سیفی خان

ملائیشیا میں جاری بیسویں اذلان شاہ ہاکی ٹورنامنٹ میں اپنے دوسرے میچ میں پاکستان نے جنوبی کوریا کو دو کے مقابلے میں چار گول سے شکست دے دی ہے۔

ایپوہ میں کھیلے گئے میچ میں ابتدائی لمحات میں جنوبی کوریا نے پاکستانی ٹیم پر مسلسل دباؤ ڈالا اور اسے تیرہویں منٹ میں اس وقت کامیابی ملی جب ہن ہائی سنگ نے پینلٹی کارنر پر گول کر دیا۔

میچ کے اٹھارہویں منٹ میں پاکستان کو دو پینلٹی کارنر ملے مگر ان سے فائدہ نہ اٹھایا جا سکا۔ تاہم تین منٹ بعد ہی ریحان بٹ نے گول کر کے میچ برابر کر دیا۔
پہلے ہاف کے اختتام پر میچ ایک ایک گول سے برابر تھا۔

دوسرے ہاف میں میچ کے پینتالیسویں منٹ میں جنوبی کوریا کو دوسرا پینلٹی کارنر ملا جس پر ایک بار پھر ہن ہائی سنگ نے گول کر کے جنوبی کوریا کو برتری دلوا دی۔

میچ کے اختتامی لمحات میں پاکستانی ٹیم نے شاندار کھیل کا مظاہرہ کیا اور پہلے سہیل عباس نے پینلٹی کارنر پر گول کر کے میچ برابر کیا اور اس کے بعد عبدالحسیم خان اور وقاص نے مزید دو گول کر کے پاکستان کو فتح دلوا دی۔

یہ اس ٹورنامنٹ میں پاکستان کی لگاتار دوسری کامیابی ہے۔ پاکستان نے اپنے پہلے میچ میں نیوزی لینڈ کو دو کے مقابلے میں چار گول سے ہرایا تھا۔

بی بی سی اردو

__________________

میرا بلاگ۔ صدائےقلندرhttp://saifikhan011.blogspot.com/