یاسر عمران مرزا

گوگل ایڈسینس کی چند بنیادی ٹرمز کی تعریف میں ایک پہلے تھریڈ میں کر چکا ہوں۔
گوگل ایڈسینس کی ٹرمز سے واقفیت حاصل کریں
یہاں چند مزید ٹرمز کی تعریف بیان کر رہا ہوں۔ مستقبل میں ان شا ء اللہ مزید پیش کروں گا۔

ایڈ یونٹ Ad Unit

اشتہارات کا ایک مجموعہ جو تصاویر یا لکھائی کی شکل میں ایک مخصوص منتخب کیے گئے سائز میں کسی بھی ویب صفحے پر ظاہر ہو۔ اپنے ایڈ سینس اکاونٹ میں آپ اشتہارات کی نوعیت۔ رنگ، تحریری اشتہارات کی شکل وغیرہ اختیار کر سکتے ہیں۔ بعدازاں آپکو ایک جاوا سکرپٹ اور ایچ ٹی ایم ایل پر مشتمل کوڈ دیا جاتا ہے جسے آپ اپنے ویب صفحے میں لگا سکتے ہیں۔


ایڈ کوڈ Ad Code

ایک ایڈ یونٹ کے لیے جو ایچ ٹی ایم ایل کوڈ گوگل آپکو مہیا کرتا ہے تا کہ آپ اسے اپنے ویب صفحے کی ایچ ٹی ایم ایل میں شامل کر کے اشتہار کا ظاہر ہونا ممکن کرتے ہیں۔


سی پی سی Cost-per-click (CPC)

کاسٹ پر کلک وہ رقم ہے جو آپکی ویب سائٹ پر لگے گئے اشتہار پر ایک کلک ہونے کے بعد گوگل ایڈ سینس کی طرف سے بطور کمیشن آپکو دی جاتی ہے۔ کیوں کہ ایسا ہونے کے بعد آپ کے توسط سے ایک انٹرنیٹ صارف گوگل کے ان صارفین تک جاتا ہے جنہوں نے گوگل ایڈورڈز کو صارفین بھیجنے کے لیے پیسے جمع کرا رکھے ہوتے ہیں۔ کسی بھی اشتہار کی کاسٹ پر کلک اشتہار دینے والا متعین کرتا ہے۔ قیمت کے کم یا زیادہ ہونے کی بنیاد پر گوگل ان اشتہارات کے لیے اچھے ویب صفحات یا عام درجے کے ویب صفحات پر ظاہر ہونا متعین کرتا ہے۔ تاہم یہ بحث گوگل ایڈورڈز کے متعلقہ ہے جو کہ ہمارا موضوع نہیں ہے۔


کرالر Crawler

کرالر کو عام طور پر سپائڈر یا بوٹ بھی کہا جاتا ہے۔ یہ دراصل ایک سافٹ وئر ہے جو مسلسل انٹرنیٹ پر موجود ویب صفحات کو پڑھتا رہتا ہے اور ان صفحات میں موجود ڈیٹا کو ان کے متعلقہ زمرہ جات میں محفوظ کرتا رہتا ہے۔ کرالر کسی بھی وقت آپ کے ویب صفحے پر آ کر آپکے صفحے پر موجود مواد کا جائزہ لیتا ہے اور پھر اسی طرز کے اشتہار آپ کے صفحے پر ظاہر کرتا ہے جس قسم کا مواد آپکے ویب صفحے پر موجود ہے۔ مثال کے طور پر اگر آپ کھیلوں کے متعلق مضامین لکھتے ہیں تو آپکی ویب سائٹ یا بلاگ پر گوگل کی جانب سے کھیلوں کا سامان بنانے والے اداروں کے اشتہار ظاہر ہوں گے۔ یا مختلف سپورٹس کلب کے اشتہار ظاہر ہوں گے۔


ٹیکسٹ ایڈز یا امیج ایڈز Dynamic image ads or Text Ads

گوگل ایڈسینس کے اشتہارات کو بنیادی طور پر دو اقسام میں تقسیم کیا جاتا ہے۔ ٹیکسٹ پر مبنی اشتہارات جن میں صرف عبارت ہوتی ہے اور تصویری اشتہارات جن میں اشتہار دینے والا اپنا پیغام ایک تصویر کی صورت میں پیش کرتا ہے


ایڈ رینک اور پوزیشنگ Ad rank/Positioning

کسی بھی اشتہار کا اچھے ویب صفحات اور ان صفحات پر واضح مقامات پر ظاہر ہونا ان کی کاسٹ پرکلک کی قیمت کے حوالے سے متعین کیا جاتا ہے۔


چینل Channel

جو لوگ گوگل ایڈسینس کا اکاونٹ حاصل کر لیتے ہیں انہیں پبلشر کہا جاتا ہے۔ کیوں کہ وہ گوگل اشتہارات اپنے ویب صفحات پر پبلش کرتا ہے۔ کوئی بھی پبلشر اپنی مختلف ویب صفحات یا ویب سائٹس سے ہونے والے کلکس کی تعداد معلوم کرنے کے لیے چینل بنا سکتا ہے۔ یوں وہ معلوم کر سکتا ہے کہ کونسی ویب سائٹ پر اسے زیادہ صارفین مل رہے ہیں اور کتنی آمدن ہو رہی ہے۔ یوں کم آمدن ہونے والی ویب سائٹس یا ویب صفحات پر محنت کر کے انہیں بہتر بنا سکتا ہے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

یاسر عمران مرزا

گوگل ایڈسینس سے متعلقہ میرے اور زارا کے مزید معلوماتی تھریڈز کے روابط۔

گوگل ایڈسینس کیا ہے؟

گوگل ایڈسینس میں اپلائی کرنے کا طریقہ کار

گوگل ایڈسیسن کی آمدنی بڑھائیں

گوگل ایڈسینس کا اکاوئنٹ بند ہونے کی وجوہات

گوگل ایڈسینس کی ٹرمز سے واقفیت حاصل کریں

ایڈسینس چند مشورے

گوگل ایڈسنس کے بارے میں‌سوال و جواب