کراچی کے نوجوانوں نے یک جہتی کاشاندارمظاہرہ کرتے ہوئے قومی ترانہ پڑھنے کا عالمی رکارڈ توڑ نے کا دعوی کیا ہے۔

کراچی کے ہزاروں نوجوان نے ڈیفنس اسٹیڈیم میں یک زبان ہوکر اندھیرے میں موبائل فونز کی روشنی میں قومی ترانہ پڑھ یہ عالمی ریکارڈ قائم کیا ہے۔ایونٹ کو منعقد کرنے والے نوجوان عابد بیلی کا کہنا ہے کہ وطن کی محبت کے جذبے سے سرشار قوم کے ان زندہ دل اور پرعزم افراد نے قومی ترانہ پڑھ کرناصرف آزادی کا احساس اجاگرکیا بلکہ ان کا یہ عمل وطن عزیز کے لیے تابناک مستقبل کا ضامن بھی تھا۔

واضح رہے کہ اس سے قبل یہ ریکارڈ گنیز بک میں بھارت کے نام درج تھا تاہم پاکستانی کی درخواست پر بھارت کا یہ ریکارڈ ختم کردیا گیا جس کے بعد یہ ریکارڈفلپائن میں یکم ستمبر 2009 کو 5248 افراد نے بیک وقت قومی ترانہ پڑھ کر قائم کیا۔

پاکستان نے گنیز بک کو اپنی درخواست میں بتایا تھا کہ بھارت نے ایک ساتھ وندے ماترم پڑھ کر ریکارڈ قائم کیا لیکن وندے ماترم بھارت کا قومی ترانہ نہیں ہے جس پر گنیز بک نے بھارت کا ریکارڈ ختم کر دیا تھا۔

عابد بیلی کا کہنا ہے کہ 5885 پاکستانیوں نے یک زبان ہوکر قومی ترانہ پڑھ کر عالمی ریکارڈ اپنے نام کر لیا ہے جس پر انہیں بے حد خوشی ہے۔

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر