شمع محفل

بھائی آپ نے بہت اچھی اور سچی تحریر لکھی ہے جو کہ یقینا باضمیر لوگوں کو جشن منانے سے پہلے بہت کچھ سوچنے پہ مجبور کرے گی

محمدعدنان

جی بالکل ٹھیک کہا آپ نے

فرخ‌بھائی بحثیت قوم ہم لوگ بالکل بے حس ہوچکے ہیں ، ہمیں‌اس وقت تک احساس نہیں ہوتا جب تک آگ ہمارے گھروں تک نہیں‌پہنچ جاتی

__________________

محمدخلیل

بھائی آپ یہ دیکھ لیں بس
یوم آزادی مبارک

Farrukh

السلام وعلیکم خلیل بھائی
یہ سب باتیں جو Real_Light نے کہیں، بہت دفعہ سنیں، اور دیکھیں بھی۔ اور شائید مشرف کے نعرے "سب سے پہلے پاکستان" کو اجاگر کرنے میں‌کافی کارآمد ثابت ہو۔
لیکن کڑوی حقیقت یہ ہے، کہ روشن طرف سب کو نظر آتی ہے، مگر دوسری طرف۔۔۔۔؟؟؟؟؟؟
بھوک سے بلکتے بچے، فاقے کرتے پاکستانی،
غیروں‌کی جنگ میں جلتے مرتے لوگ،
مہنگائی کی چکی میں‌پستے ہم وطن
ان سب کی تعداد ان سے کہیں‌زیادہ ہے، جنہیں‌Real_Light نے اپنے آرٹیکل میں‌لکھا ہے
میرا سوال ہے، کیا ہمارا جشن اپنے ان لوگوں‌کو بھلا کر ہوگا جو ان خوشیوں‌میں شرکت نہیں‌کرسکتے؟

کیا پاکستان واقعی ایک آزاد ملک ہے کہ جس کی حکومتوں‌کے فیصلے، معشیت کے کنٹرول وغیرہ اسکے اپنے کنٹرول میں‌ہی نہیں؟
ذرا ایمانداری سے جواب دیجئے گا کہ کیا واقعی آزادی کا مطلب یہ ہوتا ہے کہ ہم جشن منا سکیں، دعائیں‌کر سکیں، نماز پڑھ سکیں اور وہ سب کچھ جو اس آرٹیکل میں‌لکھا ہے۔؟ اگر آپ اسے آزادی سمجھتے ہیں، تو علامہ اقبال رحمتہ اللہ کا یہ اشارہ شائید سمجھ جائیں:

محمدخلیل

بہت شکریہ بھائی میرے بھی جزبات آپ جیسے ہی ہیں

The Great

اچھا لکھا ھے اپ نے۔

Real_Light

آپ جو کچھ سوچ اور لکھ رہے ہیں یہ سب بھی جشن آزادی منانے کا حصہ ہے۔

Real_Light

خلیل بھائی شکریہ کہ آپ نے فرخ بھائی کو یہ لنک فراہم کیا۔۔۔

Real_Light

مجبورا بات کی وضاحت کے لئے مجھے مزید ریپلائی دینا پڑ رہا ہے۔
فرخ صاحب آپ کی سب باتیں بجا ہیں۔۔۔۔۔۔۔۔

لیکن عرض یہ ہے جشن آزادی منانا چراغاں کرنا۔۔جھنڈیاں لگانا۔۔نعرے لگانا۔ ریلیاں نکالنے کا ہی نام نہیں‌ہے۔ یہ ہمارے جذبات کی عکاسی کرنے کے لئے ایک چھوٹا سا مظہر ہے جس کو ہم نے اپنے لفظ ادا کرنے کے سیٹرھی بنایا۔

اصل بعد تو اس میں ہے کہ پاکستان کے نصب العین ۔۔۔۔ اور اس کی تعمیر و ترقی کے لئے فکر و تدبر کرنا چائیے ۔۔

اگر تو ہم نے اپنے اھداف حاصل کر لئے ہیں تو ہمیں خوشیوں کے شادیانے بچانے چاہیے ۔۔جو کہ اپنے قلب و خیالات کو ادا کرنے کا ایک چھوٹا سا مظہر ہے۔

اگر تو ہم نے وہ مقصد حاصل کر لیا ہے جس کے لئے پاکستان معرض وجود میں آیا پھر تو خدا کے حضور سر بسجود ہوں۔۔۔اور شکر ادا کریں۔۔لیکن اگر نہیں تو پھر بھی سربسجود ہوں کہ اس کی رحمت ہمارے شامل حال ہو۔


جو کچھ آپ نے غور و فکر کی ہے اور تمام دوستوں کو بتایا کہ یہ یہ۔۔۔یہ نہیں ہے۔۔۔یا یہ یہ ۔۔۔یہ ہو چکا ہے۔۔۔یہ فکر و تدبر۔۔غوروفکر ۔۔۔بذات خود یہ بتا رہا ہے کہ آپ کو پاکستان کی فکر ہے۔۔۔اور یہی جشن آزادی ہے۔
امید ہے اب میں‌اپنی بات واضح کر چکا ہوں
شکریہ

__________________

Farrukh

السلام و علیکم
جی جناب، آپ کی بات واضح ہو چکی اور میں بھی سمجھ گیا ہوں۔
میں آپکے جذبات کی قدر کرتا ہوں
لیکن ایسے جشن تو ہم پچھلے 50 سال سے مناتے آرہے ہیں۔ کیا فرق پڑگیا اس زندہ دلی سے۔
زندہ دل قوموں کا تہوار منانا، اور دنوں‌کو یاد رکھنا وغیرہ وغیرہ میرے نزدیک پرانی باتیں ہو چلیں۔
میرے نزدیک زندہ قومیں وہ ہوتی ہے، جو عملی کام کرکے تقدیریں بدلتی ہیں، اپنے اھداف حاصل کرتی ہیں۔ جبکہ ہم اپنے ملک کے صرف چند لوگوں کی کامیابی پر خوش ہوتے ہیں اور خود "ہاتھ پر ہاتھ دھرے منتظرِ فردا ہیں'
جشن اور خوشیاں منانے کے لیئے ہمارے پاس نت نئی طریقے بھی ایجاد ہو جاتے ہیں، مگر عملی کام کرنے کے لیئے، کبھی غربت کو ختم کرنے کے طریقے نہیں سوچے جاتے، کبھی اپنی معشیت کو استحکام دینے کی پالیسی ایجاد نہیں کی جاتی، سوائے، امریکہ اور عرب ممالک کے آگے فقیروں کی طرح ہاتھ پھیلانے کے۔
ہمیں اپنی تقدیر بدلنے کے لیئے تہواروں اور جشن کی نہیں، عملی زندگی میں‌اترنے کی ضرورت ہے۔

کیا ہی اچھا ہو، کہ اس دفعہ ہم لوگ جشن کی خاطر جو پیسہ مختص کریں اس سے اللہ کی خاطر بھوکے لوگوں‌کو کھانا کھلائیں، بے لباس کو لباس لے کردیں، کسی کی تعلیم کے اخراجات اٹھا لیں، کسی مجبور و بے کس کے مددگار بن جائیں۔

یقین کریں، جب ایسا کرکے جب روتے لوگوں‌کے چہروں‌پہ مسکراہٹیں بکھریں گی، جب بھوکے بچے خوشی سے کھیلتے نظر آئیں گے، جب دکھ خوشیوں‌سے بدل جائیں گے، تو پھر صرف 14 اگست نہیں، ہر دن جشن ہوگا۔

میرا جشن تو تب ہوگا، جب میرے پاکستان میں‌کوئی بھوکا نہیں‌سوئے گا، جب ہر مسلمان رات کو سونے سے پہلے ایک دوسرے کے قصور معاف کرکے دل ہلکا کر کے سوئے گا۔
جب کسی کا پڑوسی خالی پیٹ نہیں سوئےگا۔
جب ماؤں کے بیٹے انکی ٹھنڈی چھاؤں میں انکی خدمت کریں گے
جب میرے پاکستان کے پاس اتنی قوت ہوگی کہ کوئی دشمن اسکی طرف دیکھنا تو درکنار سوچ بھی نہیں‌سکے گا۔

مجھے تو اسوقت جشن کا مزا آئے گا۔ جب ہم واقعی ایک قوم بن جائیں گے۔ جو پہلے مسلمان اور پھر پاکستانی ہونگے۔

طارق راحیل

پھر بھی۔۔۔


14 اگست جشنِ آزادی مبارک ہو