جشن ِ آزادی کا دن مجھے ایک سؤال دے کر چلا گیا۔ لیں پڑھیں اور جواب دیں۔
آپا جی عائشہ میری چونتیس برس قبل اُستانی بنیں مگر بے تحاشا پیار وتوجہ پر مَیں کوئی پندرہ برس بعد ان کا یہ رویہ اپنی والدہ سے پوچھ بیٹھی۔ انہوں نے بتایا۔
آپا جی عائشہ اپنے دو بچوں اور شوھر کے ساتھ ھجرت ِپاکستان کے وقت گھر سے بیل گاڑی میں نکلیں۔ ابھی کچھ ھی دیر ھوئی کہ ان کے شوھر نے زیورات ،نقدی اور جائداد کے کاغذات والے تھیلے کی بابت دریا فت کیا؟ وہ بولیں کہ جلدی، خوف اور وقت کی کمی کے باعث وہ تھیلا گھر ھی رِہ گیا ھے۔ شوھر نے آئندہ مالی حالات کی خرابی کے خوف کو محسوس کرتے ھوئے آپا جی کے لاکھ منع کرنے کے باوجود گھر جانے کا فیصلہ کیا۔ کچھ ھی دیر میں ایک جاننے والے نے شاید مرنے والے کایہ آخری پیغام پہنچایا کہ انکو ھندؤوں نے مارڈالا ھے آپ جلد از جلد پاکستان پہنچنے کی کوشش کریں۔
روتے کرلاتے آپا جی پاک دھرتی پر قدم رکھنے میں کامیاب ھوگئیں۔وہ ٹوبہ ٹیک سنگھ میں میری نانی کی کم عمر لاوارث بیوہ ھمسائی تھیں۔ نانا جان سخی وخدا ترس تو تھے ھی اس کا فائدہ اٹھاتے ھوئے نانی جان حتّی الوسع انکے کام آتیں۔
دو بچوں کا اور پہاڑ سی ذندگی کے ساتھ نے آپا جی کو جینے کا حوصلہ دیا۔ اپنی ادھوری تعلیم کو پورا انہوں نے مگر نوکری نانا جان کے توسط سے ان کو ملی۔ وہ مطمئن زندگی کے سپنے آنکھوں میں بھر ھی رھیں تھیں کہ اِک طوفان ان کی زندگی میں آگیا۔
ایک بُرا محلّے دار ان کی کم عمری اور خوبصورتی کے باوجود نیک نامی برداشت نہ کرپایا۔ اور حیلے بہانوں سے اُن کو تنگ کرنے لگا۔ جب بات برداشت سے باھر ھو گئی تو آپاجی نے تنگ کرنے کی شکایت محّلے داروں سے کرنے کی دھمکی دی۔ وہ کھسیانہ سا ھو کر انکی ھمّت سے پرخاش رکھتے ھوئے کہنے لگا کہ وہ نکاح کرنا چاھتا ھے ان سے۔
آپاجی جھٹ بولیں مجھے بچوں کے علاوہ کوئی سہارا درکار نہیں۔ اب وہ اپنا سا منہ لے کر دل میں بدلے کی آگ لیے ھوئے گھر آگیا۔ آپا جی سمجھدار خاتون تھیں فوراً نانی جان کو ساری بات اور دل کے خوف کی بابت بتلادیا۔ نانی جان نے کچھ دُور کی سوچتے ھوئے نانا جان کو ان کی عزّت کی رکھوالی کے عہد نبھاہنے میں شامل کر لیا۔
رات کو اس شخص کی شرارت کا جہاندیدہ ناناجان کو پورا یقین تھا۔وہ نانی جان کو لے کر آپاجی کے گھر روانہ ھوئے۔ رات کے پہلے ھی پہر اس زمانے کے روشندان والے گھر کے ذریعے کوئی چیز دھک سے گری۔ دیکھا تو سرخ گوٹے والا سوٹ تھا۔ نانی جان نے آپا جی کو بے فکر ھوکر سونے کا کہا اور سوٹ لیے گھر آ گئیں۔
صبح ھوئی اُس بندے کی شامت ِ اعمال کہ محلّے داروں کو اکٹھا کر کے آپا جی کے گھر کے سامنے شور کرنے لگا۔ ۔ ۔ کہ تحفے لیتی رھی ھیں سارے گھر کاخرچا پورا کرتا رھا ھوں مَیں اب تو نکاح کا سوٹ بھی قبول کر لیا ھے اب دیر کاھے کی؟؟؟؟؟
مجمعے کے پیچھے سے نانا جان نمودار ھوئے۔یہی سوٹ ھے نا ۔ وہ جلد بازی میں بول بیٹھا جی ۔جی۔ جی ھاں۔۔۔۔۔۔۔ مگر دوسرے ھی لمحے حالات کی نزاکت کو محسوس کرتے ھوئے چپ کرگیا متفکر چہرہ لیے ھوئے۔ اب بولنے کی باری نانا جان کی تھی۔ گذشتہ اور پچھلے کئی مہینوں سے آپا جی عائشہ جیسی نیک خاتون کو تنگ کرنے کے واقعات کا سن کر تو محلے والوں کا غصہ دیدنی تھا۔
پھر ان خاتون کی طرف کبھی بھی کسی کی ھمت نہ ھوئی۔ اب تو اللہ سے ان کے بلند درجات کے لیے دعا گو ھوں۔ مگر اس سؤال کے ساتھ؟؟؟؟؟ کہ بیوہ کرنے والے تو آپا جی کے غیرمزھب وملک دشمن تھے۔ مگر یہاں تو ملک مزھب کا فرق نہ تھا پھر وہ اس جواب کو کن الفاظ میں ڈھونڈھ کر خود کو تسّلی دیتی ھوں گی؟
ویسے ھم سب کو ایسے لاوارث لوگوں کا نانا جان اور نانی جان جیسا ھی سر پرست بننا چاھئیے ۔ ھے نا۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