عبیداللہ عبید

میں کافی عرصے سے ایک میگزین شائع کرنے کا ارادہ رکھتا ہوں لیکن اس کی اشاعت میں سب سے بڑی رکاوٹ خود میری پیشہ ورانہ مصروفیات ہیں۔

پھر ارادہ کیا کہ ایک ویب سائٹ بنوا کر اس پر رکھ چھوڑوں لیکن میرے ایک دوست نے بتایا کہ اس کا یہ تجربہ ناکام رہا ہے کیونکہ ویب ڈویلپر ایک دفعہ یک مشت اور پھر باربار مختلف حیلوں بہانوں سے رقم وصول کرتے ہیں ۔ اس کی ویب سائٹ اب معطل ہے ۔

پھر خود سائٹ بنانے کا ارادہ کیا لیکن اس میں بھی ایک بات آڑے آئی کہ ایچ ٹی ایم ایل کی جھنجھٹ میں پڑنے کا وقت نہیں تھا اور اس کے سیکھے بغیر آگے جانا مشکل۔

الغرض ویب سائٹ والی بات رفت گذشت ہوئی اور پھر اشاعت کی فکر میں پڑگیا کہ دریں اثناء پاک نیٹ پر دانی صاحب کی ایک تحریر جو پاک نیٹ پر " ویب ہوسٹنگ گائیڈ " کے نام سے شائع ہوئی ہے نظر سے گزری ۔ اس مضمون نے ڈرایابھی تھا لیکن اس سے بہت مفید معلومات بھی حاصل ہوئیں۔ڈرانے والی بات یہ تھی کہ " ویب ہوسٹنگ کے سلسلے میں کمپنیاں بڑے بڑے مبالغہ آمیز دعوے کرتی ہیں "

پچھلے دنوں پی ٹی سی ایل کی ویب سائٹ دیکھتے ہوئے اس صفحے پر پہنچا :

PTCL Web Hosting Services


تو وہی پرانا شوق دوبارہ انگڑائی لےاٹھا۔ اور پی ٹی سی ایل پر کم از کم اعتماد کیا جاسکتا ہے کیونکہ ایک قومی ادارہ ہے۔

اس طویل تمہید کے بعد اب ماہرین سے مشورہ طلب کرنا چاہتاہوں:

1۔ کیا کسی نے اس سے پہلے پی ٹی سی ایل والوں سے اسپیس وغیرہ خریدا ہے؟ ان کی سروس کی کیا کیفیت ہے؟

2۔ اگر میں پی ٹی سی ایل سے 500 ایم بی کا اسپیس اور ڈومین نام لے لوں تو کیا کوئی ایسا آسان طریقہ ہے جس کے ذریعے کورل ڈرا میں بنائے گئے پیج کو آسانی سے اس جگہ پر لوڈ کیا جاسکے؟ یعنی امیج والی ویب سائٹ بنانی ہوتو۔۔۔۔۔



مذکورہ لنک والے صفحے میں زیادہ تر ویب ہوسٹنگ کی ٹرمینالوجی { اصطلاحات } استعمال ہوئی ہے ۔ اس میں " فرنٹ پیج سرور ایکسٹنشن " کے بارے میں اجازت دی گئی ہے ۔ اس کا کیا مطلب ہے ؟

اور اگر کوئی واقف بھائی صفحے پر درج تمام اصطلاحات یا وہ جس کے متعلق جانتا ہے کی وضاحت کرے تو مجھ جیسے اناڑیوں کے لیے فائدہ ہوگا۔


تلخیص : اگر ڈومین نیم اور اسپیس پی ٹی سی ایل سے خریدا جائے تو کیا امیج والی اردو ویب سائٹ بنانے کا کوئی آسان طریقہ ہے ؟؟؟؟؟

معظم

السلام علیکم!

بھائی عبید ، پی ٹی سی ایل کی قیمتیں انتہائی نا مناسب اور من مانی ہیں ۔ 3000 سے 4000 میں آپ 3 سے 5 جی بی تک کی ویب ہوسٹنگ کسی اچھی فرم سے خرید سکتے ہیں۔ تو 500 ایم بی کے لیے 7000 کہاں تک جائز ہے ؟ وہ بھی جب اضافی سہولیات نا صرف ناکافی ہیں‌بلکہ بہت محدود ہیں۔

