکون بنے۔
سحر