پیاری زینب مگر زینب کو پیاری ''آپا'' ۔ گھر میں چھوٹی اور ایک ھی بھائی ۔ والد فوجی۔ آپا کے رشتے آنے لگے تو زینب کو تو یہی فکر کہ دولہا محبت کرنے والا اور خوبصورت بھی ھو۔ اللہ نے اسماعیل کا رشتہ بھیجا تو گھر کی رونق میں اضافے کے اسباب بھی بنادئیے۔ ھاں ۔اسماعیل کی خوبرو بہن زینب اس کے وجیہہ بھائی شفیع کے لیے منتخب ھوگئی۔
بہن کے بیاہ کی پریشانی پر زینب کے دل میں بھابھی کے آنے کی خوشی نے فتح پالی۔ اللہ اللہ کر کے یتیم اسماعیل اور آپا نیکاں کو اللہ نے محمد یاسین کی شکل میں اِک نیا جیون دیا۔ اب تو زینب کو ھر وقت محمد یاسین کو دیکھنے کی تمنا رھتی۔
اللہ نے آپا کو اگلے ھی سال جمیل عطا کر دیا۔زینب کی خواھش کو زبان مل گئی اور وہ اپنے پہلوٹھی کے بھانجے کو گھر لے جانے پر مُصر ھوگئی۔ آپا کی لاڈلی کی فرمائش محمد یاسین کی رھائش تبدیل کر کے پوری کی گئی۔
آتے برس آپا کو اللہ نے دلبر حسین کی شکل میں اپنی ایک اور نعمت سے نوازا۔ زینب کے پاؤں آپا کی خوشیاں دیکھ دیکھ کر زمین پر نہ ٹکتے۔ ھندوستان میں حالات نے پلٹا کھایا۔ دوست ،دشمن بنتے سبھی نے اپنی آنکھوں سے دیکھے۔ آپا ایک بار پھر بچی کی ماں بنی مگر بچی کچھ ھی عرصے میں فوت ھو گئی۔ زینب کی شادی ایک پڑھے لکھے جوان عبدالرّحمٰن سے ھو چکی تھی سو وہ دوسرے گاؤں جا چکی تھی۔ جب زینب کوعلم ھؤا کہ آپا کے گاؤں کو جلا دیا گیا ھے۔ تو رو روکر اسکا بُرا حال ھوگیا۔ ان کا قافلہ خیریت سے پاک سرزمین پہنچ گیا جہاں وطن پہنچنے کی خوشی تھی وھیں اپنوں کے یوں چلے جانے کا غم بھی تڑپا رھا تھا۔
ایک روز کوئی بچہ چیخ کربولا''خالہ'' نظریں اٹھائیں تو پیاری آپا کی نشانی محمد یاسین تھا۔ دونوں لپٹ کر روتے رھے اور پاس کھڑا بھائی شفیع انہیں رونے دیتا رھا۔
میکہ میں فوجی باپ اپنے گھر میں موجود افراد کو تو بچا لایا مگر اس کی آپا کے مقدر میں اسماعیل سے جدائی نہ تھی۔ زینب نے بھائی سے بھانجا مانگ لیا اور شہر میں ھی سکول میں داخل کرادیا۔ ''خورشید'' انکی زندگی میں سورج کی روشنی ھی بن کر آئی۔
وقت کا کام گزرنا ھے۔عبد الرّحمٰن ا پنےبڑھتے کاروبار میں اور زینب بچوں اور ذمہ داریوں کے بڑھوتری میں مصروف ھو گئے۔ سخی د ل والوں کے گھر میں سےبہت سوں کا گزارا چل رھا تھا۔ اب محمد یاسین کے کان میں وہ بات پڑ گئی '' اگر اللہ تجھے بیٹی دے تو مَیں اپنا بیٹا تم پڑھے لکھے خاندان والوں ھی کو دے دوں گی کہ پڑھا تو دوگے تم لوگ''آ پا نے زینب کے پڑھے لکھے شوھر کو دیکھ کر بہن اور بیٹے کی چاھت میں ایک بار یہ بات کہی تھی۔
محمد یاسین خالو کے گھر کو مستقبل کا سسرال جانتے ھوئے واپس ماموں کے پاس گاؤں آگیا۔ اب ذرعی یونیورسٹی سے بی ایس سی سے فارغ ھونے پر اچھے نمبروں کی وجہ سے اسے اچھی نوکری مل گئی ۔ادھر خورشید رحمان م
میٹرک سے فارغ ھی ھوئیں تھیں کہ آ پا کی محبت نے جوش مارا، اور ان کے وعدے کو عملی جامہ پہنانے کا خیال مضبوطی پکڑنے لگا۔
خورشید ،محمد یاسین کے سُونے گھر میں بھی اپنی چمک بکھیرنے لگیں۔ زینب کچھ مطمئن ھو گئیں۔ اسکے اپنے بچے بیمار رھنے لگے ادھر محمد یاسین کے گھر میں خوشیوں اور نعمتوں کا اضافہ ھونے لگا۔ شفیق دل عبد الرّحمٰن زینب کا ساتھ دیتا رھا اس لیے وہ اپنے گھر، بیمار بچوں اور بھانجے کے گھر کے درمیان خود کو بانٹتی رھیں مگر عبد الرّحمٰن نے اس کی محبت کی مجبوری کو سمجھتے ھوئے کبھی گِلہ نہ کِیا۔
اللہ نے محمد یاسین کو تین بیٹیوں سے تو نوازا مگر ابھی بیٹا عطا نہ کیا تھا جس کو زینب شدّت سے محسوس کرتی تھی۔ زینب کی بیمار بیٹی اللہ کو پیاری ھوگئی وہ راضی بہ رضا رھی۔
محمد یاسین کے ھاں پھر اچھی امید لگی ھوئی تھی۔ زینب کا بیٹا شدید بیمار تھا مگر دل تو محمد یاسین کے توسط سے آپا کے گھر کی خوشی میں اٹکا تھا۔'' محمد عامرکی پیدائش '' زینب کے بھانجے کا بیٹا، آپا اور اسماعیل کا پوتا۔ مارے خوشی کے زینب سے بات نہیں ھو رھی تھی۔ مگر اللہ کو کچھ اور امتحان بھی منظور تھے اس پَری وش سے۔ اس کا اپنا بیٹا اللہ کو پیارا ھو گیا۔ ایک بار پھر زینب صبر کا پہاڑ ثابت ھوئی اور سبھی کا سہارا بنیں۔
وقت نے اپنا حق جمانا شروع کر دیا تھا۔ زینب بیمار رھنے لگیں ،بچوں کی شادیاں تو کردیں ایک بیٹے کے سواء مگر عبدالرّحمٰن کی بیماری جو برداشت نہیں ھو پا رھی تھی۔ جب ڈاکٹروں نے مایوسی سے عبدالرّحٰمن کو لاسٹ سٹیج بتایا تو زینب کادل اب کی بار ساتھ چھوڑ گیا۔ شوھر کے روپ میں مسیحا، جس نے ھجرت ِ پاکستان کے زخموں کو سِیا، ھر ھر تکلیف، غم اورد کھ میں ساتھ دیا اب ساتھ جو چھوڑ رھا تھا۔ دل ھی دل میں جُدائی کا زخم سہتے کچھ اور برس بیت گئے ۔۔۔۔۔۔۔۔۔۔۔۔۔۔۔ محمد یاسین بھی بچوں کی شادیاں کرنے میں مصروف تھا۔ایم ایس سی کرنے پر کیمسٹ آفیسر بھی بن چکا تھا۔ اورآجکل ریٹائرمنٹ لے کر ترویج ِ اسلام کے اس فرض کو نبھارھا تھا جو ذرعی یونیورسٹی کی تعلیم کے پہلے ھی سال مولانا زکریا رحمت اللہ علیہ کے دورہ ِ پاکستان کے موقع پر اللہ سے انکے ھاتھ بیت ھونے پر کیا تھا۔
اللہ نے محمد عامر کو بیٹا عطا کیا تو زینب اپنے بھانجے کے پوتے اور نسل کا سوچ کر بہت خوش ھوئیں۔ زینب دل میں جدائیوں کے صدمے برداشت کرتے کرتے تھک چکی تھی۔ وہ بیمار ھی رھنے لگی۔ محمد یاسین ان دنوں شہر سے باھر ترویج ِ اسلام کی فرضیت کو نبھاہنے کے لیے گئے ھوئے تھے۔بیٹے ،بیٹیاں سب خدمت کے لیےجمع تھے۔ پھر اس اصلی گھر جانے کا بگل بج اٹھا۔ صبح سویرے وہ رخت ِ سفر باندھ گئیں۔
محمد یاسین جب آئے تو پتہ چلا۔ ۔ ۔ ۔ ۔ وہ کچھ سوچ کر خاموش ھو گئے کہ '' آپا کی پیاری اور سبھی کی دُلاری نے ملاقات تو کرنی ھی تھی کہ اس صبر کا پھل بھی تو پانا ھے''
اللہ ان تمام جانوں پر اپنی رحمتیں نچھاور کرے جو وطن ِ عزیز کے لیے قربا ن ھوئیں۔ آمین۔۔۔۔۔۔۔ از۔ عروج۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