یاسر عمران مرزا

یہاں میں آپ کو صرف ایڈسنس فار کنٹنٹس کا طریقہ بتاؤں گا جو سب سے زیادہ استعمال ہوتے ہیں۔ اپنے گوگل ایڈ سنس اکاونٹ سے اشتہارات کا کوڈ حاصل کرنے کے لئے سب سے پہلے اپنا گوگل ایڈسنس اکاؤنٹ اس ایڈریس سے جا کر کھولیں۔
اور Adsense Setup والے ٹیب پر کلک کر دیں۔



اب یہاں Adsense for Contents والے لنک پر کلک کر دیں۔



یہاں سے اپنے ایڈ یونٹ کا انتخاب کیجئے، یعنی یہ بتایئے کہ آپ کس طرح کے ایڈز اپنی سائیٹ پر لگانا چاہتے ہیں۔ ایڈ یونٹ تین اقسام کے دستیاب ہیں، ٹیکسٹ یعنی تحریر مواد پر مشتمل ایڈ، امیج ایڈ یعنی تصویری مواد پر مشتمل ایڈز یا دونوں ایک ساتھ یعنی Ramdon طریقے سے کبھی تصویری ایڈ آ جائے اور کبھی تحریری ایڈیونٹ۔یہاں ہم صرف تحریری ایڈ یونٹ کا انتخاب کریں گے۔



اب نیچے موجود Continue کا بٹن دبا دیں،



اب اگلے مرحلے میں ہم اپنے ایڈ یونٹ کے فارمیٹ کا انتخاب کریں گے، سب سے پہلے تو اپنے ویب صفحہ پر موجود جگہ کی مناسبت سے اپنے ایڈ کے سائز کا انتخاب کیجئے۔ ایڈ یونٹ مختلف سائز میں دستیاب ہیں اور ان کا سائز آپ کے صفحہ پر اس کے لئے مختص جگہ پر منحصر ہے۔ ہم یہاں 300 ضرب 250 پکسل سائز کے ایڈ یونٹ کا انتخاب کرتے ہیں۔




اس کے بعد ہم اپنے ایڈ یونٹ کے رنگوں کا انتخاب کریں گے، یعنی یہ ایڈز جب ہماری ویب سائیٹ پر ظاہر ہوں تو ان کے رنگ کونسے ہوں۔ ویسے تو وہاں کافی سارے رنگوں کے ایڈز پہلے سے دیئے گئے ہیں اگر ان میں سے کوئی آپ کی سائیٹ کی مناسبت سے ہے تو ان میں سے کسی فارمیٹ کا انتخاب کر لیجئے بصورتِ دیگر اپنی سائیٹ کے رنگوں کی مناسبت سے خود وہاں رنگوں کا انتخاب کیجئے ، واضح رہے کہ ایڈ کے رنگوں کا انتخاب ایسا ہونا چاہئے جو آپ کی سائیٹ کے رنگوں سے بڑی حد تک مماثلت رکھتا ہو تاکہ یہ سائیٹ پر بھدا نا لگے اور عام صارف آسانی سے انہیں قبول کر سکے۔



اس کے بعد اپنے ایڈ کی مناسب فونٹ کا انتخاب کیجئے۔



یہاں ہم اپنے ایڈ کے کونوں کے بارے میں بھی فیصلہ کر سکتے ہیں کہ آیا یہ مکمل چکور ایڈ ہو یا اس کے کونے تھوڑے دائرے یا مکمل دائرے کی شکل میں ہوں۔یہ بھی اپنی سائیٹ پر موجود دوسرے مواد کی مناسبت سے منتخب کیئے جا سکتے ہیں۔



اس کے بعد نیچے موجود Continue کا بٹن دبا دیں۔



اب ہم اپنی سائیٹ کے ان ایڈز کے لئے ایک عدد ایڈ چینل بنائیں گے جو ہمیں بعد میں اس ایڈ یونٹ کی کمائی اسے مینج کرنے اور اس کے بارے میں دیگر معلومات دیکھنے کے کام آئے گا۔

یہاں Add New Channel پر کلک کر کے اپنے ایڈ چینل کا نام دیں، عام طور پر اس کا نام اپنی سائیٹ کا یوآرایل ہی رکھ دیا جاتا ہے تاکہ بعد میں پہچاننے میں دقت نا ہو۔



چینل منتخب کرنے کے بعد Continue کا بٹن دبا دیں۔



اب سب سے آخر میں جو ایڈ یونٹ ہم بنا چکے ہیں اس کو نام دینے کا مرحلہ آ چکا ہے، اس ایڈ یونٹ کا نام اس طرح دیں کہ اگر مستقبل میں یہی ایڈ یونٹ اسی سائیٹ کے کسی اور حصے میں لگانے کی ضرورت پڑے تو آپ کو نام پڑھتے ہی معلوم پڑ جائے کہ اس ایڈ یونٹ کا سائز کیا ہے اور اس کی فارمیٹنگ میں نے کیا رکھی تھی۔



اس کے بعد Submit and Get Code کا بٹن دبا دیں۔



لیجئے جناب آپ کا ایڈ یونٹ نا صرف تیار ہو چکا ہے بلکہ آپ کے سامنے کھلنے والے صفحہ پر اس کا کوڈ بھی موجود ہے اس کوڈ کو یہاں سے کاپی کیجئے اور بسم اللہ کر کے اپنی سائیٹ پر جہاں آپ کا جی چاہے اسے لگا دیں۔ یاد رہے کہ ایک سائیٹ کے ایک صفحہ پر زیادہ سے زیادہ ایڈز کی تعداد تین ہے اس سے زیادہ ایڈ لگانے سے آپ کا اکاونٹ بند ہو جائے گا۔



اردونامہ سے چاند بابو کی عمدہ کاوش

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

عبدالقدوس

سٹیپ بائے سٹیپ گائڈ اچھی ہے ۔۔۔ شکریہ
اب میں بھی گوگل کے ایڈز لگا لیا کروں گا بغیر کسی محنت کے

__________________

محمد یاسرعلی

بہت بہت شکریہ آپ نے بہت اچھے طریقے سے گائیڈ کیا ہے -کیا ایڈ بلاگ پر بھی لگائےجاسکتے ہیں

عبدالقدوس

جی ہاں یاسر بھائی بلاگ پر بھی ایڈز لگائے جاسکتے ہیں

حیدر

شکریہ بھائی جان ۔ ۔ ۔ ۔تحریر پیش کرنے کا۔ اگر اس کی ہر تصویر میں ایکسٹرنل لنک نہ ہوتا تو میں ذاتی طور پر ضرور سرورق کے لیے تجویز کرتا۔ ہاں آخیر میں لنک الگ معاملہ ہے۔

یاسر عمران مرزا

جی ہاں۔ بالکل لگا ستکے ہیں۔ ایک بات یاد رکھیے۔ اکثر اوقات صرف اردو پر مشتمل سائٹ میں ایڈ لگانے سے اکاؤنٹ بند کر دیا جاتا ہے۔

یاسر عمران مرزا

چاہوں تو میں خود نئی تصاویر بنا سکتا ہوں۔ لیکن کسی کی محنت یوں ضائع کرنا اچھا نہیں لگتا۔ اس ٹیوٹوریل پر کم ازکم ایک گھنٹہ سے زیادہ لگا ہے بنانے میں۔ ویسے بھی ہو سکتا ہے یہ اردونامہ والوں نے بھی سرورق پر لگایا ہو۔

تو ہم پاک نیٹ کے ممبران جب اپنی طرف سے محنت کر کے اچھا لکھیں گے اسے آپ شوق سے لگائیں سرورق پر۔

زارا

__________________

یاسر عمران مرزا

اس کے لیے معذرت چاہوں گا۔
وہ چاند بابو کو چین نہیں‌آیا نا۔
آپ بھی شئر کر دیں۔ کوئی گل نہیں۔ اور اگر گنجائش ہو آپکے پاس تو فیڈ کے لیے ایڈ کوڈ حاصل کرنے اور لگانے۔ یا سرچ والے پر بحث کر دیں۔

زارا

پلیز بھائی معذرت مت کریں۔

چلیں اُس پر لکھتی ہوں آج پھر۔

محمدعدنان

بہت اچھا کام ہے یاسر بھائی

wajee

اچھا ہے میں بھی ٹرائے کرتا ہو ۔ کیا یہ فری ڈومین والی سائٹ پر کام کرے گا۔

یاسر عمران مرزا

جی ہاں۔ بالکل ۔۔۔۔۔۔۔۔۔۔۔۔۔۔۔

یاہو

جناب اگلی بات بتائیں ۔۔۔۔۔۔ سائٹ پر کس طرح وزیٹر آئیں گے اور کس طرح زیادہ سے زیادہ کلکس ہو سکتے ہیں

یاسر عمران مرزا

سائٹ پر وزٹر بڑھانے کے کچھ ایسے طریقے ہیں جن میں ہم پے مینٹ‌کرتے ہیں۔ کچھ ایسے طریقے ہیں جن میں ہم سائٹ کا معیار بہتر بنا کر سرچ انجن میں اسکی رینکینگ اچھی بناتے ہیں۔ ساتھ ساتھ ہم کی ورڈز استعمال کر کے وزٹرز زیادہ کرتے ہیں۔ اس سلسلے میں ایک آرٹیکل میں نے پہلے پیش کیا تھا جس میں اردو بلاگ بہتر بنانے کے لیے تجاویز دی گئی تھیں۔ انہیں تجاویز کو ہم کسی بھی سائٹ کے لیے استعمال کر سکتے ہیں۔ یہ ملاحظہ کریں۔
اردو بلاگ بہتر بنائیے

اسکا مطالعہ کرنے کے بعد آپ فورم پر موجود رہیے ۔ مزید اچھے آرٹیکل آتے رہیں گے۔