جب بھی جشن آزادی کا موقع آتا تو ملک صاحب یکم اگست سے ہی اس کی تیاریوں میں مگن ہوجاتے لیکن اسے اتفاق کہیے یا مَلک کی بد قسمتی جونہی یہ کاغذی جھنڈیاں لگاتے اُسی رات بارش برستی اور صبح کاغذی جھنڈیوں کی جگہ دھاگوں کا جال بُنا دکھائی دیتا۔ اس بار بھی مَلک صاحب نے ہم سے پیسے لے کر جذبہ حب الوطنی کا مظاہر کرنے کے لیے جھنڈیاں خرید لیں اور گلی کو دلہن بنادیا۔ ہم نے ایک نظر ڈالی تو مَلک صاحب ہمارا چہرہ دیکھتے ہی سمجھ گئے کہ ہم کیا سوچ رہے ہےں، اس لیے جھٹ سے کہا”یار! دعا کرو اس مرتبہ بارش نہ ہو یا پھر چودہ آگست آگے ہوجائے۔“


مَلک کی سادگی پر ہم مسکرائے بغیر نہ رہ سکے، کیونکہ وقت رُکتا نہیں اور بارش آنی ہو تو ٹلتی نہیں۔ بارش اور اگست کا چولی دامن کا ساتھ ہے۔ پورے سال آسمان پر کالے بادلوں کی جگہ کالے کوے نظر آتے رہیں گے مگر ماہِ اگست شروع ہوتے ہی بادلوں کی ٹولیاں اُمڈ اُمڈ آتی ہیں اور کوے بھی بھیگی بلی بنے کھمبے نوچتے دکھائی دیتے ہیں۔ سو اِس مرتبہ بھی یہی ہوا۔ اِدھر گلی میں جھنڈیاں لہرانے لگیں اور اُدھر محکمہ موسمیات نے پیشنگوئی کی کہ چوبیس گھنٹوں میں بارش کا امکان ہے۔ یہ سن کر مَلک ہی نہیںا ور بھی لوگوں نے سکھ کا سانس لیا کہ اب بارش نہیں ہوگی کیونکہ جس طرح موسم کا اعتبار نہیں اسی طرح محکمہ موسمیات بھی بے اعتباری میں اپنا مقام اور نام رکھتا ہے۔ ملک صاحب محکمے کی روایتی کارکردگی کے بھروسے پر سوگئے لیکن صبح جب اٹھے تودلہن بنی گلی انہیں غسل کے بعد نکھری نکھری نظر آئی اور دھاگے اس طرح نظر آرہے تھے جیسے کسی نے اُردو کی کاپی کو آسمان پر کھول رکھا ہو۔
مَلک صاحب غصے سے کھولتے دکھائی دے رہے تھے، ان کا بس نہیں چل رہا تھا کہ لنگر پھینک پھینک کر دھاگوں کو بھی کھینچ توڑ دالیں۔ ”مَلک صاحب حوصلہ کریں۔ ابھی جشن آزادی میں چار دن باقی ہیں۔ “ ہم نے تسلی دی۔ میں تو حوصلہ کرلوں گا مگر محکمہ موسمیات والوں کو بھی فیصلہ کرنا ہوگا۔“ مَلک غصے میں اس طرح بھرا نظر آیا جیسے وہ کریلاہو اور اس میں کسی نے قیمے کی بجائے کریلے ہی بھر رکھے ہوں۔ کس قسم کا فیصلہ، کون سا فیصلہ؟“ ہم نے پوچھا۔ یاتو یہ موسمیات والے سچ بولا کریں یا پھر محکمے کی ساکھ کو برباد نہ کریں۔“ مَلک نے کہا۔ کیا مطلب؟ کیسی ساکھ؟“ ہمارا اَگلا سوال ۔

”جب بھی محکمے والے کہتے ہیں کہ موسم خشک رہے گا تو ایسی زُوں زُوں ہوا چلتی ہے کہ مزا آجاتا ہے۔ جس دن یہ کہتے ہیں کہ طوفان کا خطرہ ہے، لو گ بے خوف خطر سمندر جا پہنچتے ہیں کہ آج موسم خوشگوار رَہے گا۔ اور جب موسمیات والے کہتے ہیں کہ بارش ہوگی تو اُس دن بارش کے سوا سب کچھ ہوجاتا ہے تو اس بار ان کا کہا غلط کیوں ثابت ہورہا ہے۔“ مَلک نے تفصیلی سوال پوچھا۔ بہت آسان بات ہے، موسمیات والے بھی روزہ رکھتے ہوں گے اور رَوزے میں جھوٹ بولنے سے اثر پڑتا ہے اس لیے انہوں نے سچ سچ بتادیا اور آپ لوگ اسے بھی مذاق سمجھتے رہے۔“ ہمارا جواب بھی تفصیلی تھا مگر سوال سے کم۔

”لاﺅ پھر ہزار رَوپے۔“ ملک نے ہتھیلی آگے کی۔ مجھے کب دیئے تھے؟“ ہم نے پوچھا۔ پہلے بھی تم نے ہی دیئے تھے، اب بھی جھنڈیاں لگانے کے لیے تم ہی پیسے دو گے۔“ مَلک نے صاف گوئی سے کام لیتے ہوئے ہمت سے بھی کام لیا اور ہماری جیب میں ہاتھ ڈال کر خود ہی نوٹ نکال لیے۔ مَلک صاحب! مانا کہ سچ کڑوا ہوتا ہے مگر محکمہ موسمیات والوں کے سچ کی سزا ہمیں کیوں دی جارہی ہے؟“ہم نے حسرت سے نوٹوں کو دیکھا۔

” کیا تمہیں وطن سے پیار نہیں؟ اس دھرتی ماں کا تم پر کوئی حق نہیں؟ اتنا اس ملک سے کماتے ہو ہزار دو ہزار اس پر خرچ کرتے ہوئے موت آتی ہے۔“ مَلک صاحب نے ہمارے ضمیر کو جھنجوڑنے کی کوشش کی۔ یہ سب کچھ تو آپ پر بھی واجب ہوتا ہے۔“ ہم نے ضمیر کو زحمت دینے کی بجائے ذہن سے کام لیا۔ مہنگائی تو دیکھو کتنی ہوگئی ہے، گھر کے راشن اور بیگم کے درشن کا سامان ہی بڑی مشکل سے پورا کرپاتا ہوں پھر آدھے سائز اور ڈبل قیمت کی جھنڈیاں کیسے خرید سکتا ہوں۔“ مَلک نے اپنی معیشت کا رونا اس طرح رویا جیسے وہ صدر اوباما ہو اور مالداروں کو زیاد قرض دینے پر اُبھار رَہا ہو۔

”تو گلی والوں سے چندا کرلیتے ہیں، میں اکیلا ہی تو دھرتی ماں کا مقروض نہیں۔“ ہم نے بچت کا طریقہ سوچا۔ نہیں، ہرگز نہیں۔ محلے والوں کی نظروں میں کیوں خود کو اور مجھے گرانا چاہتے ہو۔ کیا کہیں گے کہ ہم پچاس پچاس روپے کے لیے ہر گھر کا دروازہ بجا رہے ہیں۔آخر مَلک برادری کی عزت بھی کوئی چیز ہے۔“ مَلک صاحب نے سینے پر ہاتھ مار کر کہا۔ جس سے ہماری قابو کی گئی کھانسی بے قابو ہوگئی اور اس طرح کھانسنے لگے جیسے دمِ آخر آن پہنچا ہو۔ کیونکہ مَلک صاحب نے اپنے سینے پر نہیں ہمارے سینے پر ہاتھ مارا تھا۔دو چار دن سے کھانسی نے سینے کو کٹی پہاڑی سمجھ کر یلغار کر رکھی تھی اس لیے ہم نے بھی سیکورٹی کا کام مختلف کلر کے شربتوںسے لے رکھا تھا جو مَلک کی ذرا سی بے احتیاطی سے پھر حملہ آور ہوچکی تھی۔ آپ یہاں مَلک کو ہمارا دوست مَلک ہی سمجھئے کہیں کٹی پہاڑی اور بے احتیاطی سے آپ کا دھیان رحمن مَلک کی طرف نہ چلا جائے۔

