کنعان

ایف بی آئی نے ملا عمر کا نام انتہائی مطلوب افراد کی فہرست سے خارج کر دیا

واشنگٹن: امریکی ایف بی آئی نے اپنی ویب سائٹ پر سے تحریک طالبان افغانستان کے امیر ملا عمرکا نام انتہائی مطلوب افراد کی فہرست سے خارج کردیا ہے، تاہم القاعدہ کے رہنما ایمن الظواہری اور کالعدم تحریک طالبان پاکستان کے حکیم اللہ محسود بدستور ویب سائٹ پر انتہائی مطلوب افراد کی فہرست میں موجود ہے۔ واضح رہے کہ ایف بی آئی کی گذشتہ فہرست میں تحریک طالبان افغانستان کے امیر ملا عمر کا نام انتہائی مطلوب افراد میں شامل تھا

طالبان نے امریکی نائب صدر جوبائیڈن کے بیان کا خیرمقدم کرتے ہوئے کہا ہے کہ اگر امریکہ 10 سال پہلے یہ بیان جاری کر دیتا تو افغانستان میں حالات مختلف ہوتے۔ ایک امریکی جریدے کے مطابق طالبان رہنماؤں نے کہا کہ طالبان اور امریکہ مستقبل میں ایک دوسرے کے اتحادی بن سکتے ہیں۔

طالبان کے ایک رہنما نے کہا کہ اگر امریکہ ایسا بیان 10 سال پہلے دیتا تو طالبان اور امریکہ کے درمیان کشیدگی نہ ہوتی، القاعدہ کا افغانستان میں اب کوئی وجود نہیں ہے۔ امریکی نائب صدر جوبائیڈن نے ایک بیان میں کہا تھا کہ طالبان امریکہ کے دشمن نہیں اور کبھی بھی امریکی صدر نے نہیں کہا کہ وہ امریکی مفادات کیلئے خطرہ ہیں

__________________

حیدر

عنقریب دیکھیں گہ کہ فورم پر "چند لوگ" ان کی تعریف میں رطب اللسان بھی ہوں گے

اور تو اور اسفند یار ولی صاحب بھی پلٹا مار گیئے ہیں کہ اگر امریکہ طالبان کو دوست سمجھ سکتا ہے تو پاکستان کو بھی حق ہے کہ وہ حقانی گروپ کو پاکستان دوست سمجھے اور اس کا تحفظ کرے۔

ابھی کون کون سے رنگ دیکھنے باقی ہیں۔ اے امریکہ نواز لوگو۔۔۔۔
عنقریب تمہارا آقا و مولیٰ اپنے بیانات سے ویسے ہی پھرنے والا ہے جیسے تحریک انقلاب کا بانی عمران خان اپنے سابقہ بیانات سے توبہ تائب ہوا ہے