یہ تو تھوڑا تبصرہ پی ٹی سی ایل کی ہوسٹنگ کے بارے میں رہا۔

اب ویب پیج کی طرف آتے ہیں ، آپ ڈریم ویور (Dreamweaver) کا ورژن 8 جو کہ Macromedia کمپنی کا ہے وہ حاصل کریں۔ تھوڑی سے محنت سے بغیر HTML کے علم کے آپ تصاویر والی ویب سائٹ باآسانی بنا سکتے ہیں۔ ایک ٹیمپلیٹ (Template) اگر بنا دی جائے تو باقی صفحات آسانی سے کاپی پیسٹ سے تخلیق کیے جا سکتے ہیں۔ بس آپ تصاویر کے سائز ویب سائٹ کے مطابق تخلیق کریں باقی کوئی مسئلہ درپیش آئے تو پاک نیٹ پر بہت سے ماہر موجود ہیں آپ کی مدد کرنے کیلئے۔

ویب ہوسٹنگ اصطلاحات سے فی الحال آپ کا کوئی واسطہ نہیں کیونکہ آپ سادہ HTML پیج استعمال کریں گے۔

فرنٹ پیج سرور ایکسٹنشن ، مائیکروسافٹ آفس میں جو فرنٹ پیج سافٹ وئیر آتا ہے اس کی بنائی ہوئی ویب سائٹ کو سیدھا سرور پر اپلوڈ کرنے کیلیے یہ ایکسٹنشن درکار ہوتی ہے۔

والسلام

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

عبیداللہ عبید

معظم بھائی تفصیلا جواب دینے پر آپ کا شکریہ ادا کرتا ہوں۔

حقیقت یہ ہے کہ پی ٹی سی ایل کی بات اس لیے لکھی تھی کہ اکثر لوگوں سے سنا ہے کہ دوسری فرمز / کمپنیز دعوے تو بہت کرتی ہیں لیکن نتیجہ اچھا نہیں ہوتا۔کبھی بینڈوتھ میں اور کبھی دوسری وجوہات کی بنا پر ویب سائٹ بند کرتے ہیں اگرچہ ابتدا میں ریٹس اچھے بتاتے ہیں۔پھر ان سے پوچھ گچھ بھی نہیں کیا جاسکتااور پی ٹی سی ایل والوں سے یہ بات ممکن ہے کہ اپنا حق مانگ سکو۔

اس سے پہلے میں ایکس پی وینڈو استعمال کرتا تھا ۔ اس وقت میں نے ڈریم ویور (Dreamweaver) کا ورژن 8 انسٹال کیا تھا لیکن کچھ اس میدان میں بالکل اناڑی اور کچھ مناسب راہنمائی اور اپنے پیشہ ورانہ مصروفیات { تدریس اور ترجمہ نگاری } ہونے کی وجہ سے پروگرام مناسب طور پر نہ سمجھ سکا کیونکہ میں صرف ورڈ، ایکسل ، ان پیج اور کورل ڈرا کا استعمال جانتا ہوں۔

پھر وینڈوز 7 انسٹال کرنے کے بعد ڈریم ویور (Dreamweaver) کا ورژن 8 دوبارہ انسٹال کرنا چاہا تو ایرر دینے لگا۔

اگر آپ مناسب راہنمائی کرسکے تو مہربانی ہوگی۔میں پھر آپ کو اپنا ذاتی فون نمبر اور ای میل ایڈریس ارسال کردوں گا۔ اور آپ سے فون یا نیٹ پر راہنمائی طلب کروں گا۔

پاکستانی

اسلام علیکم بھائی۔
میں بھی معظم بھائی کے ساتھ اتفاق کرون گا پی ٹی سی ایل والے تو من مانی کر رہیے ہین اور ان کے پہلے 3 پیکج پلاز تو میری نظر میں فارغ ہین اور ایک اچھی ویب سائٹ سے مطابقت نہیں رکھتے۔
اگر آپ کو ڈومین اور ہوسٹنگ کی ضرورت ہو تو میں آپ کو مہیا کر سکتا ہوں۔ اور ویب سائٹ بنانے کے حوالے سے یہی کہوں گا کہ سب سے پہلے تو یہ دیکھیں کہ آپ کس سظح کی ویب سائت بنانا چاہیتے ہیں اور وہ کتنے عرصھہ کے بعد آپ اپنی ویب سائٹ کو اپڈیٹ کیا کریں گے۔ ؟
اور معظم بھائی کی طرح میں بھی یہی مشورہ دوں گا کہ پی ٹی سی ایل کے چکر میں مت آنا کیونکہ وہ بہت کم آپش مہیا کر رہے ہین پہلے 3 پیکجز مین۔
اگر آپ کو کسی طرح کی معاونت درکار ہو تو آپ اس موضوع سے رابطہ کر سکتے ہیں۔

والسلام

__________________

پاکستانی

میرے خیال سے یہ بات تمام کمپیز پر لاگو نہیں ہوتی ویسے بھی بھائی سنی سنائی باتوں پر یقین نہیں کرنا چاہیے

عبدالقدوس

سب سے آسان طریقہ یہ ہے کہ آپ ورڈ پریس یا جملہ میں سائٹ منظم کرلیں

عبیداللہ عبید

اگر آدمی خود اس تلخ تجربے سے ایک نہیں تین دفعہ گزرا ہو تو ۔۔۔۔۔۔۔۔۔۔؟؟؟

معظم

تو آپ بٹن دبا کر عبدالقدوس بھائی سے رابطہ کر لیں خامشی سے ۔

معظم

بھائی آپ کو انٹرنیٹ پر بہت سی قابلِ بھروسہ کمپینز مل جائیں گی مزید یہ کہ پاکستان میں بھی کچھ اچھی ہوسٹنگ فرمز ہیں جو کہ ریسیلنگ یعنی باہر کی کمپنیوں سے بہت زیادہ مقدار میں خرید کر اسے تقسیم کر کے فروخت کرتے ہیں۔

اگر آپ کو ٹورنٹ استعمال کرنا آتا ہے تو آپ ڈریم ویور CS2 یا 3 ورژن ڈاؤنلوڈ کر لیں۔ وہ Windows 7 پر صحیح استعمال ہو جائے گا۔ مزید جو میرے لائق ہو گا انشاءاللہ ضرور مدد کروں گا۔

عبیداللہ عبید

ٹورنٹ کے استعمال سے نا واقف ہوں لیکن اگر اس کی ڈسک بازار سے مل سکتی ہے تو پہلی فرصت میں خرید لوں گا۔

رہی بات اچھی ہوسٹنگ کمپنیوں کی ۔ تو اس تجربے کے لیے عمر نوح اور قارون کا خزانہ چاہیے۔آدمی کس کس کو آزماتا پھرے گا۔

پی ٹی سی ایل والوں میں اگر کوئی اور مسئلہ نہ ہو تو کچھ اضافی رقم کی ایک دفعہ ادائیگی میرے لیے کوئی مشکل نہیں۔

عبیداللہ عبید

یہ بٹن دبانے ، عبدالقدوس بھائی سے خاموشی کے ساتھ رابطہ کرنے کا " شان نزول " کیا ہے؟

کچھ پلے نہیں پڑا۔

عبیداللہ عبید

اگر ورڈ پریس سے مراد آپ ورڈ پریس ڈاٹ کام ڈاٹ پی کے لیتے ہیں تو درجہ ذیل لنک پر جاکر غور سے پڑھیئے اور آپ کو اپنا ای میل ایڈریس بھی اس مصیبت سے چھٹکارے کے لیے ارسال کرچکا ہوں۔

ان ای میلز نے مجھے تنگ کردیا ہے

عبدالقدوس

ورڈپریس سے مراد ورڈپریس ہی ہے ڈاٹ پی کے نہیں ورڈ پریس ایک سکرپٹ ہے جوکہ بلاگ کے ساتھ ساتھ کنٹنٹ مینجمنٹ سسٹم ہے

ابرارحسین

عبدالقدوس بھائی نے جو مشورہ دیا ہے ،اسی پر عمل کریں ، ورڈ پریس کیا ہے اور کیا کرسکتاہے اس کیلئے آپ مندرجہ ذیل ٹیوٹوریلز کو ڈاونلوڈ کرکے دیکھ لیں‌،امید ہے اس سے آپ کو کافی فائدہ ہوگا۔
اور ایک اور سی ایم ایس جملہ ہے اس کیلئے آپ درج ذیل ٹیوٹوریلز ڈاونلوڈ کر کے اس کے بارے میں‌جان سکتے ہیں۔
اور ویب ہوسٹنگ کیلئے ڈریم ہوسٹ اور بلیو ہوسٹ دونوں‌میں‌سے کوئی سی بھی لے لیں امید ہے آپ کو پرشانی نہیں‌ہوگی۔پیکج وغیرہ خود سے دیکھ لیں‌،لیکن بااعتماد ویب ہوسٹینگ کمپنیاں‌ہیں‌،اور ان کے عام طور پر ڈسکاونٹ ٹوکن وغیرہ بھی چلتے ہیں‌جس سے عام طور پر 25 ،30 پرسنٹ ڈسکاونٹ بھی ہوجاتا ہے ۔

منتظمین

ڈریم ہوسٹ ایک نکمی ترین ہوسٹنگ کمپنی ہے۔ اس سے کبھی بھی ہوسٹنگ نہ لیں۔ اگر فری میں بھی ملے تو بھی نہیں

__________________
تم سپاہی نہیں ہو پیشہ ور قاتلو!