طارق راحیل

میری بیٹی نے 12 اگست کو جنم لیا۔۔۔۔۔۔۔۔۔۔۔۔۔۔۔۔۔۔

چیتا چالباز

2 دن بعد ہوتیں تو پورا پاکستان ہر سال ان کی سالگرہ مناتا

ابو عمار

2007 میں میرا ایکسیڈنٹ ہوا تھا جس کی وجہ سے میں پورے 2008 میں ٹیکسی سے ہی سفر کرتا رہا۔ اس سال میرا تعلق زیادہ تر ٹیکسی والوں سے ہی رہا۔ میں ان لوگوں سے بہت متاثر ہوا۔ میں ان کو واقعات نہیں کہوں گا مگر انکی چھوٹی چھوٹی باتیں ہیں جن کو میں نے بہت enjoy کیا یا جن سے میں بہت متاثر ہوا۔

- ایک بہت بوڑھے ٹیکسی والے سے میں نے پوچھا کب سے ٹیکسی چلا رہے ہیں، تو کہتے ہیں، بیٹا آپ کا سن پیدائیش کیا ہے۔ میں نے کہا 1975 تو کہتے ہیں بیٹا جس گاڑی میں آپ بیٹھے ہو 1976 سے میں ہی چلا رہا ہوں۔

- ایک ٹیکسی والے بابا نے کہا کہ بیٹا جہاں آپ کا دفتر ہے وہاں پہلے ویرانہ ہوتا تھا اور ہم یہاں برساتی ندی میں بہتی ہوئی لاوارث لاشیں دفناتے تھے۔

- ایک بابا جس نے مجھ سے کرایہ بھی زیادہ مانگا اور میں مان بھی گیا کیونکہ وہ مجھے بہت sweet سا بابا لگ رہا تھا۔ بیٹھتے ہی مجھے ایک کاپی اور پنسل تھما دی اور شروع ہوگیا حساب کتاب لکھوانے۔ اتنے پیسے فلاں مسجد میں دیے۔ اتنے پیسے فلاں مولانا کو دیے۔ اتنے پیسے فلاں مدرسے کو دیے۔ میں نے روک کر پوچھا بابا کیا گھر میں نہیں پیسے نہیں دیتے۔ شاید کم سنتا تھا زور سے بولا 'ہاں'۔ میں نے اپنا سوال دہرایا تو غصے میں آگیا کہ گھر کا کیا ہے، گھر میں تو سب کتے ہیں، بیوی کو جتنا دو کم ہے، اولاد کو جتنا دو وہ نافرمان ہی رہتی ہے، یہ تو سب کتے ہیں جتنا کھلائو کھاتے رہتے ہیں۔ ان مولوی لوگوں کو دیتا ہوں تو کچھ آخرت کا بن جائے گا۔ خوتم چوڑو صاب آگے لکھو۔

- ایک ٹیکسی والے بابے سے 140 طے ہوا، منزل پر پہنچنے پر میں نے 150 نکالے اور اس کو دیے تو بولا: صاب کھلا نہیں ہے۔ میں نے کہا اچھا جب کھلا ہوجائے توکسی غریب کو دے دینا۔ تو وہ یہ کہہ کر چلتا بنا کہ اچھا صاب بڑی مہربانی ہم سے زیادہ غریب اور کون ہوگا۔

- ایک بابے سے میں نے پوچھا اتنا عرصہ ہوگیا ٹیکسی چلاتے ہوئے تو زیادہ تر کیسے لوگ ملے۔ پٹھان بابا تھا۔ تو بولا صاب کیا بتاوے آپ کو کبھی کبھی تو اتنا اچھا لوگ مل جاتا ہے کہ دل چاہتا ہے بس بیٹھا رہے اور بیشک پیسے نہ دیوے۔ اور کبھی ایسا لوگ بھی بیٹھ جاتا ہے کہ دل چاہتا ہے کہ یہ الٹا ہم سے پیسے بھی لے لیوے اور یہیں غرق بھی ہوجاوے۔

- ایک پٹھان نوجوان سے میں بہت متاثر ہوا، گریجویٹ تھا نوکری کرتا تھا پہلے اور اچھی آمدنی تھی۔ مگر پھر سب چھوڑ کر ٹیکسی خریدی اور اب 3 ٹیکسی بھی بنا لی اور 1 وین بھی۔

- ایک ایسا اللہ لوک بابا بھی ملا جس کا کھانا پینا، سونا جاگنا سب ٹیکسی میں، نہ اس کا کوئی گھر نہ ٹھکانا۔ جہاں رات ہوجاتی سوجاتا، جہاں بھوک لگتی گاڑی روک کر کھانا کھا لیتا۔

