زارا

السلام علیکم

امریکہ میں ہونے والی ایک تحقیق میں کہا گیا ہے کہ کھانے سے پہلے پانی پینے سے وزرن کم کرنے میں مدد ملتی ہے۔

ورجینیا میں سائنسدانوں کا کہنا ہے کہ جو افراد وزن کم کرنا چاہتے ہیں اگر وہ دن میں تین بار کھانا کھانے سے پہلے دو گلاس پانی پئیں تو وہ کم از کم تین کلو وزن کم کر سکتے ہیں۔

سائنسدانوں نے یہ تجربہ اڑتالیس افراد پر کیا جنہیں بارہ دن کے لیے دو گروپوں میں تقسیم کردیا گیا تھا۔

تحقیق کرنے والوں کا کہنا ہے کہ ایک طرف جہاں پانی پینے سے کیلوریز کم ہوتی ہیں وہیں ضرورت سے زیادہ پانی پینے صحت پر منفی اثرات مرتب ہوسکتے ہیں۔

تحقیق کاروں نے اپنی دریافت بوسٹن میں نیشنل میٹنگ آف دی امریکن کیمیکل سوسائٹی کے سامنے پیش کی ہیں۔

پہلے گروپ نے کم کلیوری والا کھانا کھایا تھا اور کھانے سے پہلے پانی نہیں پیا تھا۔ دوسرے گروپ نے بھی کم کیلوری والا کھانا کھایا لیکن کھانے سے پہلے دو گلاس پانی پیا تھا۔

جن لوگوں نے کھانے سے پہلے پانی پیا تھا انہوں نے تقریبا بارہ کلو وزن کم کیا جب کہ جنہوں نے پانی نہیں پیا انہوں نے تقریبا نو کلو وزن کم کیا۔

اس سے پہلے ایک تحقیق میں پایا گیا تھا کہ جو درمیانی اور زیادہ عمر کے لوگ کھانے سے پہلے پانی پیتے ہیں وہ کم کھانا کھاتے ہیں جس کے نتیجے میں دوسروں کے مقابلے وہ پچھتر فی صد کم کیلوری کھاتے ہیں۔

ورجینیا ٹیک یونیورسٹی میں اس تحقیق میں حصہ لینے والے پروفیسر برانڈ ڈیوی کا کہنا ہے ’لوگوں کو وزن کم کرنے کے لیے چینی والی ڈرنکس سے زیادہ پانی پینا چاہیے‘۔

تحقیق کاروں کا کہنا ہے ' ڈائٹ ڈرنکس' یا وہ ڈرنکس جن میں مصنوعی چینی ہوتی ہے اس سے بھی وزن کم کرنے میں مدد ملتی ہے۔

سورس: بی بی سی اُردو

زارا

__________________

محمدعدنان

بہت اچھی شئیرنگ ہے
شکریہ

niazi1968

بہت خوب بہت اچھی شیئرنگ ہے۔
ویسے اگر صبح نہار منہ ایک کیلاکھایا جائے اور پھر کچھ دیر بعد ناشتا ، پھر دوپہر اور رات کے کھانے سے پہلے دو دو کیلے کھالئے جائیں تو اس عمل سے بھی وزن کم کرنے میں مدد ملتی ہے۔
عام چائے کے مقابلے میں سبزچائے“Green Tea” کا زیادہ استعمال بھی وزن کم کرنے میں مدد دیتاہے اور اگر اس میں تھوڑا سا لیموں بھی نچوڑ لیا جائے تو اثڑ زیادہ ہوتاہے۔شکریہ
غلام حسین نیازی۔کراچی۔پاکستان

احمد بلال

اگر ورزش کو اپنا معمول بنا لیا جائے تو کیا ہی کہنے۔۔

زارا

السلامُ علیکم

لیکن یہ ٹوٹکہ کسی کسی کو سوٹ کرتا ہے۔

مہتاب

اس ٹوٹکے میں سے کھانے کو نکال دیا جائے تو سود مند ثابت ہو سکتا ہے

عدنان دانی

اپنڈکس کے آپریشن کے بعد نہ جانے کیوں میرا
وزن بڑھنے لگا ہے ، اب یہی ٹرائی کروں گا۔
شئیرینگ کا شکریہ

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !