یاسر عمران مرزا

نیٹ بک ایک نسبتا سستے اور قدرے چھوٹے لیپ ٹاپ کو کہا جاتا ہے۔ اس کا سکرین سائز عام طور پر 10 سے 12 انچ ہوتا ہے۔ اس میں‌آپٹیکل ڈرائیو یعنی سی ڈی روم /ڈی وی ڈی روم موجود نہیں ہوتی۔ اور اس میں پروسیسر بھی کم طاقتور اور کم رفتار کا حامل ہوتا ہے۔ عام طور پر نیٹ بکس میں‌انٹل ایٹم یا اے ایم ڈی پروسیسر لگا ہوتا ہے۔

تاہم انٹرنیٹ استعمال کرنے کے لیے نیٹ بک تمام ہتھیاروں سے لیس ہوتی ہے۔ یعنی ویڈیو کیمرہ، مائیک، ساؤنڈ کارڈ، ونڈوز آپریٹنگ سسٹم کے ساتھ بہترین براؤزر اور ایک عدد کارڈ ریڈر بھی۔ اگر تو آپکا کمپیوٹر کا استعمال فقط انٹرنیٹ براؤزنگ، چیٹنگ، وائس کالنگ تک محدود ہے اور آپ ایک بہت بڑی سکرین کے شیدائی بھی نہیں ہیں تو آپ لیپ ٹاپ کی بجائے نیٹ بک سے کام چلا سکتے ہیں۔ اگر آپ کبھی کبھار تھوڑا بہت ڈویلپمینٹ کا کام بھی کرتے ہیں‌تو شاید نیٹ بک آپ کی ضروریات پوری کر سکے۔ تاہم اگر آپ فل ٹائم ڈویلپر اور پروگرامر ہیں تو نیٹ بک آپکے لیے نہیں ہے۔ نیٹ بک میں عام طور پر گرافک کارڈ بھی کم میموری والا ہوتا ہے اس لیے یہ ڈیزائنر کے لیے بھی سود مند نہیں۔

نیٹ بک خریدنے کا فیصلہ کر کے آپ مالی طور پر اپنی بچت کر سکتے ہیں۔ کیوں کہ یہ کم وبیش لیپ ٹاپ سے آدھی قیمت کی ہوتی ہے۔ اگر میں سعودی عرب کے حوالے سے بیان کروں تو نیٹ بک کی قیمت 900 ریال سے 1200 ریال تک ہے۔ جبکہ سستا ترین لیپ ٹاپ بھی 2100 ریال کے لگ بھگ ہے۔

ویسے تو میں اوپر کافی معلومات بیان کر چکا ہے۔ پھر بھی میرا ایک سوال ہے۔ کیا پارٹ ٹائم ڈویلپر، پروگرام اور ڈیزائنر کے لیے نیٹ بک لیپ ٹاپ کا متبادل ثابت ہو سکتی ہے ؟ کیا فوٹو شاپ اور ڈریم ویور جیسے پروگرام نیٹ بک پر چلائے جا سکتے ہیں؟ اگر کوئی صاحب تجربہ رکھتے ہوں تو ضرور بتائیں۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

ھارون اعظم

میں خود بھی نیٹ بک لینے کا سوچ رہا تھا۔ لیکن نیٹ بک کے آپشن والے لیپ ٹاپ 1600 درہم تک مل جاتے ہیں۔ اس لئے وہ لیپ‌ ٹاپ بہتر رہیں گے۔

__________________


http:// haroonazam.wordpress.com

ھارون اعظم کا بلاگ۔

یاسر عمران مرزا

بھیا قیمتیں تو 900 ریال سے شروع ہو رہی ہیں۔ میرے خیال سے ریال اور درہم میں‌زیادہ فرق نہیں۔
ای مشین طرز کے لیپ ٹاپ کچھ 1600 تک بھی مل جاتے ہیں۔ ۔۔۔۔ چلیے میں‌کچھ قیمتیں بھی پیش کرنے کی کوشش کروں گا۔

تاہم سوال یہ ہے کہ کس قدر کام نیٹ بک سے انجام دیا جا سکتا ہے۔

یاسر عمران مرزا

یہ ایک چارٹ مجھے ملا ہے جس میں لیپ ٹاپ اور نیٹ بک کا موازنہ کیا گیا ہے۔

Attached Images

 

shafresha

اس موضوع پر اس ماہ کے Spider Magazine میں‌ بہت ہی اچھا ریو چھپا ہے کوشش کروں‌گا کے اُسے شئیر کرسکوں یقینا اُسے پڑھ کر آپ کی تشفی ہوجائے گی!!!

__________________
میں‌تمھارے اس حق کے لیئے کہ تم مجھ سے "اختلاف" کرسکو، آخری وقت تک لڑوں‌گا!

احمد بلال

میرا کزن نوٹ‌بک استعمال کر رہا ہے۔اسے کمپنی نے دی ہے۔ وہ ایسے سافٹ وہئرتو نہیں چلاتا صرف میڈٰیسن کی انٹری کرتا ہے مخصوص سافٹ ویئر میں۔ لیکن میرا خیال ہے فوٹو شاپ وغیرہ اس پہ چل جائے گا۔ کیونکہ اس میں
1.8 core to duo
2 Gb ram
لگی ہوئی ہے۔ سی ڈی،ڈی وی ڈی نہیں ہے۔ لیکن سکرین بہت چھوٹی ہونے کی وجہ سے شاید فوٹو شاپ پہ کام کرنے کا مزہ نہ آئے۔

یاسر عمران مرزا

شاہد بھائی ریویو کا انتظار ہے۔ احمد بلال بھائی۔۔۔۔ نوٹ بک تو لیپ ٹاپ ہی کو کہتے ہیں۔۔۔۔ جب کہ میں نیٹ بک کی بات کر رہا ہوں۔
اور میری معلومات کے مطابق ابھی تک کسی بھی نیٹ بک میں ابھی تک core2duo پروسیسر نہیں آیا۔ ان میں intel atom پروسیسر ہوتے ہیں یا پھر کوئی اور دو چار برانڈ کے پروسیسر

احمد بلال

میں دونوں کو ایک ہی سمجھ رہا تھا۔ نوٹ بک کی سکرین بھی بہت چھوٹی تھی ۔

ایم بلال

میرے خیال میں نیٹ بک فی الحال لیپ ٹاپ کا متبادل نہیں۔ اگر تو صرف عام نیٹ گردی کے لئے ہو تو پھر نیٹ بک لیپ ٹاپ سے بہت بہتر ہے کیونکہ نیٹ بک کا وزن بہت کم اور سائز میں چھوٹی ہونے کی وجہ بہت ہی آسانی سے اور ایک عام کتاب کی طرح ہاتھ میں پکڑی جا سکتی ہے۔ سب سے بڑھ کر اگر چھے سیل بیٹری جو کہ تقریبا 4400 ملی ایمپیئر کی ہو تو نیٹ بک تقریبا پانچ گھنٹے چلتی ہیں۔ میں ذاتی طور پر نیٹ گردی، تحریر لکھنے اور تو اور کوڈنگ وغیرہ کے لئے نیٹ بک کو اہمیت دیتا ہوں۔ نیٹ بک پر چلتے پھرتے جہاں بھی تھوڑا وقت ملے کام کیا جا سکتا ہے۔
رہی بات سپیڈ کی تو نیٹ بک کا پروسیسر اچھا نہیں۔ دراصل نیٹ بک بالکل بنیادی کمپیوٹنگ کے لئے ہے یعنی دورانِ سفر وغیرہ نیٹ بک سے تھوڑا بہت کام لیا جا سکے۔ لیکن میں تو مجبوری میں جب بجلی نہیں ہوتی تو فوٹوشاپ اور کورل ڈرا وغیرہ بھی نیٹ بک پر چلا لیتا ہوں۔ لیکن کام کی رفتار کافی کم ہو جاتی ہے اس لئے بس تھوڑا بہت کام نیٹ بک پر کرتا ہوں۔
نیٹ بک اور لیپ ٹاپ کا انتخاب کام کی ضرورت کے مطابق کرنا چاہئے کیونکہ دونوں اپنی اپنی جگہ اپنا منفرد مقام رکھتے ہیں۔ جب مجھے کہیں جانا ہو تو مجھے نیٹ بک ساتھ رکھنا زیادہ آسان لگتا ہے۔ لیکن اگر کوئی کہے کہ وہ پروفیشنل کام کرنے یا مستقل طور پر نیٹ بک استعمال کر لے تو میرے خیال میں ایسا ممکن نہیں۔ ایک تو سپیڈ اور دوسرا سکرین سائز۔ نیٹ بک کا سکرین سائز چھوٹا ہونے کی وجہ سے زیادہ دیر اس پر کام کرنے سے دل اکتا جاتا ہے۔
باقی ہر کسی کی اپنی اپنی پسند ہے۔

