زارا

السلام علیکم

SEO کلاس1(ویب سائٹ ٹریفک ٹپس حصہ اول)

SEO کلاس2(ویب سائٹ ٹریفک ٹپس حصہ دوم)

کسی بھی ویب سائٹ کو پروموٹ کرنے کے لئے اس ویب سائٹ کا سٹرکچر بہت اہمیت کا حامل ہے. اچھے ویب سائٹ کے سٹرکچر کی وجہ سے ہی آپ کی ویب سائٹ سرچ انجن فرینڈلی ہوجاتی ہے. آئیے ہم اس کلاس میں وضاحت کرتے ہیں کہ ویب سائٹ کا سٹرکچر کس طرح کا ہونا چاہئے

1. ویب سائٹ کی HTML درست ہونی چاہئے یعنی ویب سائٹ کے ایچ ٹی ایم ایل ٹیگز ٹھیک طریقے سے ڈیفائن ہونے چاہئیں. جیسا کہ ہم دیکھتے ہیں کہ ایچ ٹی ایم ایل case sensitiveنہیں ہے اگر کوئی ٹیگ ٹھیک طریقے سے بند نہ ہو یا ٹیگ کی ترتیب ٹھیک نہ ہو تو ایچ ٹی ایم ایل پھر بھی کام کرتی ہے لیکن سرچ انجنز کے لئے یہ confusionکا باعث بنتی ہے. بہتر یہی ہے کہ اپنی ویب سائٹ کو validate کر لیں اس کے لئے اس لنک کا وزٹ کریں
W3C Link Checker

اس لنک پرجب آپ اپنی ویب سائٹ چیک کریں گے تو وہ آپ کو بتادے گا کہ آپ نے کونسا ٹیگ ٹھیک استعمال نہیں کیا کہاں آپ نے invalid html استعمال کی ہے.

2. ایچ ٹی ایم ایل کے ویب پیج کی بیک گراونڈ عام طور پر سفید ہوتی ہے اور ٹیکسٹ کا رنگ سیاہ. گوگل ان ویب سائٹس کو خاص اہمیت دیتا ہے جن کا فونٹ کلر سیاہ ہو اور بیک گراونڈ سفید ہو.

3. img کے ٹیگ میں alt کا اٹری بیوٹ لازمی ہونا چاہئے اور اس اٹری بیوٹ کی ویلیو کوئی کی ورڈ ہونا چاہئے. اس کی اہمیت اس وجہ سے زیادہ ہے کہ آپ کی ویب سائٹ کی تصاویرہر سرچ انجن کے images والے سیکشن میں دیکھی جاسکتی ہیں.
امیج کا ٹیگ استعمال کرنے کیلئے کوڈ کچھ یوں ہوگا

کوڈ:
4. ہیڈنگ ٹیگز خصوصی اہمیت کے حامل ہیں آپ جب کوئی کتاب خریدتے ہیں تو اس کے ہر باب میں اس کا عنوان بہت نمایاں ہوتا ہے. اور دیکھنے والے کو پتہ چل جاتا ہے کہ اس باب میں کیا بات ہوگی. اسی طرح ہیڈنگ ٹیگ کی سرچ انجنز کے لئے بہت اہمیت کی حامل ہے.کسی بھی ویب پیج میں ہیڈنگز لگانے کے لئے ہم h1,h2,h3,h4,h5,h6 ٹیگز استعمال کرتے ہیں۔

کوڈ:
5. ویب سائٹ پر لکھا ہوا مواد نمایاں ہونا چاہئے. یعنی فونٹ کا کلر اور سائز ایسا ہو کہ آپ کی ویب سائٹ کا مواد پڑھنے والے کو پریشانی نہ ہو. فرض کریں کہ آپ سفید رنگ کی بیک گراونڈ والے ویب پیج پر آپ فونٹ کا رنگ سفید رکھتے ہیں تو گوگل اور دوسرے سرچ انجن اس طرح کی ویب سائٹ کو بلیک لسٹ کردیتے ہیں یا بین کردیتے ہیں. اسی طرح فونٹ کا رنگ اس طرح کا ہو کہ ٹیکسٹ آسانی سے پڑھا جاسکے.

6. ویب سائٹ کے تمام لنک ٹھیک کام کررہے ہو. ٹوٹے ہوئے لنکس آپ کی ویب سائٹ کی مقبولیت کا گراف نیچے گرادیتے ہیں.

7. ویب سائٹ کے سٹرکچر میں لنکس بہت اہمیت کے حامل ہیں اس لئے تمام لنکس صاف ستھرے، دیکھنے میں دلکش اور ویب پیج کے سب سے اوپر ہوں

8. ویب سائٹ سادہ ہو اور دیکھنے والے کو اچھی لگے. لیکن اپنی ویب سائٹ پر بہت زیادہ رنگ استعمال نہ کریں کہ دیکھنے والے کی آنکھیں چندھیا جائیں. یادرکھیں آپ کی ویب سائٹ پر آنے والے کو زیادہ سکرولنگ نہ کرنی پڑے اور وہ سکرولنگ کئے بغیر آپ کی ویب سائٹ آسانی سے پڑھ سکے.

9. ویب سائٹ پر فلیش کا استعمال زیادہ نہ کریں بہتر ہے کہ فلیش کی جگہ تصاویر والے بینر استعمال کر لیں.

10. ویب پیج کا سائز زیادہ بھاری نہیں ہونا چاہئے. 32 کلوبائیٹ کا ویب پیج بالکل ٹھیک ہے. آپ کا ویب پیج 8 سے دس سیکنڈ میں کھل جانا چاہئے. اگر آپ کا ویب پیج بہت بھاری ہوگا تو دیکھنے والا زیادہ انتظار نہیں کرے گا اور آپ کا ویب پیج بند کرکے کسی اور سائٹ پر چلاجائے گا.