مسافر

میں وی سی آر کی فلم کو سی ڈی میں کنورٹ کرنا چاہتا ہوں مجھ کو بتایا جائے کہ اپنے کمپیوٹر میں کونسا کارڈ انسٹال کرو اور کیا کیا انسٹال کرنا پڑے گا

wajee

میں نے تو ویڈیو والے سے ہی کرواہی تھی معلوم نہیں بھائی مجھے

خرم شہزاد خرم

بھائی اس میں تھوڑا سا وقت لگتا ہے آپ ٹی وی ٹیونر والا کارڈ کمپوٹر میں لگائیں۔ اس کے بعد وی سی آئر کو اس کے ساتھ لگا کر پہلے فلم کمپوٹر میں سیو کریں اس کے بعد سی ڈی بنا لیں

مسافر

مزید کوئی طریقہ

shafresha

السلام علیکم،
اگر آپ اپنے کمپیوٹر کے ذریعے ایسا کرنا چاہتے ہیں تو پھر "ٹی وی ٹیونر" کارڈ یا اس جیسے دوسرے کارڈ کے بغیر ایسا کرنا ممکن نہیں ہوگا!۔

یاسر عمران مرزا

اس جواب کو فورم ممبران کی تجویز پر ایک نئے دھاگہ میں کچھ تبدیلیوں کے ساتھ ٹیوٹوریل کی شکل میں شائع کر دیا گیا ہے، ربط یہ ہے
ویڈیو کیمرہ یا وی سی آر سے ویڈیو کی کمپیوٹر میں منتقلی کا ٹیوٹوریل

مسافر بھائی
ایک طریقہ تو یہ ہے کہ کسی بھی پروفیشنل مووی میکر سے یہ کام کروا لیں، مووی میکرز کے پاس ساری مطلوبہ چیزیں تیار حالت میں موجود ہوتی ہیں، جیسا کہ تاریں، کنورٹر، وی سی آر، کمپیوٹر میں تمام مطلوبہ کارڈز وغیرہ، وہ آپ سے کچھ روپے لے گا جو اتنے زیادہ نہیں ہوں گے، ایک کیسٹ کے لگ بھک 100 سے 200 روپے تک، یہ طریقہ سب سے آسان بھی ہے اور پریشانی سے پاک بھی۔ کیوں کہ جتنا خرچہ آپ اپنے کمپیوٹر، وی سی آر، کیبلز وغیرہ کو اس قابل بنانے کے لیے کریں گے اس سے کہیں کم میں آپ کا کام بازار سے ہو جائے گا۔

تاہم اگر آپ یہ کام خود کرنے پر بضد ہوں تو اس کے لیے آپ کو دیکھنا پڑے گا کہ آپ کے وی سی آر میں کون کون سی پورٹس ہیں، کچھ نئے مووی کیمروں ، ڈی وی ڈی پلیئرز اور وی سی آر میں‌ فائر وائرFIREWIRE پورٹ ہوتی ہے، تاہم وی سی آر کا مجھے پکا یقین نہیں، فائر وائر پورٹ سے مووی کاپی کرنا تیز ترین اور آسان ترین ہے، لیکن اس کے لیے آپ کے کمپیوٹر میں بھی فائر وائر پورٹ ہونی چاہیے، جو کہ نئے لیپ ٹاپ کمپیوٹر میں تو آتی ہے لیکن عام گھریلو کمپیوٹر میں فائر وائر کارڈ لگوانا پڑتا ہے۔ جس کی قیمت ایک ہزار سے دو ہزار تک ہو سکتی ہے۔
ملاحظہ کیجیے تصاویر،فائر وائر کی ایک طرف کی پورٹ جو کہ ڈیسک ٹاپ یا لیپ ٹاپ میں ہو گی۔



دوسری طرف کی پورٹ جو کیمرہ، وی سی ڈی، ڈی وی ڈی یا وی سی آر میں ہو گی.