کھانس کھانس کر تھک چکے یا تھک تھک کر کھانس چکے تو کچھ حواس بحال ہوتے ہی مَلک کو دیکھنا چاہا مگر وہ تو امریکا بنا مشکل گھڑی میں غائب تھا۔کچھ دیر بعد آیا تو اس کے ہاتھ میں مختلف رنگوں کی جھنڈیوں کے پیکٹ تھے سوائے ہرے رنگ کے۔ ہم نے پوچھا ”مَلک صاحب! کیا چودہ اگست نہیں منانی؟“ ہم سچے پاکستانی ہیں، چودہ اگست ہی منائیں گے۔‘ ‘ مَلک نے لال جھنڈیوں کا پیکٹ کھولتے ہوئے کہا۔ تو پھر ہرے رنگ کی جھنڈیاں کیوں نہیں لائے؟“ ہم نے نیلے اور براﺅن کلر کے پیکٹ کی طرف دیکھا۔

”دکاندار نے تو مجھے ہرے رنگ کا ہی پیکٹ دیا تھا۔ میں نے اُس سے فرمائش کی کہ کسی اور رَنگ کی جھنڈیاں دکھاﺅ تو اس نے مجھے یہ دے دیئے۔“ مَلک صاحب نے اپنی کارکردگی سے آگاہ کیا۔ لیکن یہ تو پاکستان کا پرچم نہیں۔“ ہم نے سرخ جھنڈی کو دیکھا۔ پرچم ، پرچم ہوتا ہے لال ہو یا ہرا۔“ مَلک شاید بھول کر خود کو وزیر رئیسانی سمجھ بیٹھا۔ پاگل تو نہیں ہوگئے! اس پرچم کی خاطر تو ہم نے لاکھوں جانوں کی قربانی دی اور تم منہ اُٹھا کر سبز ہلالی پرچم کی بجائے یہ گولا گنڈا مارکہ جھنڈیاں اُٹھا لائے۔“

”یار! سمجھا کر۔ بادلوں کو دھوکہ دینے کے لیے ضروری تھا۔ “ مَلک نے آسمان کی طرف دیکھا۔ کیا مطلب؟“ ہم نے بے ساختہ پوچھا۔ جہاں سبز ہلالی پرچم ہو وہاں خدا کی رحمت چھما چھم برستی ہے۔ یہ لگاﺅں گا تو ایک دو دن بارش تو رُکی رہے گی۔“ملک نے سرخ جھنڈی دکھائی۔


مَلک ٹھیک ہی کہتا ہے، ہمیں خدا کی رحمتوں کی ضرورت نہیں رہی،اسی لیے تو ہم لال پیلے جھنڈ وں کے لیے مر مٹنے کو تیار ہیں، سبز ہلالی پرچم کے لیے نہیں۔ جشنِ آزادی مبارک ہو!!

بشکریہ: کراچی اپڈیٹس ڈاٹ کام


Internal Server Error

The server encountered an internal error or misconfiguration and was unable to complete your request.

Please contact the server administrator, webmaster@pak.net and inform them of the time the error occurred, and anything you might have done that may have caused the error.

More information about this error may be available in the server error log.

Additionally, a 500 Internal Server Error error was encountered while trying to use an ErrorDocument to handle the request.

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر