میں نے جو دیکھا

میں نے جو دیکھا · 16-12-10, 10:46 PM

مکرمی! 1963ء میں بطور کیپٹن میری پوسٹنگ مشرقی پاکستان میں ہو گئی۔ سونار گائوں میں میری یونٹ تھی۔ ایک دن میں میس میں کھانا کھانے گیا۔ ابھی میں اپنی ٹیبل پر بیٹھا ہی تھا تو ساتھ والی ٹیبل پر براجمان ایک شخص نے مجھے کہا کیا میں آپ کے ساتھ شیئر کر سکتا ہوں۔ میں نے کہا ضرور تو یوں وہ میری ٹیبل پر آ گئے۔ مجھ سے اپنا تعارف کراتے ہوئے کہنے لگے مجھے شیخ مجیب الرحمن کہتے ہیں۔ میں نے کہا کہ بذریعہ اخبارات آپ سے متعارف ہوں۔ انہوں نے مجھے کہا کہ آپ بطور ایک آرمی آفیسر مغربی پاکستان سے یہاں آئے ہیں۔ یہ بنگالی اپنے مغربی پاکستانی بھائیوں سے محبت رکھتے ہیں۔ انہیں اپنے قریب رکھنا اور یہاں رہ کر بنگالی زبان سیکھنے کی کوشش کرنا۔ میں نے اپنے صوبیدار سے کہا کہ یہاں کا صاحب حل و عقد کون ہے؟ تو انہوں نے کہا کہ وہ ایک بنگالی ہے اور اس کا نام غلام مرشد ہے۔ میں نے انہیں فون کیا اور ان سے ملاقات کی خواہش کا اظہار کیا وہ بڑے حیران ہوئے کہ اچھا آپ مجھ سے ملیں گے جب کہ آج تک کسی مغربی پاکستانی کو توفیق نہ ہوئی۔ ضرور تشریف لائیں۔ میں نے ان سے کہا کہ میری اہلیہ بھی مغربی پاکستان سے آنے والی ہیں۔ ہمارے لئے کسی استانی کا بندوبست کریں جو کہ ہمیں بنگالی زبان سکھائے جس کا انہوں نے بندوبست کر دیا اور یوں استانی نے ہم دونوں میاں بیوی کو بنگالی زبان کی تعلیم دینا شروع کر دی۔ کچھ دنوں بعد ہم بنگالی زبان بولنے اور سمجھنے لگے۔ میں نے وہاں مشرقی پاکستان میں دیکھا کہ ہمارے ہاں سے گئے ہوئے افسران بنگالی بھائیوں کو اپنے قریب نہ آنے دیتے تھے۔ جبکہ انہیں ہم سے واقعی محبت تھی۔ اگر سب لوگ میری طرح کرتے تو یہ نفرتیں ہر گز پروان نہ چڑھتیں جسے ہمارے ازلی دشمن بھارت نے خوب ہوا دی ایسے حالات بیورو کریسی کے پیدا کردہ تھے۔ جب بھی کوئی بنگالی کسی مغربی پاکستانی آفیسر سے ملنے جاتا تو اسے کئی کئی دن دفتر کے چکر لگانے پڑتے۔ المیہ مشرقی پاکستان میں ہماری بیورو کریسی کا خاص ہاتھ ہے جس نے ایسے ناگفتہ بہ حالات پیدا کئے جنہیں ہماری مسلح افواج آخری دم تک سلجھاتی رہی۔ میں نے جنگ ستمبر 1965ء مشرقی محاذ پر لڑی اس وقت ہم ایک تھے تو دشمن کو ہماری طرف آنکھ اٹھانے کی جرات نہ ہو سکی جبکہ 1971ء میں اس کا فقدان تھا اور ملک دولخت ہو گیا اور افواج پاکستان کو ہزیمت اٹھانا پڑی۔ 1966ء میں میری وہاں سے مغربی پاکستان پوسٹنگ ہو گئی۔
(لیفٹنٹ کرنل (ر) عبدالرئوف خان 41 ظہور آفریدی روڈ کینٹ لاہور)

Nawaiwaqt eNewspaper - A house of quality news content | Urdu News | Pakistan News | Nawaiwaqt | Nawaiwaqt Group | A house of quality news contents

**ھارون اعظم** · 16-12-10, 11:00 PM

بنگالیوں کو احساس کمتری میں مبتلا کیا گیا۔ اب بلوچستان میں کیا جا رہا ہے۔ قبائلی علاقوں‌ کی تو بات ہی مت کیجئے۔ اللٰہ رحم کرے۔

16-12-10, 11:00 PM	#2
ھارون اعظم ذیلی ناظم تاریخ شمولیت: Dec 2007 مراسلات: 5,256 کمائي: 121,641 شکریہ: 15,097 4,239 مراسلہ میں 12,939 بارشکریہ ادا کیا گیا	بنگالیوں کو احساس کمتری میں مبتلا کیا گیا۔ اب بلوچستان میں کیا جا رہا ہے۔ قبائلی علاقوں‌ کی تو بات ہی مت کیجئے۔ اللٰہ رحم کرے۔ Share Share this post on Digg Del.icio.us Technorati Twitter Facebook! __________________ http:// haroonazam.wordpress.com ھارون اعظم کا بلاگ۔

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)