- ایک پڑھا لکھا سعودی ریٹرن سے میں نے پوچھا پڑھے لکھے ہو کوئی نوکری کیوں نہیں‌ کرلیتے۔ تو کہنے لگا سعودیا میں جاب کرتا تھا اپنی ماں کی وجہ سے چھوڑ دی کہ ان پر فالج گر گیا ہے۔ اور ان کے سارے کام میں خود کرتا ہے۔ مجھے جہاں کی بھی سواری ملے میں اسے اسکی منزل پر چھوڑ کرواپس اپنے علاقے میں‌ آجاتا ہوں کہ کہیں میری ماں‌کو میری ضرورت نہ پڑجائے۔

- سب سے زیادہ جس شخص سے میں متاثر ہوا وہ ایک 55 سالہ بابا تھا جسے میں نے رات 9 بجے ایک ریسٹورنٹ جانے کے لیے کہا۔ کچھ تامل کر کے وہ مان گیا۔ جب میں اپنے مطلوبہ ریسٹورنٹ پر پہنچا تو میں نے اس سے ریکوسٹ کی کہ اگر وہ میرے لیے آدھا گھنٹہ رک جائے تو میں اسکے ساتھ واپس چلا بھی جائوں گا اور اسے رکنے کے پیسے بھی دوں گا۔ اصل میں‌ رات بھی تھی اور راستہ کافی ویران تھا اور میں اپنی فیملی کے ساتھ تھا۔ اس پر وہ بابا تھوڑا سا پریشان ہوا اور مجھے کہنے لگا کہ صاحب آپ کو کہیں دیر نہ ہوجائے۔ میں نے اس سے کہا کہ اگر دیر ہوجائے تو بیشک آپ چلے جانا۔ خیر ہوا یہ کہ مجھے وہاں گھنٹے سے زیادہ لگ گیا اور میں‌ نے سوچ لیا تھا کہ اب تو ٹیکسی والا چلا ہی گیا ہوگا۔ کافی دیر بعد ہوٹل کا بیرا میرے پاس آیا اور کہنے لگا کہ باہر ایک ٹیکسی والا آپ کا انتظار کر رہا ہے۔ مجھے بہت حیرت ہوئی اور میں فیملی سمیت واپس ٹیکسی میں آگیا تو بچارا ٹیکسی والا ابھی تک میرا انتظار کر رہا تھا۔ میں نے اس سے معذرت کی اور پوچھا کہ کافی رات ہوگئی ہے کیا آپ کھانا کھائو گے تو کہنے لگا کہ یہی تو مسئلہ ہے صاحب میرا گھر یہاں سے گھنٹے کی مسافت پر ہے اور میری ماں کھانے پر میرا انتظار کر رہی ہوگی اور وہ میرے بغیر کھانا نہیں کھاتی۔ اتنا میں آپ کے بچوں کی وجہ سے رک گیا کہ آپ کو پریشانی نہ ہو۔
مجھے اس بندے نے بہت متاثر کیا، کہ ماشاءاللہ ایسے عظیم لوگ بھی ابھی ہیں دنیا میں۔

اوپر کہی ہوئی ساری باتیں بظاہر عام سی اور معمولی سی ہیں مگر یہ وہ عظیم جذبے ہیں جو اب ختم ہوتے جا رہے ہیں۔ اور جو میرے لیے 2008 کی یادیں ہیں۔

ابو عمار

طارق بھائی مبارک ہو اللہ نے آپ کو اس سال اپنی رحمت سے نوازہ ہے۔

عبدالقدوس

ایک حادثے میں میرا پاوں زخمی ہوا اور بالآخر 2 ماہ بعد آدھی انگوٹھے کے ساتھ آدھے انگلی شہید ہوگئی

__________________

malik akmal

بہت ہی ا چھی یادیں شئر کی ہیں اللہ آپ کو صحت عطا فرمائے

ابو عمار

بہت افسوس ہوا آپکے انگوٹھے کا۔

مجاور

میری شادی ہوتے ہوتے رہ گئی

ابو عمار

اوئے ہوئے یار اگر ایک اینگل سے دیکھو تویہ سال کا سب سے عظیم سانحہ ہے۔

ویسے اگر دوسرے اینگل سے دیکھو تو ایک عظیم سانحہ ہوتے ہوتے رہ گیا
(مزاق کر رہا ہوں ناراض مت ہونا)

چیتا چالباز

کوئی بات نہیں

محمود غزنوی نے بھی 17 حملوں کے بعد کامیابی حاصل کی تھی


اٹھ باندھ کمر کیا ڈرتا ہے
پھر دیکھ خدا کیا کرتا ہے