زارا

السلام علیکم

ہاتھ آپ کی شخصیت کا آئینہ ہوتے ہیں، خوبصورت ہاتھوں کا اثر چہرے پر بھی پڑتا ہے، زیادہ تر عورتیں اپنے ہاتھوں کے بارے میں بہت زیادہ لاپرواہ ہوتی ہیں،شادی کے بعد تو وہ اور بھی لاپرواہ ہو جاتی ہیں، عورتیں اگر ہاتھوں کی خوبصورتی کے بارے میں محتاط ہیں، تو ان کو بد صورت ہونے سے بچا سکتی ہیں۔


ہاتھوں کی خوبصورتی کی دیکھ بھال کے لئے ہاتھ کو ہتھیلی، کہنی، ناخن،اور بازوں میں تقسیم کرلیں،تاکہ آپ ہاتھوں کی دیکھ بھال صحیح طریقے سے کرسکیں، ہاتھ کے اوپر والے حصے کی جلد کافی نرم اور پتلی ہوتی ہے جس کی وجہ سے ہاتھوں کی جلد پر جھریاں جلد پڑجاتی ہیں اور ان سے بڑھتی عمر کا علم ہو جاتا ہے، ہتھیلی کے نچلے حصے کی جلد سخت اور موٹی ہوتی ہے، اس حصے میں کسی قسم کے چکنے غدود نہیں ہوتے جس سے صابن، ڈٹرجنٹ سوڈا بھاری پانی وغیرہ کے استعمال سے ہی ہاتھ کا یہ حصہ فورا پھٹکنے لگتا ہے۔

ان باتوں پر توجہ دیں

ہفتہ میں ایک بار مینی کیور (Manicure) ضرور کریں۔

کپڑے دھوتے، برتن صاف کرتے، باغبانی، پینٹ وغیرہ کرتے وقت ہاتھوں پر گلوز ربڑ کے دستانے پہن لیں، اس سے آپ کے ہاتھ محفوظ رھیں گے۔

سبزی کاٹنے سے پہلے ہاتھوں پر مونگ پھلی، سرسوں، زیتون میں سے کسی ایک کا تیل لگا لیں اس سے ہاتھوں پر نشان نہیں پڑیں گے۔

ہاتھوں کو زیادہ دیر تک گیلا نہ رکھیں، اس سے ہاتھوں کی جلد خشک ہو جاتی ہے، جس سے ناخنوں کے ارد گرد کی جلد ڈھیلی اور بے جان سی ہوتی ہے۔

ہاتھوں کی جلد کو خوبصورت اور پر کشش بنائے رکھنے کے لئے آپ اپنی خوراک میں وٹامن اے، بی، سی، ڈی، کیلشئیم آئرن اور پروٹین سے بھر پور خوردنی چیزوں کو شامل کریں۔

ہاتھوں کی خوبصورتی کے لئے ورزش کریں، اپنے دونوں ہاتھوں کی مٹھیوں کو جلدی جلدی کھولیں اور بند کریں، ایسا پندرہ بیس مرتبہ کریں، انگلیوں کو پھیلائیں اور پھر آپس میں ملائیں، یہ عمل بھی پندرہ بیس بار کریں، اس سے ہاتھوں کی انگلیاں زیادہ خوبصورت اور پر کشش ہوں گی۔

مٹھی باندھ کر ہاتھ کی کلائی کو گھڑی کی سمت میں دس پندرہ مرتبہ گھمائیں پھر گھڑی کی الٹی سمت میں گھمائیں اس سے کلائی میں لچکیلا پن آئے گا، تیرنا، رسی کودنا وغیرہ ورزشوں سے بازوں کی خوبصورتی میں اضافہ ہوتا ہے۔

__________________

Miss Khan

وعلیکم السلام
بہترین۔۔۔۔ جزاک اللہ

یاسر عمران مرزا

مفید معلومات کے لیے شکریہ۔۔۔۔۔۔۔۔۔۔۔

مرزا عامر

پاکستان میں اکثر گلوز پہن کر کام کرنے کا رجحان نہیں ہے ۔ ربر کے گلوز زیادہ مہنگے بھی نہیں ہوتے اور کافی عرصہ چل جاتے ہیں ۔ یورپ کی خواتین برتن گلوز پہن کر ہی دھوتی ہیں اس کے علاوہ اگر گھر کی کھڑکیاں وغیرہ بھی صاف کرنے ہو تو گلوز پہن کر کرتی ہیں

__________________

میں اک دن لَوٹ کے آوں گا

حیدر

آہاں۔۔۔۔یارا جی شوہر حضرات کا خرچہ مزید مت بڑھوائیں۔















































وہ ایک لاکھ روپیہ بیماری کے علاج پر لگا دیں گے لیکن ایک سو روپیہ احتیاط پر نہیں

راجہ اکرام

اس طرح کے ہاتھ ۔۔۔۔۔۔۔۔۔۔ تصویروں کی حد تک ہی ہیں
ورنہ جو خواتین بھینسوں کے گوبر اٹھانے سے لے کر دیگچیاں رگڑنے تک کے کام کرتی ہیں ان کی حالت ۔۔۔۔۔

__________________
محتاج اصلاح و دعا

حیدر

مجھے یہ ہاتھ پہلے کیوں نظر نہیں ائے تھے۔
میں ہمیشہ دیر کیوں کر دیتا ہوں