یاسر عمران مرزا

گوگل آن لائن ایڈورٹائزنگ کا ایک جن ہے ۔ اس کی کمائی کا 97 فیصد حصہ فقط ایڈورٹائزنگ کے شعبے سے حاصل ہوتا ہے۔ چونکہ گوگل سرچ انجن، مجموع طور پر گوگل کمپنی کے کاروبار کا ایک مرکزی جزو ہے اس لیے اسی سرچ کو بہتر سے بہتر بناتے ہوے وہ دنیا بھر کے کاروبار مالکان کو اس پر آمادہ کرتا ہے کہ وہ گوگل کے مرکزی صفحات پر ایڈورٹائزنگ کے لیے جگہ خریدیں۔ ایسا کرنے کے لیے کاروبار کے مالکان کو گوگل ایڈورڈز Google Adwords میں اکاؤنٹ بنانا پڑتا ہے۔ جس کے بعد وہ اپنی مرضی اور ضرورت کے حساب سے ان کی ورڈز کے لیے گوگل کے مرکزی صفحہ پر جگہ خریدتے ہیں جو کی ورڈ ان کے کاروبار سے متعلقہ ہوتے ہیں۔

مقابلہ بازی کے تناسب سے ہر کی ورڈ کےلیے گوگل کےمرکزی صفحہ پر اشتہار کا ریٹ الگ ہوتا ہے۔ کیونکہ ہر کوئی چاہتا ہے کہ اسی کا اشتہار گوگل سرچ کے مرکزی صفحہ پر ظاہر ہو اس لیے کاروبار کے مالکان زیادہ سے زیادہ اخراجات ادا کرنے کے لیے تیار ہو جاتے ہیں۔ اور جو سب سے زیادہ بولی لگاتا ہے اس کا اشتہار سب سے زیادہ بار مرکزی صفحے پر ظاہر ہوتا ہے۔اور جیسے ہی کوئی انٹرنیٹ صارف اسے اشتہار پر کلک کرتا ہے گوگل اپنے ایڈورٹائزر کے اکاؤنٹ سے اتنی رقم کاٹ لیتا ہے جتنی اس نے بولی لگائی ہوتی ہے۔

چونکہ دنیا بھر میں بے شمار طرز کے کاروبار اب انٹرنیٹ پر منتقل ہو چکے ہیں اس لیے گوگل کے پاس بذریعہ اشتہارات کمانے کے مواقع اسی قدر بڑھ چکے ہیں۔ ہر طرز کے کاروبار کے لیے مختلف کی ورڈ موجود ہیں جو کہ انٹرنیٹ صارفین تلاش کے دوران استعمال کرتے ہیں۔ اور ان بے شمار کی ورڈز کے وزٹر حاصل کرنے کی مانگ بھی بے پناہ بڑھ چکی ہے۔ نیچے ایک ایسی فرم کی تیار کردہ شماریات موجود ہے جو گوگل ایڈورڈز Adwords سیٹ اپ کرنے میں اور اس سے بہتر طریقے سے فائدہ اٹھانے میں کاروبار مالکان کی مدد کرتی ہے۔ یہ شماریات گوگل ایڈورڈز کے بیس مہنگے ترین کی ورڈز کی ہے۔ اور اس میں یہ بھی بتایا گیا ہے کہ گوگل کمپنی کے منافع کا 97 فیصد حصہ فقط ایڈورٹائزنگ / تشہیر / اشتہار بازی سے حاصل ہوتا ہے۔ اور یہ رقم 2010 کی تیسری سہ ماہی سے لے کر 2011 کی دوسری سہ ماہی تک 32.2 ارب ڈالر بنتی ہے۔ اتنی بڑی رقم کا سوچ کر مجھے کسی مشہور دانشور کا وہ فقرہ یاد آ رہا ہے کہ اگر دنیا میں تمام پراڈکٹس کی مارکیٹنگ/تشہیر پر لگنے والا پیسہ روک دیا جائے تو صارفین کو پراڈکٹس اس سے آدھی قیمت پر ملیں جس موجودہ قیمت پر وہ مارکیٹ میں دستیاب ہیں۔



