یاسر عمران مرزا

دنیا میں انٹرنیٹ کی سب سے بڑی کمپنی گوگل فیس بک اور دیگر ویب سائٹس کو جی میل ڈیٹا کی فیڈ دینا بند کر دے گی۔ گوگل کا کہنا ہے کہ جی میل کانٹیکٹس اب خودبخود دوسری ویب سائٹس کو منتقل نہیں ہو گے۔ گوگل کا کہنا ہے کہ اس کی پالیسی میں یہ تبدیلی بنیادی طور پر فیس بک کے لیے ہے اور اس کا اطلاق اگلے چند ہفتوں میں ہو گا۔ فیس بک اور کئی دوسری ویب سائٹس گوگل کے ایپلیکیشن پروگرامنگ انٹرفیس ( اے پی آئی ) کو استعمال کرتی تھیں جس کے ذریعے ان کے صارفین اپنے جی میل کانٹیکٹس کو خودبخود امپورٹ کر لیتے تھے جس سے انہیں اپنے پروفائل بھرنے میں آسانی ہوتی تھی اور دوسری صارفین کو ڈھونڈنے میں بھی آسانی ہوتی تھی۔

اب گوگل یہ سہولت صرف ان ویب سائٹس اور سروسز کو مہیا کرے گی جو دوسروں کو بھی اپنے ڈیٹا تک رسائی دیں گی۔گزشتہ ماہ اس بات کے سامنے آنے کے بعد کہ گوگل نے اپنے سٹریٹ ویو پروجیکٹ کے دوران لوگوں کا ذاتی ڈیٹا جمع کیا ہے برطانیہ کے انفارمیشن کمشنر کے دفتر نے اس سال کے شروع میں اس معاملے کی تحقیقات کی تھیں۔ گوگل نے اس وقت کہا تھا کہ کوئی قابل ذکر ڈیٹا جمع نہیں گیا گیا لیکن اس کے بعد گوگل یہ اعتراف کر چکا ہے کہ لوگوں کی ذاتی ای میل اور پاس ورڈز کی نقل کی گئی تھی۔ فرانس، جرمنی اور کینیڈا سمیت کئی ممالک میں پرائویسی کے نگراں ادارے اس معاملے کی تحقیقات کر چکے ہیں۔

گوگل کے سینئر وائس پریذیڈنٹ ایلن یوسٹس نے اپنے بلاگ لکھا تھا کہ کمپنی اس بات پر شرمندہ ہے کہ لوگوں کی ذاتی معلومات اکھٹا کی گئیں۔ انہوں نے کہا کہ کچھ مواقع پر لوگوں کی ذاتی ای میل، یو آر ایل اور پاس ورڈز تک حاصل کیے گئے۔ برطانیہ کے پرائیویسی کے نگراں ادارے کا کہنا تھا کہ اس کی اپنی تحقیقات تو اس برس جولائی میں مکمل ہو چکی ہیں لیکن ادارے نے اس سلسلے میں ہونے والی بین القوامی تحقیقات پر نظر رکھی ہوئی ہے۔

بی بی سی سے اقتباس۔

گوگل کو یہ قدم بہت پہلے اٹھا لینا چاہیے تھا کیوں کہ فیس بک صارفین کے روابط کب سے استعمال کر رہا ہے اور اپنے یوزرز میں اضافہ کر رہا ہے۔ گوگل کے علاوہ ہاٹ میل اور یاہو بھی فیس بک کو یہ خدمات مہیا کرتے ہیں۔ ان کو بھی اپنی پالیسی پر نظر ثانی کرنی چاہیے۔
شکریہ

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

proiub

یہ تو بڑی خطرناک چیز ہے۔ عموماً میل اکاؤنٹ میں نامعلوم ایڈریس سے میل آتی رہتی ہیں۔ میں بھی سوچتا تھا کہ کہاں سے آجاتی ہیں۔

یاسر عمران مرزا

یہ ای میل اسلیے آتی ہے کہ آپکے دوست فیس بک کو اپنے تمام کانٹکٹس تک رابطے کا اختیار دیتے ہیں۔

عبدالقدوس

اچھی آفر تھی ویسے

یاسر عمران مرزا

ابھی بھی ہے، شاید آپکے پراجیکٹ کے کام آ سکے۔ یہ پابندی صرف ان کے لیے ہے جو گوگل سے تعاون نہیں کرتے۔

عبدالقدوس

مجھے یاد پڑتا ہے گوگل نے فیس بک کو آفر بھی ماری تھی شاید

یاسر عمران مرزا

مگر فیس بک شاید 50 ملین یوزرز کے نشے میں‌ہے اس نے گوگل کی آفر کو بھی لات مار دی ہو گی
گوگل کے بعد فیس بک یاھو کو روند کر دوسرے نمبر پر آ چکا ہے ٹریفک اور یوزرز کے حوالے سے۔ کیا خیال ہے گوگل کو بھی پچھاڑے گا ؟
جب کہ گوگل کا بز سسٹم کچھ کامیاب ہوتا دکھائی نہیں‌دے رہا اور اس پر کیس شیس بھی ہوؤے ہوے ہیں۔

عبدالقدوس

اس طرح تو ہوتا ہے اس طرح کے کاموں‌میں

فیصل ناصر

شئرنگ کا شکریہ !

احمد بلال

گوگل کی آبائی فیلڈ سرچ میں کوئی اسکا مقابلہ کرتانظر نہیں آتا۔۔

یاسر عمران مرزا

جی بالکل۔ اگرچہ حالیا گوگل والوں نے کچھ کانسپٹ بنگ والوں سے بھی لیے پھر بھی بنگ اسکے مقابلے میں‌کوئی خاص کارکردگی پیش نہیں کر سکا۔ اور فیس بک پر تو سرچ نہ ہونے کے برابر ہے۔ اگر فیس بک میں‌سےکوئی پرانا مواد ڈھونڈنا ہو تو کوئی طریقہ موجود نہیں میرے خیال سے۔