مزمل فاروق

یاسر بھائی اب نیٹ بک میںintel dual core بھی آنے شروع ہوگئے ہیں‌-

یاسر عمران مرزا

بلال بھائی، نیٹ بک کا جو کانسپٹ میرے ذہن میں تھا آپ نے اسے مزید تقویت دی ہے۔۔۔۔ اور آپکے اس تجزیے سے میں نیٹ بک کو مزید سمجھ پایا ہوں۔ تاہم آپکی رائے کے مطابق دو عدد ڈیوائسز لینا مجھے کچھ بھایا نہیں۔

اوپر دی گئی تمام معلومات کے باوجود میں ابھی تک کنفیوژن کا شکار ہوں۔ آیا نیٹ بک لی جائے یا لیپ ٹاپ۔۔۔۔ اس کی وجہ یہ ہے کہ اپنے سابقہ لیپ ٹاپ کو میں‌نے قریبا 90 فیصد وقت انٹرنیٹ براؤزنگ، آرٹیکل رائٹنگ ، وائس چیٹنگ اور ویب سرور پر کام کرنے کے مقاصد کے لیے استعمال کیا۔ باقی 30 فیصد فوٹو شاپ اور کچھ مووی میکر سافٹ وئر پر کام کیا۔

چنانچہ میں کہہ سکتا ہوں کہ نیٹ بک میرا 70 فیصد کام باآسانی کر سکتی ہے ، اور 30 فیصد کام کرنے کے لیے مجھے ڈیسک ٹاپ کا سہارا لینا پڑے گا۔۔۔۔۔ او کے لیٹس سی

یاسر عمران مرزا

بتانے کا شکریہ بھائی۔۔۔۔۔ تاہم ڈیول کور پراسیسر لگے ہونے کی صورت میں نیٹ بک، پیسوں کی بچت والے مسئلے کو حل نہیں کر پائے گی۔

کنعان

السلام علیکم!

الامارات سے اگر کسی نے کوئی بھی چیز خریدنی ہو اور اس کا بجٹ اس کو کور نہیں کر رہا تو شارجہ الخان چوک سے لے کر کرکٹ گراؤنڈ کا ایریا بہت بڑی مارکیٹیں بنی ہوئی ہیں وہاں دنیا کی ہر چیز سستے داموں مل جاتی ھے کہ ایک کے بدلے چار چیزیں خریدی جا سکتی ھے اور وہ پائیدار بھی ہیں۔

ان سب کے کاروبار جاپان سے اٹیچ ہیں اور وہاں پر دو، تین سال میں ہر چیز ایکسپائر کر دیتے ہیں جسے پاکستانی و ایرانی وہاں سکریپ کے طور پر خرید کر شارجہ سپلائی کرتے ہیں، جسے یہ دکاندار چیک کر کے اگر کوئی کمی بیشی ہو تو درست کر کے بیچتے ہیں اور 6 مہینے کی گارنٹی بھی دیتے ہیں۔ وہاں پر لیپ ٹاپ سستے مل جاتے ہیں۔ اور کوالٹی بھی نمبر 1۔

والسلام

__________________

راجہ اکرام

ویسے پاکستان میں یہ نیٹ بک کتنے تک کی مل جاتی ہے ۔۔۔ پاکستانی روپوں میں قمیت بتائیے گا۔۔ درہم، دینار یا ڈالر میں نہیں

__________________
محتاج اصلاح و دعا

کنعان

پاکستان میں اس کی قیمت یہاں چیک کریں مختلف سائز اور کپیسٹی میں