گوگل کے مرکزی صفحے پر اشتہار بازی کے علاوہ ، گوگل بیشتر کئی جگہوں پر اشتہارات کے لیے جگہ بھی فروخت کرتا ہے، جیسے جی میل ان باکس میں اشتہارات، یوٹیوب ویڈیوز پر اشتہارات اور عام صارفین کے بلاگز اور ویب سائٹ پر اشتہارات بذریعہ گوگل ایڈسینس Google Adsense۔ تاہم بذریعہ گوگل ایڈسینس ہونے والی آمدنی کا فقط 32 فیصد ہی گوگل تک پہنچ پاتا ہے کیوں کہ بقیہ 68 فیصد گوگل اس ویب سائٹ کے مالک کو ادا کرتا ہے جس نے بذریعہ ایڈسینس اشتہار لگائے ہوتے ہیں۔ اس پر پھر کبھی مزید بات ہو گی ان شاء اللہ۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

محمد یاسرعلی

بھائی سی پی سی سے مراد کیا اشتہار پہ کی جانے والی ایک کلک ہے۔

یاسر عمران مرزا

سی پی سی CPC
کاسٹ پر کلک وہ رقم ہے جو آپکی ویب سائٹ پر لگے گئے اشتہار پر ایک کلک ہونے کے بعد گوگل ایڈ سینس کی طرف سے بطور کمیشن آپکو دی جاتی ہے۔ کیوں کہ ایسا ہونے کے بعد آپ کے توسط سے ایک انٹرنیٹ صارف گوگل کے ان صارفین تک جاتا ہے جنہوں نے گوگل ایڈورڈز کو صارفین بھیجنے کے لیے پیسے جمع کرا رکھے ہوتے ہیں۔ کسی بھی اشتہار کی کاسٹ پر کلک اشتہار دینے والا متعین کرتا ہے۔ قیمت کے کم یا زیادہ ہونے کی بنیاد پر گوگل ان اشتہارات کے لیے اچھے ویب صفحات یا عام درجے کے ویب صفحات پر ظاہر ہونا متعین کرتا ہے۔

مزید یہاں پڑھیں۔
گوگل ایڈسینس کی بنیادی ٹرمز جانیے | Yasir Imran Mirza

یاسر عمران مرزا

پسند کرنے کا شکریہ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔

زارا

السلامُ علیکم
ہمیشہ کی طرح ایک اورمعلوماتی مضمون پیش کرنے کا شُکریہ یاسر بھائی۔

معظم

بہترین معلومات ۔ میں بھی اپنی دیرینہ گوگل دشمنی ختم کر کے دوبارہ آزمانے لگا ہوں ۔

معظم

وعلیکم السلام !

آپ کو پاک نیٹ پر واپس دیکھ کر خوشی ہوئی۔ آپکے عمدہ مراسلات کی کمی کافی محسوس کی۔ امید ہے اب آپ یوں غائب نہیں ہوں‌گی اور ہمیں مفید مراسلات سے مستفید ہونے کا موقع دیتی رہیں گی۔

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

شمشاد احمد

تو كيا انشورنس پر كلك كرنے سے 54.91 ڈالر ملتے ہيں۔۔۔۔۔۔۔۔۔ كمال ہے يار

حیدر

واقعی کمال ہوتا۔ اگر ایسا ہوتا۔

معظم

اگر آپ کی ویب سائٹ یا بلاگ انشورنس سے متعلق ہے جس پر ایسا مواد دیا گیا ہے جو مطابقت میں ہو اور آپ کی سائٹ پر کسی ایسی کمپنی کا اشتہار آ جائے جس نے اپنا ریٹ یہ رکھا ہو تو کوئی یوزر جب آپ کی سائٹ سے جائے گا تو آپ کو یقینی یہ رقم ملے گی ۔ میں نے ایک سائٹ پر تجرباتی طور پر ایڈ لگائے ہیں اور ان کا رویہ آبزرو کر رہا ہوں۔ ایک کلک پورے 1۔4 پاؤنڈ دے گیا جبکہ 80 کلک مل کر 2 اعشاریہ کچھ بناتے ہیں۔ یعنی یہ سب منحصر ہے کس کمپنی نے اپنے ایڈ کا کیا ریٹ رکھا ہے ۔

