ابوسعد

بھائیو! آج کل ہمارے علاقہ میں ٹماٹر بہت ہی سستے داموں دستیاب ہیں‌ہماری ’’بے غم‘‘ کی خواہش ہے کہ اس کا پیسٹ بنا کر رکھ دیا جائے تاکہ بوقتِ‌ضرورت (جب کہ ٹماٹر کی پرواز بہت اونچی ہو( استعمال کیا جاسکے،لیکن بات اس پیسٹ کو زیادہ عرصہ تک محفوظ رکھنے کی ہے،کیا کسی بہن/بھائی کے پاس اس کا کوئی حل ہے؟؟؟؟؟؟

عبیداللہ عبید

جی ہاں یہ ممکن ہے ۔ اس کے لیے پریزرویٹیوز کے لفظ سے سرچ کرلیں ۔ ڈھیر سارا مواد سامنے آجائے گا ۔لیکن ہوگا انگریزی میں ۔

استاذیم قبلہ وکعبہ حضرتِ گوگل صاحب مدظلہ اس موقع پر اکثر دستگیری فرماتے ہیں۔

زارا

السلامُ علیکم

ٹماٹرکو محفوظ کرنے کیلئے آپ ٹماٹر دھوکر خشک کرلیں پھران کو کاٹ کر ہلکا سا ابال لیں (بغیر پانی) یا اگر چاہیں تو یونہی بلینڈر میں ڈال کر پیسٹ بنالیں اور برف جمانے والی ٹرے میں کیوبز کی شکل میں جمالیں۔ جم جانے کے بعد ان کو ٹرے سے نکال کر تھیلی میں بند کرکے رکھ لیں۔ یہ محفوظ ہو جائے گا۔ شُکریہ

عبیداللہ عبید

اس کا ایک اور طریقہ بھی ہے ابالنے والا لیکن میں اس کا صحیح تناسب بھول گیا ہوں اس میں ایک چیز ڈالتے ہیں پوٹاشیم میٹا بائی سلفاس ۔ یہ جو آپ مارکیٹ میں احمد اور شنگریلا وغیرہ کے کیچپ اور ساس وغیرہ دیکھتے ہیں یہ سب اس کا اور صفائی کا کمال ہے ۔

سیپ

بسم اللہ الرحمٰن الرحیم
السلام علیکم ورحمتہ اللہ و برکاتہ
کیچپ بنا لیں

ابوسعد

کیسے؟؟؟؟؟؟؟؟؟؟؟؟؟؟؟؟؟؟؟؟؟ ؟؟

سیپ

بسمہ اللہ الرحمٰن الرحیم
السلام علیکم ورحمتہ اللہ وبرکاتہ
’’باورچی خانہ‘‘ میں ترکیب لکھ رہی ہوں

عبیداللہ عبید

سیپ صاحبہ پھر یہاں اس کا لنک فراہم کریں، یا اس تھریڈ کو بھی باورچی خانے میں منتقل کریں ۔

اگر دونوں باتیں ہوجائیں تو کیا کہنا واہ بھئی واہ ۔

عبیداللہ عبید

ابو سعد بھائی ! آج میرے پاس ایک ایسا آدمی آیا جو ترناب فارم کے قریب کسی ایسے شخص کے پاس کچھ دیر رہا تھا جو ٹماٹر محفوظ کرتا تھا ۔

باتوں باتوں میں اس سے ترکیب پوچھ لی ، اس نے کہا میں نے خود کبھی محفوظ نہیں کیا لیکن ترکیب لکھی ہے میرے پاس ۔

ترکیب : ٹماٹر ایک کلو ، سوڈیم بینزوویٹ دو گرام، پوٹاشیم میٹابائی سلفیٹ دو گرام ،نمک خوردنی پانچ گرام۔

ٹماٹر جس طرح سالن کے لیے کاٹتے ہیں۔کاٹ کر رکھ دیں اور اس کے بعد درجہ بالا دونوں کیمیکل بشمول نمک کے ملاکر ٹماٹر کے ٹکڑوں میں مکس کریں۔اور جار میں بند رکھیں۔

نوٹ: ابالنا نہیں ہے۔

اگر چہ اس شخص نے تاکید سے کہا ہے کہ اس سے ٹماٹر محفوظ رہتے ہیں لیکن مجھے اس ترکیب پر دو اعتراض ہیں۔
پہلا یہ کہ اس میں کیمیکل کی مقدار بہت زیادہ ہے اور دوسرا یہ اس میں حرارت نہیں پہنچائی گئی ہے۔

آپ مذکورہ بالا ترکیب کے مطابق کم مقدار میں بنا لیں ، کامیابی ہوئی تو مقدار نیٹ پر ڈھونڈ لیں گے ۔کامیابی نہ ہوئی تو میں آپ کو حرارت والا طریقہ بتا دوں گا۔

یاسر عمران مرزا

میرے خیال سے زارا کا طریقہ بہترین ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔

ام حازم

ساری ترکیبیں‌کرکے دیکھی ہوئی ہیں‌ پیسٹ بنا کر رکھنے والی کافی بہتر ہے لیکن اگر چکن کڑاہی یا ٹماٹر گوشت پکائیں تو اس میں‌یہ پیسٹ کسی کام نہیں‌آتا ہے اس لیے میں‌جب ٹماٹر سستے ہوتے ہیں تو تھوڑے سے آئل میں‌ ٹماٹر کاٹ کر ہلکی آنچ پر پکا لیتی ہوں اور پھر ان کو چھوٹے کنٹینرز میں بند کرکے فریز کر دیتی ہوں‌۔ پھر جب کڑاہی وغیرہ بنتی ہے تو گوشت یا چکن گل جانے کے بعد ڈال دیتی ہوں‌ بالکل وہی ذائقہ آتا ہے جو تازہ ٹماٹر ڈال کر آتا ہے۔ میری رائے تو یہی ہے کہ کیمکلز کا استعمال نہ ہی کیا جائے تو بہتر ہے ۔