اسے 1394 پورٹ بھی کہتے ہیں، اگر یہ آپ کے کمپیوٹر میں ہو تو آپ کو اس کی کیبل بھی درکار ہو گی، جسے فائر وائر کیبل کہتے ہیں، وہ بھی آپ کو بازار سے مل سکتی ہے۔ قیمت کا دارو مدار اس بات پر ہے کہ دکان والا آپ کی کم علمی سے کتنا فائدہ اٹھاتا ہے۔
مطلوبہ چیزیں ہونے کی صورت میں کیبل سے کمپیوٹر اور وی سی آر، کیمرہ یا ڈی وی ڈی کو جوڑ دیں۔ اس کے بعد وینڈوز مووی میکر، یا کسی بھی مووی میکنگ سافٹ ویئر جیسے یو لیڈ ویڈیو سٹو ڈیو ULEAD VIDEO STUDIO میں کیپچر کے فنکشن پر جا کر وی سی آر سے ویڈیو چالو کر دیں اور کمپیوٹر میں کیپچر کا بٹن دبا دیں۔ اگر ٹھیک طریقہ سے کیپچر ہورہا ہے تو آپ کو سکرین پر ویڈیو چلتی ہوئی بھی نظر آئے گی، ایک بات یاد رکھیں ،کیپچر ہونے والی فلم کا سائز بہت بڑا ہوتا ہے ، جس کے لیے آپ کو ہارڈ ڈیسک پر بہت سی جگہ درکار ہے، اس کا دارو مدار ویڈیو کی مدت پر ہے، جیسے 10 منٹ کی ایک ویڈیو میرے کمپیوٹر پر اے وی آئی فارمیٹ میں ڈیڑھ گیگا بائٹ تک لیتی ہے۔ بہتر طریقہ کار یہی ہے کہ فلم کو ٹکڑوں کی صورت میں کیپچر کریں۔ 10 سے 15 منٹ کا ایک ٹکڑا۔

اگر آپ کے پاس فائر وائر کارڈز، کیبلز وغیرہ نہیں اور بازار سے معلوم کرنے پر آپ کو معلوم ہوتا ہے کہ وہ بہت مہنگی ہیں تو آپ ٹی وی ٹیونر کارڈ کمیوٹر میں لگوا سکتے ہیں، اس کے ساتھ آپ کو ایک عدد آڈیو ویڈیو کیبل درکار ہو گی، جس کی شکل کچھ ایسی ہے۔



بیشتر وی سی آر میں آڈیو ویڈیو آؤٹ پورٹس موجود ہوتی ہیں، لیکن اگر آپ کے وی سی آر میں وہ نہ موجود ہو تو آپ کاپی نہیں کر سکیں گے۔ اگر موجود ہو تو اس کی شکل کچھ ایسی ہو گی۔



اس کے بعد کمپیوٹر پر ٹی وی ٹیونر کارڈ میں بھی یہ پورٹس ہونی چاہیں۔ تصویر دیکھیے


کیبل سے وی سی آر اور کمپیوٹر کو جوڑ دیں، کمپیوٹر پر کیپچر سافٹ وئر کھول لیں، جسکا ذکر میں نے اوپر کیا ہے، اگر اس میں کچھ سیٹنگ کرنی پڑے تو وہ آپ کو اپنی ہمت پر ہی کرنی ہو گی کیوں کہ ہر سافٹ وئر کی سیٹنگ مختلف ہوتی ہے، اس سے نبٹنے کے بعد وی سی آر کو پلے کر دیں، مطلب چلا دیں اور کمپیوٹر پر کیپچر کا بٹن دبا دیں، لیں جی آپ کی مووی کاپی ہونی شروع۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

خرم شہزاد خرم

یاسر عمران بھائی اگر اس کو ایک الگ دھاگہ بنا کر بھی لگا دیں تو بہت فائدہ ہو گا اس سے کیا خیال ہے آپ کا

shafresha

یاسر عمران بھائی السلام عیکم،
تفصیلی معلومات کا شکریہ!
لیکن میرا خیال ہے کے "مسافر" بھائی شاید وی سی آر کی کیسٹ میں ٹیپ کی ہوئی مووی کو کنورٹ کرنا چاہ رہے ہیں اور کسی بھی وی سی آر میں FIREWIRE یا USB آؤٹ پُٹ نہیں ہوتی اور ویسے بھی VCR اب پرانے زمانے کی بات ہے!

میں‌ابنِ شبیر بھائی کی بات سے متفق ہوں، آپ اپنی معلومات پر مبنی ایک نیا ٹیوٹویل بنا دیں تو بہت سارے لوگوں کا بھلا ہو جائے گا۔

یاسر عمران مرزا

میں نے نیا دھاگہ بنا دیا ہے جس کا ربط یہ ہے، آپ بھائیوں کا بہت شکریہ۔
ویڈیو کیمرہ یا وی سی آر سے ویڈیو کی کمپیوٹر میں منتقلی کا ٹیوٹوریل
وی سی آر وغیرہ میں فائر وائر پورٹ کے متعلق میں شک کا شکار تھا، تاہم میں‌نے‌خود کبھی نہیں‌دیکھی، اچھا ہوا آپ نے تصدیق کر دی۔

مسافر

بھائی بہت بہت شکریہ آپکا

عدنان دانی

میرے پاس Mercury TV Card ہے جس کی فنکشن بہت ہی آسان ہے

عدنان دانی

میرے پاس Mercury TV Card ہے جس کی فنکشن بہت ہی آسان ہے

یاسر عمران مرزا

یہ تو اور بھی اچھی بات ہے

عدنان دانی

شکریہ یاسر بھائی۔۔۔!!!!

نیلم خان

بہت خوب یاسر بھائ اللہ نظر بد سے بچائے آپ کو