یاسر عمران مرزا

بالکل ملتے ہیں۔ لیکن کیا آپ جانتے ہیں کہ کتنے ہی لوگ یہ سب ٹرائی کر رہے ہوں گے جو آپ سوچ رہے ہیں؟

ان مہنگے ترین کی ورڈز پر مشتمل مواد پر مبنی ویب سائٹ بنانا اور پھر اسے گوگل سرچ میں اوپر کی رینکنگ دلانا یقیننا جان جوکھوں کا کام قرار دیا جا سکتا ہے۔

عبدالقدوس

صرف مہنگے کی ورڈز استعمال کرنے سے کوئی فرق نہیں پڑتا۔ اشتہارات جغرافیائی لحاظ سے ظاہر ہوتے ہیں۔ اب پاکستان جیسے ملک جہاں آن لائن شاپنگ 1 فیصد ہوتی ہے وہاں کے لوگوں کو یہ اشتہارات نظر نہیں آتے۔ ہاں اگر کوئی پاکستانی سائیٹس جس کی رینکنگ اور ٹریفک اچھی ہو تو اسی سائیٹ پر امریکہ، کینیڈا، برطانیہ وغیرہ میں ایسے اشتہارات دیکھے جاسکتے ہیں۔ جہاں تک مجھے یاد ہے مجھے ایک سائیٹ پر ایک کلک کے 17 ڈالرز تک ملے تھے۔

__________________

یاسر عمران مرزا

اس مضمون کا مطلب یہ نہیں ہے کہ آپ سب لوگ ان مہنگے کی ورڈز کو ٹرائی کرنا شروع کر دیں۔ گوگل پر high paying keywords کے نام سے سرچ کریں تو آپکو ہزاروں ایسی سائٹس مل جائیں گی جو مہنگے کی ورڈز بیان کر رہی ہوں گی۔ اس سے اندازہ لگائیں کہ کتنے ہی لوگ آپ سے پہلے یہ سب جانتے ہیں۔ ظاہر ہے خود جاننے کے بعد ہی انہوں نے یہ ورڈز اپنے اپنے بلاگ پر شائع کیے ہوے ہیں۔ اگر وہ جانتے ہیں تو انہوں نے یہ کی ورڈ ٹرائی بھی ضرور کیے ہوں گے۔

دوسری بات یہ، کہ گوگل بھی ان کو ورڈز کے عام پبلک تک پہنچ جانے کو جانتا ہو گا اور اس کا مقصد اپنی ایڈورٹائزرز یعنی Google Adwords کے گاہکوں کو بہترین وزٹر پہنچانا بھی ہے نہ کہ سپیم وزٹرز، اس لیے وہ اس طرز کے مہنگے کی ورڈز کے ساتھ یقیننا کافی حساس واقع ہوا ہے۔ اس لیے اس نے یقیننا ایسے اقدامات کیے ہوں گے جن سے کوئی ان کی ورڈز کا مس یوز نہ کر سکے۔

اگر آپ بلاگ یا ویب سائٹ بنانا ہی چاہتے ہیں تو ایسے موضوع پر ویب سائٹ بنائیں جو آپکا پسندیدہ ہو، جس پر آپ لکھ سکتے ہوں، مواد مہیا کر سکتے ہوں۔ اس پر کچھ عرصہ محنت کرنے کے بعد آپ گوگل اشتہارات Google Adsense کو استعمال کریں، یقیننا آپ مایوس نہیں ہوں گے۔ لیکن اس امر کا ضرور خیال رکھیں کہ عام دنیا میں جب آپ ایک نئی دکان کھولتے ہیں تو تقریبا پہلے سال وہ آپ کو کوئی خاص منافع نہیں‌دیتی بلکہ فقط آپ سے محنت ہی کرواتی ہے۔ اور آن لائن بزنس کے اصول بھی وہی ہیں۔

عبیداللہ عبید

شکریہ یاسر عمران بھائی ۔ ہمیشہ کی طرح پرمغز تحریر پیش کی آپ نے ،

جزاک اللہ احسن الجزاء

حیدر

کاش اس بات کو میرے یار احباب بھی سمجھ لیں